Vinsamlegast athugið að þetta efni er eldra en 3 ára.
Norðurorka stendur í umfangsmiklum framkvæmdum við lagningu Hjalteyrarlagnar. Fyrsti áfangi verksins nær frá dælustöð við Glerártorg og út fyrir Hlíðarbraut.
Norðurorka stendur í umfangsmiklum framkvæmdum við lagningu Hjalteyrarlagnar. Fyrsti áfangi verksins nær frá dælustöð við Glerártorg og út fyrir Hlíðarbraut.
Mynd / MÞÞ
Fréttir 15. október 2018

Hjalteyrarlögn dugar samfélaginu við Eyjafjörð næstu áratugi

Höfundur: Margrét Þóra Þórsdóttir
„Stöðugur vöxtur hefur verið í heitavatnsnotkun Akureyringa undanfarin ár, það er komið að ákveðnum þáttaskilum í rekstri veitunnar, en yfir köldustu vetrardagana er hún á fullum afköstum og má lítið út af bregða,“ segir Helgi Jóhannesson, forstjóri Norðurorku. 
 
Fyrirtækið hefur í sumar staðið í umfangsmiklum framkvæmdum við lagningu Hjalteyrarlagnar sem svo er nefnd, frá dælustöð Norðurorku við Glerártorg á Akureyri, og nær fyrsti áfangi verksins út fyrir Hlíðarbraut í norðri og er honum nú að mestu lokið.  
 
Um 60% af hitaveituvatni koma af Hjalteyrarsvæðinu
 
Hitaveitukerfið á Akureyri var í upphafi hannað með það í huga að aðveitulagnir kæmu sunnan úr Eyjafjarðarsveit. Helgi segir að fyrri áætlanir hafi gert ráð fyrir frekari vatnsöflun í Eyjafjarðarsveit þar sem allir innviðir séu til staðar. Árangurslaus borun á vinnslusvæði við Botn sumarið 2016 varð til þess að ákveðið var að afla vatns fyrir veituna á Hjalteyrarsvæðinu svo mæta mætti aukinni þörf fyrir orku. „Orkuþörf hitaveitunnar hefur tvöfaldast frá því sem var árið 2000,“ segir Helgi.
 
Hjalteyrarsvæðið sem virkjað var árið 2002 gefur nú þegar um 60% af hitaveituvatni Akureyringa. Helgi segir að sú mikla afkastageta sem fyrir hendi sé á því svæði geti stafað af því að lekt bergs sé betri og aðsteymi vatns greiðara en þekkist á öðrum vinnslusvæðum Norðurorku. Rekja megi það til sprungumyndunar af völdum jarðskjálfta í brotabelti í utanverðum Eyjafirði. „Afkastageta jarðhitakerfisins við Hjalteyri er því mun meiri en annarra jarðhitasvæða sem við nýtum,“ segir Helgi.
 
Kostnaður við allt verkið ríflega tveir milljarðar
 
Hann nefnir að mat Íslenskra orkurannsókna sé að Hjalteyrarkerfið geti staðið undir mun meiri vinnslu en nú er, en flutningsgeta aðveitunnar standi í vegi fyrir nýtingu vinnslusvæðisins. 
 
„Þetta er þannig að yfir köldustu vetrarmánuðina þrýstum við mun meira vatni gegnum lögnina en eðlilegt er, það kostar öflugar dælur og gríðarlega raforku,“ segir Helgi. Nú þegar liggur að mestu fyrir hönnun á nýrri aðveituæð frá vinnslusvæðinu á Hjalteyri sem og einnig hönnun á bættri tengingu aðveitunnar við bæjarkerfið. Í því felast m.a. breytingar á tengingum við meginflutningskerfið innan bæjarins og á dælustöð við Þórunnar­stræti. 
 
Helgi segir að næsta sumar sé stefnt að því að tengja vatnið frá Hjalteyri upp í miðlunartanka í Þórunnarstræti. 
 
„Við áfangaskiptum þessu gríðarstóra verkefni, þetta er mikil fjárfesting, kostnaður er áætlaður ríflega tveir milljarðar króna í heild, boranir og dælubúnaður er þar meðtalinn,“ segir Helgi. Góður árangur var nú í sumar þegar boruð var viðbótarhola á jarðhitasvæðinu við Hjalteyri, en sú borun var eingöngu hugsuð til að fá varaholu í byrjun og ná betra aðgengi niður í núverandi vinnslupott.
 
Lögnin lögð undir Glerá í haust
 
„Við skiptum þessu verkefni upp á fjóra áfanga og er sá fyrsti í gangi núna, hann var boðinn út í vor og var tilboði lægstbjóðenda, frá Finni ehf., tekið. Fyrsti áfangi felst í lagningu nýrrar 500 mm lagnar innanbæjar, frá dælustöð við Glerártorg og út fyrir Hlíðarbraut. Lokaáfanginn í fyrsta áfanga verkefnisins felst í að koma lögninni undir botn Glerár og best hentar að vinna að því þegar dregur í vatnsmagni árinnar síðar í  haust.“  Næsta vor, 2019, verður hafist handa við annan áfanga verksins, sem er frá Hjalteyri og suður að Ósi, sem er norðan við ósa Hörgár.
 
Helgi segir að verkefnið sé stórt og umfangsmikið, en almennt hafi allt gengið með ágætum, alltaf komi þó upp einhver atriði sem ekki var hægt að sjá fyrir.
 
„Við vonum að ný Hjalteyrarlögn muni duga samfélaginu við Eyjafjörð næstu áratugina,“ segir Helgi og bætir við að hún sé hönnuð með þann möguleika í huga að lengja hana enn frekar til norðurs, að jarðhitasvæði við Syðri-Haga/Ytri Vík en það er í eigu Norðurorku.  

Skylt efni: Hjalteyri | Akureyri | Norðurorka

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...