Vinsamlegast athugið að þetta efni er eldra en 1 árs.
Frá kynningunni, þar sem Gréta María Grétarsdóttir fer yfir verkefnin sem hljóta styrk úr fyrstu úthlutun Matvælasjóðs.
Frá kynningunni, þar sem Gréta María Grétarsdóttir fer yfir verkefnin sem hljóta styrk úr fyrstu úthlutun Matvælasjóðs.
Mynd / Skjáskot
Fréttir 16. desember 2020

62 verkefni fengu styrk úr Matvælasjóði

Höfundur: smh

Fyrsta úthlutun úr Matvælasjóði var kynnt í beinni útsendingu á vef atvinnuvega- og nýsköpunarráðuneytisins í morgun. Alls bárust 266 umsóknir um styrki en 62 verkefni hljóta styrk. Sjóðurinn hafði 500 milljónir til úthlutunar að þessu sinni.

Styrkjaflokkarnir eru fjórir. Flest verkefni eru styrkt í flokknum Bára, sem styrkir verkefni á hugmyndastigi, eða 36. Í flokknum Afurð, sem styrkir verkefni sem eru komin af hugmyndastigi, eru átta verkefni styrkt. Í Keldu eru níu verkefni styrkt, en þar eru verkefni sem miða að því að afla nýrrar þekkingar. Loks hlutu níu verkefni í flokknum Fjársjóði styrki, en þau hafa það að markmiðið að styrkja markaðsinnviði og stuðla að markaðssókn afurða tengdum íslenskri matvælaframleiðslu.

Flestar umsóknir á hugmyndastigi

Alls bárust 126 umsóknir í Báru, 50 umsóknir í Afurð,  48 umsóknir í Keldu og 37 umsóknir í Fjársjóð.

Sjóðurinn var stofnaður í apríl, en hlutverk hans er að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum. Hann verður til með sameiningu Framleiðnisjóðs landbúnaðarins og AVS-rannsóknarsjóðs í sjávarútvegi. 

Áhersla er á nýsköpun, sjálfbærni, verðmætasköpun og samkeppnishæfni íslenskrar matvælaframleiðslu um land allt. 

Hluti af öðrum aðgerðarpakka vegna COVID-19

Unnið var að stofnun sjóðsins á síðasta ári en þeirri vinnu flýtt til að bregðast við áhrifum COVID-19.  Var frumvarp um sjóðinn lagt fram á Alþingi í apríl síðastliðnum sem hluti af öðrum áfanga aðgerða til að skapa efnahagslega viðspyrnu við ástandinu.

Hlutverk Matvælasjóðs er að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum. Áhersla er á nýsköpun, sjálfbærni, verðmætasköpun og samkeppnishæfni íslenskrar matvælaframleiðslu um land allt. Sjóðnum er einnig heimilt að styðja við vöruþróun og markaðssókn á erlendum mörkuðum. Sjóðurinn fylgir eftir heimsmarkmiðum Sameinuðu þjóðanna. Í þessum tilgangi styrkir sjóðurinn verkefni og rannsóknir einstaklinga og lögaðila.

Markmið sjóðsins er að ná til verkefna á öllum stigum, allt frá hugmyndum til markaðssetningar og hagnýtra rannsókna. Ráðstöfunarfé Matvælasjóðs samanstendur af fjárveitingu af fjárlögum hverju sinni og öðrum tekjum eftir því sem þeim er til að dreifa.  Áætlað er að Matvælasjóður muni hafa 628 milljónir til umráða á árinu 2021 og er stefnt á að opnað verði fyrir umsóknir í mars og að önnur úthlutun sjóðsins verði í maí 2021.

Eftirfarandi er haft eftir Grétu Maríu Grétarsdóttir, formanni stjórnar Matvælasjóðs, í tilefni fyrstu úthlutunar: „Við erum mjög ánægð með viðtökurnar sem sjóðurinn fékk og við getum verið bjartsýn hvað framtíð matvælavinnslu á Íslandi varðar þar sem einstök framtakssemi og hugmyndaauðgi einkenndi umsækjendur. Við fyrstu úthlutun og yfirferð umsókna kom ýmislegt í ljós sem við sjáum að hægt er að bæta úr sem gert verður fyrir næstu úthlutun. Við hvetjum alla sem fengu ekki styrk að þessu sinni til að vinna áfram í sínum hugmyndum enda stutt í næstu úthlutun sem fer fram í vor og stefnum við á að opna fyrir umsóknir í mars. Samhliða ætlum við að bjóða upp á rafrænt námskeið fyrir umsækjendur sem auglýst verður síðar. Einnig mun styrkþegum standa til boða að sækja rafræn námskeið sem munu vonandi auka líkur á að verkefnin náin tilsettum markmiðum.“

Í flokknum Báru eru 36 verkefni styrkt fyrir 97 milljónir króna:

 

FLAK ehf

SJOSA - Fiski og þörungasósur

Freysteinn Nonni Mánason

Fullvinnsla laxafurða á Íslandi: Hvar liggja tækifæri flökunar og hliðarafurða Odda á Patreksfirði

Alejandra Gabriela Soto Hernandez

No-dig Market Gardening

Responsible Foods ehf.

Upcycling Food Waste

Hans Emil Atlason

Sannprófanir á tauganetsaðferð sem greinir fiskamyndir

Eydís Mary Jónsdóttir, Karl Petersson, Hinrik Carl Ellertsson

Sjávarmál

Urta Islandica ehf

Kerfilmjólk

GreenBytes

GreenBytes

Icecal 

Kalkvinnsla úr kúfskel

Jamie Lai Boon Lee

Kraftur úr Hafinu / Seaweed and seafood Provisions

ALGÓ ehf

SÆMETI

Telma Rut Bjargardóttir

Bio-bones

Fiskvinnslan Hrefna ehf

Laxgæti verður til

Sýslið verkstöð ehf

Skógarkerfill - Illgresi eða vannýtt matarauðlind

Steinn Arnar Kjartansson

Leifur Arnar - Smáforrit gegn matarsóun

Emma Charlotta Aermaenen

Könglar

Ólína Gunnlaugsdóttir

Jöklarinn: Orkustykki og snakk úr fjallagrösum, söli og harðfiski

Bragi Arnarson

Upprunarakning á bálkakeðju

GMATT ehf

COD WINGS_ÞORSKVÆNGIR - Verðmætaaukning á vannýttri afurð, kviðugga á þorski

Finnrós ehf

Marea

Nordic Kelp

Afurðir úr Beltisþara

Atli Stefán Yngvason

Vegangerðin

Eimverk ehf

Íslenskt Malt Edik

Embla Dóra Björnsdóttir

Fíflarót - allra meina bót

Hárækt ehf

VAXA Reykjanesi

R&F ehf

Hampur og jarðhiti

Björn A. Hauksson

Kaffi Kóla

Jake Maruli Thompson

Salmon on Seaweed

Víkurskel

Tilraunaræktun á ostrum í landi

Helga Haraldsdóttir

Kandís

Aska Spa ehf

Icewine framleiðsla á Íslandi

Einar Örn Aðalsteinsson

Kjötvinnslu breytt í atvinnueldhús

Brjálaða gimbrin

Ærkjöt - betri nýting

Aldingróður ehf.

Ræktun ætra blóma árið um kring

Syðra Holt ehf

Sauðaostar og sauðaostagerð

Sæverk ehf

Viðskiptaáætlun f. tilraunaveiðar og markaðssetnigu á grjótkrabba

 

Í flokknum Kelda eru níu verkefni styrkt fyrir 157 milljónir króna:

 

Punktur ehf.

Kæling Lýstra Gróðurhúsa

Matís

Greining á hringormum í flökum

Matís

Hákarlsverkun

Matís

Bætt gæði, geymsluþol og minni sóun í virðiskeðju íslensks grænmetis

LBHÍ

Mannakorn hafrar

Matís

Streita Laxfiska

Matís

Verðmæt efni úr hliðarstraumum þörungavinnslu

RML

Fundið fé - þróun á framleiðslukerfi í sauðfjárrækt

Síldarvinnslan

Ný þráavarnarefni og stöðuleiki makrílmjöls

 

Í flokknum Afurð eru átta verkefni styrkt fyrir 100 milljónir króna:

 

Marpet ehf.

Heilsumolinn - framleiðsla á heilsusnarli úr síld fyrir gæludýr

ABC lights ehf.

BIRTA - Gróðurhúsalausn

Sandhóll bú ehf.

Þróun íslenskrar haframjólkur

Responsible foods

Umbylting skyrs

Síldarvinnslan

Prótein úr hliðastraumum makríls

Júlía Katrín Björke

Mývatns Spirulina

Norðlenska

Þróun framleiðsluvara byggðum á íslenskum jurtagrunni

BioBú

Heilandi máttur lífrænnar mysu í krukku

  

Í flokknum Fjársjóður eru níu verkefni styrkt fyrir 127 milljónir króna:

 

Jurt ehf.

Markaðssókn Nordic Wasabi á Evrópumarkað

Niceland seafood ehf.

Markaðssetning á frosnum fisk - Framtíð Íslensks sjávarútvegs

Saltverk ehf.

Markaðssókn á sjálfbæru sjávarsalti frá SALTVERK í Bandaríkjunum

Pure Natura

Markaðssókn á fæðubótarefnum unnum úr hliðarafurðum í sauðfjárrækt

SFS

Markaðssókn þorsks á Bretlandsmarkað

Feed the viking ehf.

Þurrkaðar kjöt- og fiskafurðir úr íslenskum hráefnum á Bandaríkjamarkað

Bone & Marrow ehf.

Markaðsetning á heilsumatvælum Bone and Marrow á Íslandi

Verandi

Verandi

Íslandsstofa

Kynning á söltuðum þorski í Suður Evrópu – Kokkaskólar

 

 

Stjórn Matvælasjóð skipa þau Gunnar Þorgeirsson, formaður Bændasamtaka Íslands, Gréta María Grétarsdóttir, formaður stjórnar, Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, og Karl Frímannsson, sviðsstjóri fræðslusviðs Akureyrarkaupstaðar.

Skylt efni: matvælasjóður

Miðaldaminjar fundnar í Grímsey
Fréttir 17. maí 2022

Miðaldaminjar fundnar í Grímsey

Nú er unnið að undirbúningi kirkjubyggingar í Grímsey en smíði hennar mun hefjas...

Fjórtán ára meðhjálpari í Saurbæjarkirkju
Fréttir 17. maí 2022

Fjórtán ára meðhjálpari í Saurbæjarkirkju

Tryggvi Sveinn Eyjólfsson er yngsti meðhjálpari landsins því hann er aðeins 14 á...

Uppbygging hringrásarhagkerfis Mývatnssveitar
Fréttir 17. maí 2022

Uppbygging hringrásarhagkerfis Mývatnssveitar

Fyrir nokkru var undirrituð samstarfsyfirlýsing á milli Skútu­staða­hrepps og Pl...

Nesbú með nýtt lífrænt hænsnahús í Flóanum fyrir 18 þúsund fugla
Fréttir 16. maí 2022

Nesbú með nýtt lífrænt hænsnahús í Flóanum fyrir 18 þúsund fugla

Nesbú á Vatnsleysuströnd er þessa dagana að taka í notkun nýtt og glæsilegt lífr...

Kolvetnasnauðu Queen Anne kartöflurnar fá góðar viðtökur
Fréttir 16. maí 2022

Kolvetnasnauðu Queen Anne kartöflurnar fá góðar viðtökur

Nýverið kom á markað kartaflan Queen Anne frá Þórustaða Kartöflum sem hefur mun ...

Arfgerðin T137 finnst á Botnum og reynist útbreidd á Árskógsströndinni
Fréttir 16. maí 2022

Arfgerðin T137 finnst á Botnum og reynist útbreidd á Árskógsströndinni

Arfgerðar­greiningar á príon­próteini (PrP) kinda eru nú í fullum gangi. Að sögn...

„Ég hef lagt niður vopnin“
Fréttir 13. maí 2022

„Ég hef lagt niður vopnin“

Sigríður Jónsdóttir bóndi og fjölskyldan í Arnarholti í Biskups­tungum ætla að h...

Kúabændur misvel í stakk búnir til að bregðast við versnandi rekstrarhorfum
Fréttir 13. maí 2022

Kúabændur misvel í stakk búnir til að bregðast við versnandi rekstrarhorfum

Herdís Magna Gunnarsdóttir, bóndi á Egilsstöðum á Fljóts­dalshéraði, var kjörin ...