Vinsamlegast athugið að þetta efni er eldra en 3 ára.
Flutt voru inn rúm 712 tonn af papriku á fyrstu fimm mánuðum ársins. Þar  gætu falist sóknarfæri fyrir íslenska garðyrkjubændur.
Flutt voru inn rúm 712 tonn af papriku á fyrstu fimm mánuðum ársins. Þar gætu falist sóknarfæri fyrir íslenska garðyrkjubændur.
Fréttir 15. júlí 2019

Alls voru flutt inn 2.526 tonn af grænmeti á fyrstu fimm mánuðum ársins

Höfundur: Hörður Kristjánsson

Umtalsverður innflutningur var á grænmeti á fyrstu fimm mánuðum þessa árs. Í lok maí var búið að flytja inn samtals rúm 2.526 tonn af grænmeti til Íslands. Það er nærri 8% aukning miðað við fimm mánaða meðaltal ársins 2018.

Á öllu árinu 2018 voru flutt inn 5.652.852 kg af grænmeti, sem samsvarar um 471 tonni að meðaltali á mánuði, eða tæp 2.355 tonn á fimm mánuðum. Innflutningur á grænmeti til Íslands á fyrstu fimm mánuðum ársins 2019 er því nokkuð umfram fimm mánaða meðaltalið á síðasta ári, eða sem nemur um 170 tonnum sem er rúmlega 7% aukning.

Sóknarfæri fyrir íslenska garðyrkjubændur

Ætla má að í þessum tölum geti falist umtalsverð sóknarfæri fyrir íslenska garðyrkjubændur, einkum í papriku, tómata og svepparækt. Allt snýst það þó væntanlega um samkeppnishæfni og grunnkostnað eins og orku sem er lykilþáttur í þeirri starfsemi. 

Íslensku Kálfafellsrófurnar þykja bera af í bragðgæðum í samanburði við innfluttar rófur. Samt var búið að flytja inn 133 tonn af rófum frá útlöndum  í lok maí. 

Mest flutt inn af papriku

Mest var flutt inn af papriku á fyrstu fimm mánuðum ársins, eða rúm 712 tonn. Þá voru flutt inn tæp 449 tonn af tómötum og nærri 118 tonn af sveppum, en allt eru þetta tegundir sem hægt er að rækta í íslenskum gróðurhúsum.
Þá voru flutt inn rúm 465 tonn af kartöflum og tæp 449 tonn af gulrótum og næpum.

Íslensku Kálfafellsrófurnar þykja bera af

Af gulrófum voru flutt inn tæp 133 tonn, en þar þykir mörgum að innfluttar rófur standist alls ekki bragðsamanburð við  íslenska Kálfafellsyrkið. Þar gæti verið enn eitt sóknarfæri fyrir íslenska garðyrkjubændur. Erlendis eru gulrófur reyndar mest ræktaðar sem skepnufóður og því kannski ekki eins verið að leita þar eftir bragðgæðum heldur vaxtarhraða og næringargildi. Bændablaðið hefur heimildir fyrir því að Íslendingar sem búsettir eru í Danmörku og víðar hafi einmitt verið að sækjast eftir að fá sent fræ af íslenska Kálfafellsyrkinu til ræktunar vegna bragðgæðanna.

Á vefsíðu Sölufélags garðyrkju­manna er sagt að rófan sé  upprunnin í N-Evrópu og er hennar fyrst getið með vissu í ræktun á Íslandi í upphafi 19. aldar. Hún var meðal þeirra matjurta sem fyrstar náðu útbreiðslu meðal landsmanna.

Rófa er C-vítamínauðug og hefur verið kölluð appelsína norðursins.

Áætluð meðalneysla á íbúa er 2,4 kg á ári. Til megin framleiðslunnar er sáð að vori (apríl / maí) en einnig eru þær forræktaðar í gróðurhúsum og plantað út í byrjun sumars.

Til eru íslenskir stofnar af rófum og eru þekktastir Kálfafellsrófa og Ragnarsrófa. Einnig hefur verið ræktaður stofn sem nefnist Sandvíkurrófa, en það er stofn af Kálfafellsrófu. Algengasta afbrigði í ræktun er þó sagt Vige sem er norskt afbrigði af rófum. 

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...