Vinsamlegast athugið að þetta efni er eldra en 6 ára.
Unnsteinn Hermannsson og fjölskylda hafa í nokkur ár rekið eigin kjötvinnslu í Langholtskoti.
Unnsteinn Hermannsson og fjölskylda hafa í nokkur ár rekið eigin kjötvinnslu í Langholtskoti.
Mynd / smh
Fréttir 8. apríl 2015

Nautakjötsframleiðendur hafa lengi beðið eftir endurnýjun í stofninum

Höfundur: smh
Rétt fyrir páska lagði sjávarútvegs- og landbúnaðarráðherra fram frumvarp til breytinga á lögum um innflutning á holdanautasæði. Með þeim breytingum verður heimilt að flytja inn ferskt erfðaefni til kynbóta hér á landi – frá og með næsta sumri. 
 
Unnsteinn Hermannsson og hans fjölskylda í Langholtskoti í Hrunamannahreppi, eru í hópi íslenskra nautakjötsframleiðenda sem hafa beðið með nokkurri óþreyju eftir endurnýjun í þeim bústofni sem fyrir er í landinu. Hann segir að það hafi ekki orðið framfarir í stofnunum á Íslandi í tugi ára. Það sé bæði vegna smæðar stofnsins og eins vegna þess skyldleika sem er meðal gripa innan hans. 
 
Einungis „gamalt sæði“ nú í boði
 
Að sögn Unnsteins er nýjasta hreina holdasæðið sem til er í landinu til kynbóta frá árinu 1995 og svo er til sæði úr enn eldri Gallowaygripum sem komu í Hrísey 1985 – en naut var einmitt sótt þangað fyrir Langholtskot árið 2010. „Vegna skyldleikans sem er í landinu hefur engin ræktun átt sér stað af viti til að þróa betri gripi,“ segir Unnsteinn. 
„Með innflutningi á sæði, sem mér skilst að verði Aberdeen Angus-kyn frá Noregi, mun skyldleikaræktun minnka, auk þess sem nýjum gripum fylgir aukinn vaxtarhraði og meiri vöðvamyndun í hverjum grip. Við myndum njóta þess ræktunarstarfs sem hefur verið stundað með þetta kyn og værum í raun að kaupa okkur það í þessu formi. Við framleiðendur höfum lítillega komið að þessari vinnu við nýja löggjöf og það er ekkert leyndarmál að þetta kyn var kannski ekki það sem við helst vildum. Það kemur hins vegar til af því að sjúkdómahættan er kannski minnst með því að flytja inn frá Noregi. Við vildum líka að leyft yrði að flytja inn fósturvísa, því það mun verða okkur erfitt – í það minnsta til að byrja með – að sæða kýrnar þar sem þær eru útigangskýr. Við þurfum væntanlega að byrja á því að reyna að velja úr þægar og viðráðanlegar kýr sem þarf þá að notast við.“
 
Meiri samvinna verður meðal holdanautaræktenda
 
Unnsteinn segir að þegar ræktunarstarf verði komið eitthvað af stað, með nýju erfðaefni, sé líklegt að meiri samvinna verði meðal framleiðenda í landinu. Þó sé tæpast ástæða til að stofna sérstakt samband utan um þessa grein nautgriparæktarinnar. „Landssamband kúabænda (LK) er auðvitað fagsamband nautgriparæktar í landinu – og kjötframleiðsla er nautgriparækt líka þó hún hafi orðið dálítið hornreka í kerfinu. Á síðustu árum hefur LK þó verið að sinna þessum málum og ýta þessu máli áfram. Það verður líka að fara varlega í svona málum og þau taka sinn tíma.“
 
Þrátt fyrir gríðarlega eftirspurn á síðustu árum hér á landi eftir nautakjöti þá hefur ekki verið mikið svigrúm í Langholtskoti til að auka við framleiðsluna að ráði. Unnsteinn segir að til þess að það hefði verið mögulegt hefði hreinlega þurft að kaupa land og fleiri gripi. Núverandi bústofn og rekstur hafi ekki boðið upp á möguleika á mikilli fjölgun; það sé ekki bæði hægt að setja kálfa á og í búðarborðið.
 
Breyttu yfir í kjötframleiðslu í stað þess að endurnýja fjós
 
Í Langholtskoti er rekin farsæl nautakjötframleiðsla og vinnsla. Árið 1980 tók þau Unnsteinn Hermannsson og kona hans, Valdís Magnúsdóttir, við búi í Langholtskoti af foreldrum Unnsteins.  
Í byrjun voru þau aðallega í mjólkurframleiðslu, en einnig með fjárbúskap um tíma. Unnsteinn segir að árið 2006 hafi þau staðið frammi fyrir því að taka ákvörðun um hvort þau myndu byggja nýtt fjós eða hætta mjólkurframleiðslu þar sem gamla fjósið var orðið yfirfullt, auk þess sem þar var slæm vinnuaðstaða. Þau tóku ákvörðun að breyta yfir í kjötframleiðslu til að nýta áfram gömlu byggingarnar, ræktun og vélakost. Haustið 2006 seldu þau kýrnar og framleiðsluréttinn í mjólk og keyptu holdanautahjörð. 

 

 

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...