Vinsamlegast athugið að þetta efni er eldra en 9 ára.
Ágúst Torfi Hauksson nýr framkvæmdastjóri Norðlenska
Fréttir 27. október 2015

Ágúst Torfi Hauksson nýr framkvæmdastjóri Norðlenska

Höfundur: Margrét Þóra Þórsdóttir
Ágúst Torfi Hauksson verkfræðingur hefur verið ráðinn nýr framkvæmdastjóri Norðlenska. Hann mun taka við starfinu af Sigmundi E. Ófeigssyni sem lætur nú af störfum eftir 14 ára starf.
 
Ágúst Torfi lauk B.Sc. gráðu í véla- og iðnaðarverkfræði frá Háskóla Íslands 1999 og M.Sc. gráðu í vélaverkfræði frá University of British Columbia, Kanada árið 2001.
 
Ágúst Torfi Hauksson.
Ágúst Torfi hefur víðtæka reynslu af rekstri fyrirtækja bæði sem forstjóri, framkvæmdastjóri og sem stjórnarmaður. Á árunum 2005–2011 var hann framkvæmdastjóri hjá Brim hf., er sneri að stjórnun á umsvifum félagsins við Eyjafjörð. Á árunum 2011–2012 var hann forstjóri Norðurorku hf., á Akureyri. Á árinu 2012 var hann forstjóri Jarðborana hf., en hefur frá árinu 2013 verið sjálfstætt starfandi ráðgjafi í verk­efnum tengdum sjávarútvegi og orkumálum. Þá hefur hann setið í stjórnum fjölmargra fyrirtækja, lífeyrissjóðs og félaga.
 
Heiðrún Jónsdóttir, stjórnarformaður Norðlenska, segir mikinn feng af því að hafa fengið Ágúst Torfa til Norðlenska. Stjórn félagsins telur reynslu hans úr fyrirtækjarekstri og stjórnun, þá ekki síst í matvælaiðnaði, nýtast félaginu vel í þeim verkefnum sem fram undan eru hjá félaginu. „Við teljum hann henta vel til að vinna með fjölmennum hópi eigenda og samhentum hópi stjórnenda og starfsmanna. Við hlökkum til samstarfsins,“ er eftir Heiðrúnu haft í tilkynningu frá félaginu.
 
Ágúst Torfi, verðandi framkvæmdastjóri félagsins, segir það afar spennandi verkefni að takast á við rekstur Norðlenska, kynnast eigendum félagsins og sterkum hópi starfsmanna.  „Norðlenska er öflugt félag í matvælaframleiðslu, leiðandi á ýmsum sviðum og með mikla möguleika til að vaxa og dafna á komandi árum.  Það verður gaman að fá að taka þátt í þeirri vinnu sem framundan er hjá félaginu.“
Ágúst Torfi mun hefja störf í byrjun október. Hann er kvæntur Evu Hlín Dereksdóttur verkfræðingi og eiga þau tvær dætur.
 
Norðlenska var stofnað á grunni Kjötiðnaðarstöðvar KEA árið 2000 er hún var sameinuð Kjötiðjunni á Húsavík. Í kjölfarið keypti félagið þrjár kjötvinnslur Goða hf. Á Akureyri eru höfuðstöðvar fyrirtækisins, stórgripasláturhús og kjötvinnsla, á Húsavík er sauðfjársláturhús og kjötvinnsla, á Höfn er sauðfjársláturhús og í Kópavogi er söluskrifstofa. Eigandi Norðlenska er Búsæld, félag kjötframleiðenda í Eyjafirði, Þingeyjarsýslum og á Austur- og Suðausturlandi. Ársvelta Norðlenska árið 2014 var um 5.200 m.kr. Hjá fyrirtækinu eru um 195 stöðugildi að meðaltali. 

Skylt efni: Norðlenska

Hjartað slær með náttúruvernd
Fréttir 18. febrúar 2025

Hjartað slær með náttúruvernd

Sigrún Ágústsdóttir er forstjóri nýrrar Náttúruverndarstofnunar sem tók til star...

Á hverfanda hveli
Fréttir 18. febrúar 2025

Á hverfanda hveli

Árið í ár er helgað hverfandi jöklum. Íslenskir jöklar minnkuðu um 900 km2 milli...

Stöðugur samdráttur í hrossaútflutningi
Fréttir 17. febrúar 2025

Stöðugur samdráttur í hrossaútflutningi

Frá árinu 2022 hefur samdráttur verið stöðugur í útflutningi íslenskra hrossa.

Samráð um úrgangsforvarnir
Fréttir 14. febrúar 2025

Samráð um úrgangsforvarnir

Í Samráðsgátt stjórnvalda liggja nú drög Umhverfisstofnunar að stefnu um úrgangs...

Sóknarhugur er í Dalamönnum
Fréttir 14. febrúar 2025

Sóknarhugur er í Dalamönnum

Í Búðardal er fyrirhugað að reisa atvinnuhúsnæði með allt að 150 milljóna króna ...

Náttúrulegir birkiskógar hafa mikilvægt hlutverk
Fréttir 13. febrúar 2025

Náttúrulegir birkiskógar hafa mikilvægt hlutverk

Vísbendingar eru um að náttúrulegir birkiskógar hafi mikil áhrif á uppsöfnun kol...

Sjö verkefni um aukið virði sauðfjárafurða
Fréttir 13. febrúar 2025

Sjö verkefni um aukið virði sauðfjárafurða

Kennslutól fyrir skólabörn, vöruþróun ærkjöts og sauðaosta og markaðssetning á s...

Kjötafurðastöðvar aftur undir samkeppnislög
Fréttir 12. febrúar 2025

Kjötafurðastöðvar aftur undir samkeppnislög

Þingmálaskrá ríkisstjórnarinnar hefur verið kynnt fyrir vorþingið. Landbúnaðarmá...

https://bestun.airserve.net/banner_bundles/de3e87e0d8dde67f98882b3ac12f8b2f