Vinsamlegast athugið að þetta efni er eldra en 4 ára.
Yfirlitskort yfir matareyðimerkur í Bandaríkjunum þar sem engin matvöruverslun er í um 1,6 kílómetra fjarlægð.
Yfirlitskort yfir matareyðimerkur í Bandaríkjunum þar sem engin matvöruverslun er í um 1,6 kílómetra fjarlægð.
Mynd / feedingchildreneverywhere.com
Fréttir 24. janúar 2018

Matareyðimerkur verða algengari í Bandaríkjunum

Höfundur: Erla Hjördís Gunnarsdóttir - feedingchildreneverywhere.com
Sú ótrúlega þróun og veruleiki á sér stað í Bandaríkjunum að það sem nefnt hefur verið matareyðimerkur verða sífellt algengari. 
 
Það þýðir að fólk á ákveðnum svæðum hefur ekki aðgang að matvörubúðum á sínu svæði til að nálgast venjuleg og næringarrík matvæli heldur eru eingöngu skyndibitastaðir og ruslfæði í boði í nánasta umhverfi íbúa. Þessi staðreynd á við um í kringum 11 milljónir Bandaríkjamanna í dag sem er sláandi há tala. 
 
Því er hægt að ímynda sér þá sviðsmynd að íbúar þessara svæða hafa aldrei möguleika á að versla í venjulegum matvöruverslunum á sínu svæði, það getur ekki verslað sér ferska ávexti og grænmeti eða önnur matvæli til að elda sér heima næringarríkan og hollan mat. Skilgreining á matareyðimörkum er að engin matvöruverslun eða almennilegar almenningssamgöngur eru í um 1,6 kílómetra fjarlægð. Fæstar fjölskyldur sem búa á þessum svæðum eiga bifreið og þurfa því að reiða sig á almenningssamgöngur varðandi vinnu og ganga í verslanir sem næstar þeim eru til að kaupa í matinn, sem er á þessum svæðum eingöngu skyndibitastaðir eða litlar verslanir sem selja ruslfæði. 
 
Skattaívilnanir og ruslfæði
 
Forsvarsmenn stórra matvöru­verslana kanna lýðfræðilega þætti svæða áður en þeir ákveða hvar þeir opna nýjar verslanir. Því miður hefur þróunin orðið þannig að svæði þar sem fátækt ríkir í Bandaríkjunum falla ekki innan viðmiða verslanakeðjanna til að opna þar verslanir með almennilegum matvælum. Íbúar þessara svæða hafa því eingöngu aðgang að litlum hverfisverslunum sem sérhæfa sig í að selja áfengi og ruslfæði. 
 
Í dag eru hundruð svæða sem flokka má sem matareyðimerkur í Bandaríkjunum og eru margir á því að stjórnvöld í samráði við eigendur matvöruverslana verði að taka á vandanum áður en hann verður enn stærri. Fyrsta skrefið hefur verið stigið af stjórnvöldum með því að bjóða skattaívilnanir fyrir fyrirtæki sem eru tilbúin að koma inn og opna matvöruverslanir á þessum svæðum með holl matvæli. Það hefur, enn sem komið er, ekki borið tilætlaðan árangur en von stjórnvalda er að það breytist hægt og sígandi. Á sama tíma eru aðrir sem kalla eftir meiri umræðu um matareyðimerkur og benda á að stór hluti Bandaríkjamanna viti ekki einu sinni hvað hugtakið þýði þó að milljónir samlanda þeirra þjáist án næringarríkra matvæla. 
Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...