Vinsamlegast athugið að þetta efni er eldra en 3 ára.
Það er oft ótrúlegt að fylgjast með góðum smalahundum og hvernig þeir geta fengið kindahjörð til að hlýða sér og bókstaflega þegjandi og hljóðalaust samkvæmt skipunum hundaeigandans.
Það er oft ótrúlegt að fylgjast með góðum smalahundum og hvernig þeir geta fengið kindahjörð til að hlýða sér og bókstaflega þegjandi og hljóðalaust samkvæmt skipunum hundaeigandans.
Mynd / Aðalsteinn Aðalsteinsson
Fræðsluhornið 1. október 2018

Jöfn og spennandi keppni alveg til loka

Höfundur: Aðalsteinn Aðalsteinsson
Hin árlega Landskeppni Smala­hundafélags Íslands var haldinn að Möðruvöllum í Hörgárdal 25.–26. ágúst, í samstarfi við Smalahundafélag Hörgársveitar og nágrennis.
 
Blíðskaparveður var báða keppnisdagana og aðstæður á Möðruvöllum góðar og vel var að móti staðið hjá Hörgármönnum. Var þetta í fyrsta sinn að Landskeppni færi fram í Hörgársveit. Túnið var langt og breitt  og gátu því keppendur sent hunda sína jafnt til vinstri og hægri, víð og flott úthlaup.  
 
Alls voru 19 hundar skráðir til leiks í þremur flokkum og komu þeir hvaðanæva að af landinu. Keppnin var jöfn og spennandi alveg til loka. Kindurnar reyndu stundum á taugar keppenda og lentu keppendur í því að kindurnar höfðu einfaldlega betur og sáu við hundum þótt reyndir væru. En mörg frábær rennsli hjá smölum, hundum og kindum litu dagsins ljós á móti.
 
Dómarinn var hinn 68 ára gamli Ian Flemming frá Suður-Skotlandi og var hann skipaður af International Sheepdog Society sem Smalahundafélag Íslands er aðili að. Hann er sauðfjár- og nautgripabóndi með 3000 kindur og 150 nautgripi. Hann hefur langa reynslu af keppni og móthaldi á vegum ISDS, því var um að ræða mjög reyndan mann í flestu sem við kemur Border Collie fjárhundum. 
 
Stjórn SFÍ vill koma þökkum til landeiganda og sauðfjáreiganda (sem lánuðu kindur á mót) og allra þeirra sem gerðu gott mót að veruleika og þakkar gott samstarf við Smalahundafélag Hörgársveitar og nágrennis.
 
Eftirfarandi voru efstir í sínum flokkum (öll úrslit mótsins má finna á heimasíðu Sfí).
 
A -flokkur 110 stiga keppni
  1. Maríus S. Halldórsson og Elsa frá Hallgilsstöðum. Stig  87 + 79  = 166
  2. Svanur Guðmundsson og Smali frá Miðhrauni. Stig  77 + 88  = 165
  3. Maríus S. Halldórsson og Sara frá Sigtúni.  Stig  77 + 81 = 158
 
B- flokkur 100 stiga keppni
 
  1. Halldór Pálsson og Píla frá Þorgrímsstöðum.  Stig 80 + 26  = 106
  2. Elísabet Gunnarsdóttir og Kolur frá Húsatóftum.  Stig  (24) + 67 = 91
  3. Kryzysztof og Tígull frá Hallgilsstöðum.  Stig ( 25) + 55 = 80
 
Unghundaflokkur 100 stiga keppni
  1. Þorvarður Ingimarsson og Queen frá Tjörn. Stig 67 + 70  =  137
  2. Sverrir Möller og Kári frá Auðólfsstöðum.  Stig 59 + 75  =  134
  3. Aðalsteinn Aðalsteinsson og  Snerpa frá Húsatóftum. Stig 54 + 79  =  133
Einnig eru gefin verðlaun fyrir bestu tíkina og besta hund mótsins og var það í þetta sinn Elsa frá Hallgilsstöðum og Smali frá Miðhrauni sem fengu þau verðlaun.

6 myndir:

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...