Vinsamlegast athugið að þetta efni er eldra en 7 ára.
Frummælendurnir, Þóroddur Bjarnason, lektor við Háskólann á Akureyri, Kristján Þór Magnússon, bæjarstjóri í Norðurþingi, og Róbert Guðfinnsson, athafnamaður á Siglufirði.
Frummælendurnir, Þóroddur Bjarnason, lektor við Háskólann á Akureyri, Kristján Þór Magnússon, bæjarstjóri í Norðurþingi, og Róbert Guðfinnsson, athafnamaður á Siglufirði.
Mynd / MÞÞ
Fréttir 11. mars 2015

Sumar samgöngubætur skipta marga miklu máli

Höfundur: Margrét Þóra Þórsdóttir
Samgöngubætur eru af ýmsum toga, sumar eru þess eðlis að þær skipta marga miklu máli, aðrar aftur á móti skipta verulegu máli fyrir fáa. 
 
Þetta kom fram í máli Þórodds Bjarnasonar, prófessors við Háskólann á Akureyri, á fundi um samgöngumál sem Félag viðskipta- og hagfræðinga efndi til í menningarhúsinu Hofi fyrir nokkru.  Þóroddur er einnig stjórnarformaður Byggðastofnunar. Auk hans héldu þeir Róbert Guðfinnsson, athafnamaður á Siglufirði, og Kristján Þór Magnússon, sveitarstjóri í Norðurþingi, framsögu­erindi.
 
Héðinsfjarðargöng og Harpa
 
Þóroddur tók dæmi af Héðinsfjarðargöngum  og Hörpu, en kostnaður við gerð ganganna nam rúmum 14 milljörðum króna.  Íbúar á Siglufirði eru 1.200 talsins og ef eingöngu væri horft til þeirra næmi kostnaður á hvern íbúa tæplega 12 milljónum króna. Fleiri njóta hins vegar góðs af göngunum og ef tekið er tillit til þeirra er kostnaður í heild 45 þúsund krónur á mann. Kostnaður við byggingu tónlistarhússins Hörpu nam tæplega 28 milljörðum króna. Ef einungis væri tekið tillit til íbúa í póstnúmeri 101 væri kostnaður á mann um 1,8 milljónir króna. Ef miðað væri við landsmenn alla er kostnaðurinn 87 þúsund krónur á mann. 
 
Fram kom á fundinum að  Héðins­fjarðargöng hafi hleypt nýju lífi í gamla síldarbæinn, Siglufjörð, og nú horfa íbúar austan Vaðlaheiðar til þess að verulega lifni yfir á þeirra heimaslóðum með tilkomu Vaðlaheiðarganga sem nú er unnið að. Bættar samgöngur austur um eru t.d. ein af forsendum þess að hægt verði að ráðast í uppbyggingu stóriðju á Bakka.
 
Róbert nefndi í sinni framsögu að einhæf byggð hafi litla möguleika, samgöngur einar og sér skipti þar engu, en þær gefi hins vegar tækifæri.  Héðinsfjarðargöng og greið leið um Eyjafjörð hafa m.a. haft jákvæð áhrif á Siglufjörð en þar hefur uppbygging á liðnum árum verið ævintýri líkust.

50 myndir:

Skylt efni: Samgöngumál

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...