Vinsamlegast athugið að þetta efni er eldra en 6 ára.
Margir kallaðir en fáir útvaldir
Fræðsluhornið 18. júní 2015

Margir kallaðir en fáir útvaldir

Höfundur: Vilmundur Hansen

Allt frá því að framleiðsla á dráttarvélum hófst hafa komið á markað tugir tegunda sem hafa lofað góðu en orðið undir í samkeppninni. Framleiðendur vélanna hafa annaðhvort farið á hliðina, sameinast öðrum fyrirtækjum eða verið yfirteknir.

Dráttarvélaframleiðandinn sem fjallað er um að þessu sinni er dæmi um fyrirtæki sem framleiddi vandaða traktora en varð undir í samkeppninni.
Cockshutt

Árið 1877 stofnaði Kanada­maðurinn J.G. Cockshutt fyrirtæki sem framleiddi plóga og nefndi það í höfuðið á sjálfum sér, Cockshutt Plow Company. Fyrstu árin sérhæfði fyrirtækið sig í að framleiða fylgihluti fyrir dráttarvélar og ætlaðir voru til jarðvinnslu. Árið 1920 hóf fyrirtækið að selja dráttarvélar samhliða jarðvinnslutækjum. Í fyrstu traktor sem hét Hart-Parrs en árið 1929 dráttarvélar frá Allis-Chalmers. Samstarfið við Allis-Chalmers var stirt og fljótlega hóf fyrirtækið að selja traktora frá Hart-Parrs undir heitinu Cockshutt. Fyrstu árin voru Cockshutt alfarið framleiddar af Hart-Parrs og eini munurinn á vélunum sá að liturinn og nafnið var annað.

Þar sem Kanada er hluti af breska samveldinu tók Cockshutt þátt í framleiðslu stríðstóla og smíðaði neðri hlutann á breskum sprengjuflugvélum í seinni heimsstyrjöldinni. Auk þess sem fyrirtækið framleiddi ýmsar gerðir af sprengjum sem varpað var úr flugvélum á óvinalandsvæði.

Hugmyndir höfðu verið uppi hjá fyrirtækinu um að hefja framleiðslu á dráttarvélum skömmu áður en stríðið braust út en vegna skorts á hráefni var framleiðslunni frestað þar til styrjöldinni var lokið.

Eftir að stríðinu lauk hóf Cockshutt framleiðslu á eigin dráttarvélum. Fyrsta týpan fékk heitið 30 enda þrjátíu hestöfl en fjörutíu hestafla Delux 40 fylgdi í kjölfarið. Lítill straumlínulaga traktor í rauðum og kremhvítum lit. Delux 40 var sex stokka og sex gíra og þótti afburðagóð dráttarvél.

Árið 1952 setti fyrirtækið á markað tvær nýjar týpur, 20 og 50, tuttugu og fimmtíu hestafla dráttarvélar. White dráttarvélaframleiðandinn yfirtók Cockshutt árið 1962 og um tíma voru traktorarnir seldir undir heitinu Oliver en framleiðslu þeirra endanlega hætt snemma á áttunda ártugnum.

CO-OP

Samtök bænda í Norður-Ameríku hafa nokkrum sinnum gert tilraun til að láta framleiða dráttarvélar á góðu verði fyrir félagsmenn sína. Dæmi um slíkt er U týpa Allis-Chalmers sem var sérsmíðaður að ósk bændasamtaka í Illinois-ríki. Co-Operative Manufacturing Company var eitt þeirra fyrirtækja sem framleiddi dráttarvél undir heitinu Waukesha fyrir bændasamtök.

Cockshutt framleiddi einnig vélar fyrir ýmis bændasamtök í Norður-Ameríku sem gengu undir mörgum nöfnum, til dæmis CCIL og E3 en voru í raun 30 týpan undir öðru nöfnum og appelsínugul að lit. CO-OP E4 var lítillega breytt útfærsla á Cockshutt delux 40. CO-OP E3 var 20 týpa Cockshutt í dulargervi. 

Skylt efni: Gamli traktorinn

John Deere 7R 350 autoPowr er dráttarvél ársins 2022
Fréttir 24. janúar 2022

John Deere 7R 350 autoPowr er dráttarvél ársins 2022

John Deere 7R 350 AutoPowr er dráttarvél ársins 2022 í opnum flokki að mati evró...

KFC fékk mest úthlutað
Fréttir 24. janúar 2022

KFC fékk mest úthlutað

Atvinnuvega- og nýsköpunar­ráðuneytið hefur birt niðurstöðu úthlutunar á tollkvó...

Kostnaður við að fjölga neyðarstöðvum í Vaðlaheiðargöngum yfir 10 milljónir króna
Fréttir 24. janúar 2022

Kostnaður við að fjölga neyðarstöðvum í Vaðlaheiðargöngum yfir 10 milljónir króna

Kostnaður við að setja upp nýjar neyðarstöðvar í Vaðlaheiða­r­göng­um nemur 10 t...

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...