Vinsamlegast athugið að þetta efni er eldra en mánaðar gamalt.
Þau Hanna Rún Ingibergsdóttir og Hjörvar Ágústsson reka Kirkjubæjarbúið ásamt foreldrum Hjörvars.
Þau Hanna Rún Ingibergsdóttir og Hjörvar Ágústsson reka Kirkjubæjarbúið ásamt foreldrum Hjörvars.
Bóndinn 23. febrúar 2024

Forréttindastarf

Hjörvar Ágústsson hrossaræktarbóndi gefur hér lesendum innlit í líf og starf fjölskyldu sinnar. Einnig má svo fylgjast með þeim á Instagram og Facebooksíðu Bændablaðsins næstu tvær vikurnar.

Daglegt líf fjölskyldunnar á Kirkjubæ á Rangárvöllum tekur á sig margar myndir.

Kirkjubær á Rangárvöllum er gömul jörð sem nær það langt aftur að hún kemur vel fyrir í Njálu. Þá voru hér mest þjófar og lygarar sem urðu þess valdandi að Gunnar á Hlíðarenda dó. Við höfum því reynt í seinni tíð að skapa meira jákvætt umtal um Kirkjubæ.

Hér hefur verið stunduð skipulögð hrossarækt síðan 1960. Fyrstur til að vera hér úr minni fjölskyldu var afi minn, Sigurður Haraldsson, um 1974. Síðan seinna meir faðir minn, Ágúst Sigurðsson, ásamt Guðjóni bróður sínum. Seinna meir eingöngu mín fjölskylda.

Í dag sjáum ég og kona mín, Hanna Rún Ingibergsdóttir, um daglegan rekstur og rekum búið ásamt foreldrum mínum, Ágústi Sigurðssyni og Unni Óskarsdóttur.

Býli, gerð bús? Kirkjubær á Rangárvöllum, 1500 hektara hrossaræktarbú

Ábúendur, fjölskyldustærð (og gæludýra)? Hjörvar Ágústsson, Hanna Rún Ingibergsdóttir og Lilja Rún Hjörvarsdóttir (1 árs), mæðgurnar Dögg og Krafla (ástralskir fjárhundar) auk Blesu og Huldu (íslenskir bland í poka-kettir).

Fjöldi búfjár? Aðeins misjafnt, en í kringum 80 hross á búi.

Hvers vegna velur þú þessa búgrein? Ákvað sem betur fer að vinna við það sem ég hef gríðarlega ástríðu fyrir og áhuga. Oft þarf að gera erfiða hluti og ekki alltaf auðvelt að láta hlutina ganga upp fjárhagslega, langir dagar á ekkert svo spes tímakaupi. En ég hlakka til á hverjum einasta morgni að fara út í hesthús og þjálfa. Hvílík forréttindi!

Hvernig gengur hefðbundinn vinnudagur fyrir sig á bænum? Vaknað, gefið, stíur teknar, þjálfað, hádegisgjöf, þjálfað, kvöldgjöf. Svo, eins og flestir þekkja, er enginn dagur eins og ýmislegt annað sem þarf að brasa.

Skemmtilegustu/leiðinlegustu bústörfin? Skemmtilegast er að þjálfa hrossin, mennta þau, finna út hlutverk fyrir þau, vera í kringum þau. Leiðinlegast er allt tengt rúlluplasti eftir að þú tekur það af rúllunni. Blautt/frosið rúlluplast í misheppilegum ílátum sem þú treður inn á kerru til að fara með á gámaþjónustuna.

Hvernig væri hægt að gera búskapinn ykkar hagkvæmari? Við erum nú alltaf að reyna að hugsa til þess. En ekki komin með svör.

Hvernig sjáið þið landbúnað á Íslandi þróast næstu árin? Tækniþróun mun halda áfram að gera ýmsa hluti einfaldari. Vonandi verður komin einhver lausn önnur en rúlluplast. Eitthvað umhverfisvænna og skemmtilegra.

Eftirminnilegasta atvikið við bústörfin? Alltaf stendur það nú upp úr þegar folöldin mæta á svæðið. Spá og spekúlera í byggingarlagi og háttum þeirra. Eins eru frumtamningar að hausti tími sem við bíðum alltaf spennt eftir.

Instagram-síða: @Kirkjubaer_horsefarm

Dýrmæt samvinna
Bóndinn 15. apríl 2024

Dýrmæt samvinna

Þórdís Halldórsdóttir bóndi kynnir lesendum búskap sinn á Ytri-Hofdölum í Skagaf...

Verðmæti til í öllu
Bóndinn 22. mars 2024

Verðmæti til í öllu

Grænegg eiga sér tæplega 70 ára fjölskyldusögu í hænsnarækt auk þess sem Sveinbj...

Allir vegir færir
Bóndinn 8. mars 2024

Allir vegir færir

Steinþór Logi Arnarsson og Eydís Anna Kristófersdóttir, sauðfjárbændur í Stórhol...

Forréttindastarf
Bóndinn 23. febrúar 2024

Forréttindastarf

Hjörvar Ágústsson hrossaræktarbóndi gefur hér lesendum innlit í líf og starf fjö...

Enginn dagur eins
Bóndinn 9. febrúar 2024

Enginn dagur eins

Óli Finnsson er garðyrkjubóndi ásamt Ingu Sigríði Snorradóttur. Þau fluttu árið ...

Horfir fram á veginn
Bóndinn 26. janúar 2024

Horfir fram á veginn

Ísak Jökulsson bóndi rekur búið Ósabakka ehf. í samvinnu við föður sinn, Jökul H...

Draumur varð að veruleika
Bóndinn 12. janúar 2024

Draumur varð að veruleika

Hjónin Eydís Rós Eyglóardóttir og Ingvi Guðni Ingimundarson tóku við búi foreldr...

Vesturkot
Bóndinn 8. nóvember 2023

Vesturkot

Vesturkot er vestasti bærinn á Ólafsvallartorfunni og lengst af hefur verið reki...