Vinsamlegast athugið að þetta efni er eldra en 3 ára.
Nemendur fimm elstu bekkja Höfðaskóla tíndu á dögunum rusl í fjörunum í nágrenni Skagastrandar, með kennurum og starfsfólki frá BioPol. Á svæðinu við Kálfshamarsvík safnaðist um 150 kg af rusli en um það bil 95% af því var alls konar plastefni.
Nemendur fimm elstu bekkja Höfðaskóla tíndu á dögunum rusl í fjörunum í nágrenni Skagastrandar, með kennurum og starfsfólki frá BioPol. Á svæðinu við Kálfshamarsvík safnaðist um 150 kg af rusli en um það bil 95% af því var alls konar plastefni.
Mynd / Vefur Skagastrandar / James Kennedy
Umhverfismál og landbúnaður 28. júní 2018

Gríðarlegt magn af rusli safnaðist í fjöruhreinsunarátaki

Höfundur: Margrét Þóra Þórsdóttir
Nemendur fimm elstu bekkja Höfðaskóla tíndu á dögunum rusl í fjörunum í nágrenni Skagastrandar, með kennurum og starfsfólki frá BioPol. Tíundu bekkingar fóru þó lengra því þeir hreinsuðu rusl í Kálfshamarsvík og víkinni norðan við hana. 
 
Sjötti og sjöundi bekkur byrjuðu sinn leiðangur í Bæjarvíkinni á Finnsstaðanesinu og gengu svo alla leið heim að Salthúsinu með pokana sína. Krakkarnir í áttunda og níunda bekk gengu síðan leiðina frá Vindhælisstapanum og heim að Bjarmnesi. Sagt er frá þessu á vef Skagastrandar.
 
Á svæðinu við Kálfshamarsvík safnaðist um 150 kg af rusli en um það bil 95% af því var alls konar plastefni.
 
Bróðurparturinn plastefni ýmiss konar
 
Á svæðinu við Kálfshamarsvík safnaðist um 150 kg af rusli en um það bil 95% af því var alls konar plastefni. Þar voru áberandi stuttir grænir nælonspottar eins og eru  í trollum togara og snurvoðarbáta. 
„Greinilega var um að ræða afskurð sem til fellur þegar verið er að gera við trollið og er hér með farið fram á það við sjómenn að þeir passi betur upp á þessa litlu spotta þannig að þeir fari ekki í sjóinn,“ segir í frétt á vef Skagastrandar. 
 
Dekk áberandi mörg
 
Á leiðinni frá Finnsstöðum og heim tíndust upp 220 kg af alls kyns rusli, meðal annars nokkur gömul dekk og netadræsur auk alls plast- og járnaruslsins. Frá Vindhælisstapanum og heim voru dekk mest áberandi. Krakkarnir tíndu þau saman í stóran haug en síðan voru þau sótt á kerru og með dráttarvél. Giska má á að hér hafi verið um 60–70 dekk og dekkjarifrildi. Auk þess var tínt mikið af plasti eins og á hinum stöðunum.
 
 
Magnið kom á óvart
 
Í þessu hreinsunarátaki, sem er hluti af umhverfismennt skólans, var nemendunum uppálagt að skipta sér ekki af spýtum né fuglshræum sem telja má að séu „eðlilegir“ hlutir í fjörum landsins enda eyðast þeir með tímanum, öfugt við plastið sem sagt er að endist a.m.k. 500 ár í náttúrunni. 
 
Nemendur voru sammála um að það kom þeim á óvart hve mikið af plastrusli þau fundu og áttu erfitt með að ímynda sér hve mikið af því væri þá í hafinu við strendur landsins fyrst svo mikið rekur í fjörurnar. 
Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...

Byggðasaga Skagafjarðar tók 26 ár í vinnslu og í verkið fóru um 50 starfsár
Fréttir 19. janúar 2022

Byggðasaga Skagafjarðar tók 26 ár í vinnslu og í verkið fóru um 50 starfsár

Hjalti Pálsson frá Hofi, ritstjóri og aðalhöfundur Byggðasögu Skagafjarðar, skil...

Vinna hefst við gerð reglna um raforkuöryggi
Fréttir 19. janúar 2022

Vinna hefst við gerð reglna um raforkuöryggi

Umhverfis-, orku- og loftslagsráðherra, hefur skipað starfshóp um raforkuöryggi....

Ný reglugerð um velferð alifugla
Fréttir 19. janúar 2022

Ný reglugerð um velferð alifugla

Sjávarútvegs- og landbúnaðarráðherra hefur undirritað reglugerð um velferð alifu...

Skútustaðahreppur kaupir Kálfaströnd á 140 milljónir
Fréttir 18. janúar 2022

Skútustaðahreppur kaupir Kálfaströnd á 140 milljónir

Gengið var frá kaupsamningi undir lok síðasta árs um jörðina Kálfaströnd (Kálfas...

Segist hafa fengið hótun um málefni sveitarfélagsins
Fréttir 18. janúar 2022

Segist hafa fengið hótun um málefni sveitarfélagsins

Það hefur vakið athygli að Halldóra Hjörleifsdóttir, oddviti Hrunamannahrepps, h...