Brotist hefur verið inn í þrjú eldisbú síðan í maí; svínabú Stjörnugríss í Brimnesi á Kjalarnesi, Reykjabúið, hænsna- og kalkúnabú í Mosfellsbæ og nú síðast í minkabúið Dalsbú í Mosfellsdal. Innbrotin hafa reynst skaðleg búskap og haft alvarlegar afleiðingar fyrir dýr og nærumhverfi.
Stærsti minkabóndi landsins hættir búskap um áramótin. Hann segir átta ára taprekstur of langan tíma og framtíðarhorfur ekki góðar.
Sóttvarnarstofnun Danmerkur hefur gefið út að lýðheilsu standi ekki ógn af endurreisn minkaræktar í landinu.
Nýlega var þúsundum minka á þremur minkabúum á Norður-Jótlandi í Danmörku slátrað eftir að upp komst um kórónusmit á búunum. Nú hafa dönsk yfirvöld gefið út að hér eftir verði kórónasmituðum minkum ekki slátrað heldur verða starfsmenn búanna skyldaðir til að bera munnbindi við störf.
Hagur loðdýrabænda á Íslandi hefur heldur vænkast á þessu ári eftir mikið verðfall á minkaskinnum á síðasta ári. Við árslok 2014 voru 33 aðilar með aliminka á 28 minkabúum í landinu samkvæmt tölum MAST.
