Vinsamlegast athugið að þetta efni er eldra en 2 ára.
Dagblaðið Íslendingur 03. maí árið 1957 segir frá opnun glæsilegs félagsheimilis, Freyvangs.
Dagblaðið Íslendingur 03. maí árið 1957 segir frá opnun glæsilegs félagsheimilis, Freyvangs.
Fréttaskýring 16. febrúar 2022

Óráðin örlög Freyvangs

Höfundur: Sigrún Pétursdóttir

Samkvæmt fundargerð sveitastjórnar Eyjafjarðarsveitar nú í janúarlok kom fram að Finni Yngva Kristinssyni sveitarstjóra hefur verið falið að gera uppkast að tveggja ára samstarfssamningi við Freyvangsleikhúsið varðandi leigu þess og rekstur. Er áætlað að fyrstu drög verði sett á borðið nú á dögunum og forvitnilegt að sjá hvort komist verði að samkomulagi um afdrif þess.

Framtíð Freyvangs hefur verið mikið í umræðunni síðustu misseri eftir yfirlýsingu sveitarstjórnar um áætlaða sölu hússins - enda hýsir staðurinn bæði langa sögu og er að stóru leyti eina áhugaleikhús sveitarfélags Eyjafjarðarsveitar - og þá Akureyrar sem er næsti bær við. Áhugaleikhús Freyvangs hefur laðað að sér leikmenn hreppana en jafnframt að stórum hluta Akureyrarbúa sem hafa notið þess að láta ljós sitt skína á fjölunum. Það má geta þess að um þessar mundir standa yfir æfingar á leikritinu vinsæla Kardimommubærinn sem fer í sýningu í byrjun mars – leikararnir í bland búsettir í sveitinni og á Akureyri og mikil tilhlökkun í loftinu, bæði leikenda og þeirra sem á ætla að horfa.

Verðlag og mögulegur kostnaður

Á meðan að meðlimir Freyvangs- leikfélagsins sjálfs sjái sér ekki fært að kaupa staðinn (með verðmiða uppá um 65m króna) er áhugi þeirra eindreginn þegar kemur að því að halda starfi sínu hvað viðkemur húsinu áfram. Skiptar skoðanir hafa verið á hvort slíkt sé of kostnaðarsamt, jafnvel óþarft, enda hafi félagsheimilið Laugarborg nýverið verið gert upp með það fyrir augum að þjóna íbúum Sveitarfélags Eyjafjarðarsveitar.
Aðstandendur leikfélagsins telja þó tam. að viðhald á þeirra vegum bjóði upp á mun vægari fjárútlát enda urmull laghentra meðlima þess sem gætu tekið á ýmsum verkum í stað útboða sem gætu kostað sveitarfélagið milljónir.

Óvissa um eignarhald

Skoðaður var sá möguleiki að starfsemi leikfélagsins flyttist í Laugarborg, en var það ekki talinn heppilegur kostur miðað við umfang starfsemi Freyvangsleikhússins. Að auki má hafa í huga að í Freyvangi hefur leikfélagið borið aldur sinn og er, í huga sveitunga, rótgróinn staður töfra sviðsins enda féllu upphaflegir eignarhlutar Freyvangs, að nær helmingi eða alls 48 prósent, í hendur ungmennafélaga, kvenfélaga og annarra.

Upptalið; Ungmennafélagið Ársól 8%, Ungmennafélagið Árroðinn 8%, Ungmennafélagið Væringjar 4 % (þeir ánöfnuðu Freyvangsleikhúsinu síðar hlut sínum í húsinu) Framfarafélag Öngulsstaðahrepps 8%, Kvenfélagið Aldan 8%, Kvenfélagið Voröld 8% og Slysavarnadeildin Keðjan 4%.

Skráðir eigendur nú samkvæmt vefsíðu Eyjafjarðarsveitar, eru fyrir utan sveitarfélagið, Búnaðarfélag Öngulsstaðahrepps, Samherjar og Kvenfélagið Aldan-Voröld. Samkvæmt fyrirtækjaskrá skattsins kemur þó lítið fram á vottorði um skráningu raunverulegra eigenda.

Framtíð Freyvangs

Þó Freyvangur, ásamt Laugarborg hafi gengt félagsstarfsemi af ýmsum toga, kom fram í stefnumörkunarvinnu sveitastjórnar Eyjafjarðarsveitar varðandi framtíðarhlutverk félagsheimilanna – árið 2000 - að Freyvangi væri markað hlutverk leikhúss.

Örlög Freyvangsleikhússins eru þó, þegar þetta er skrifað enn óráðin, en ljóst er að starfseminni sé sjálfhætt náist samningar ekki og leikfélagið missi aðstöðuna í Freyvangi. Tillögur sveitastjórnar að samstarfi séu því í eldlínunni og verða hugmyndir að úrlausn vonandi á borð bornar nú í vikunni. 

Framtíðarlandbúnaður á eftir að stökkbreytast
Fréttaskýring 23. febrúar 2024

Framtíðarlandbúnaður á eftir að stökkbreytast

Á komandi áratugum er líklegt að landbúnaður breytist verulega. Þættir eins og t...

Úrgangsmálin í ólestri
Fréttaskýring 9. febrúar 2024

Úrgangsmálin í ólestri

Í byrjun síðasta árs tóku gildi lög hér á landi þar sem bann er lagt við urðun á...

Bændur telja samningsstöðu sína gagnvart afurðastöðvum veika
Fréttaskýring 30. janúar 2024

Bændur telja samningsstöðu sína gagnvart afurðastöðvum veika

Aðstöðumunur kúabænda vegna mismunandi stuðnings við kvótakaup milli landsvæða h...

Auður, kvóti, mjólk og skuld
Fréttaskýring 26. janúar 2024

Auður, kvóti, mjólk og skuld

Þegar tiltekinn hópur bænda hefur tök á að eignast mjólkurkvóta með því að vera ...

Dýrmæt erfðaefni dreifast víða
Fréttaskýring 13. janúar 2024

Dýrmæt erfðaefni dreifast víða

Eyþór Einarsson, ráðunautur hjá Ráðgjafarmiðstöð landbúnaðarins (RML), segir að ...

Ræktunarland verður kortlagt
Fréttaskýring 8. desember 2023

Ræktunarland verður kortlagt

Gert er ráð fyrir að þingsályktunartillaga um nýja landsskipulagsstefnu til 15 á...

Mikilvægi sjálfsaflahlutfalls
Fréttaskýring 17. nóvember 2023

Mikilvægi sjálfsaflahlutfalls

Hugtakið „fæðuöryggi“ hefur verið mikið til umræðu undanfarin misseri. Ef litið ...

Ágreiningur um áhrif veiða
Fréttaskýring 11. nóvember 2023

Ágreiningur um áhrif veiða

Samkeppni um rými og auðlindir geta valdið misklíð milli manna og dýra. Í tilfel...