Vinsamlegast athugið að þetta efni er eldra en 5 ára.
Í fríi allt árið
Stekkur 25. janúar 2016

Í fríi allt árið

Höfundur: Vilmundur Hansen

Trúarhátíðir eru helstu frídagarnir ársins og hægt að fjölga þeim með því að vera fjöltrúar og nýta sér alla frídaga sem hin mismunandi trúarbrögð bjóða.

Rétttrúnaðarkirkjan, armenska kirkjan og rastafarar halda jól snemma í janúar og upplagt að halda aftur jól. Um miðjan mánuðinn er gott að rifja upp nokkrar möntrur því þá vegsama búddistar Shinran.

Skömmu eftir miðjan janúar halda tré upp á áramótin og upplagður frídagur fyrir áhugamenn um trjárækt.Kínverjar halda upp á áramótin á fyrsta fulla tungli í janúar eða febrúar.

Í Japan er sérstæð hátíð í febrúar sem kennd er við sáningu bauna. Hindúar halda fórnarhátíð í febrúar þar sem brennt er reykelsi og borðaðar hnetur. Bollu-, sprengi- og öskudagur, allt góðir og gildir frídagar. Ekki gleyma þorrablótunum.

Írar fagna heilögum Patreki í mars og í kaþólsku er í mars dagur kenndur við Jósep stjúpföður Krists og sjálfsagt að votta honum virðingu fyrir uppeldið á stráknum.

Vorjafndægur eru í mars. Fylgjendur Saraþústra líta á daginn sem upphaf nýs árs. Boðunardagur Maríu er 25. mars og sjálfsagt að taka sér frí.

Í apríl er afmælisdagur Rama, sjöttu líkamsmyndar Vishnu samkvæmt trú hindúa. Trúarleiðtogar sveifla sér í rólu fyrir framan mynd af Rama.Páskar eru fyrsta sunnudag eftir fullt tungl að loknum vorjafndægrum.

Fyrsti maí er frídagur af trúar­legum ástæðum hjá mörgum, upphaflega tengist hann fornri frjósemishátíð og reðurdýrkun.

Hvítasunnudagur er sjöunda sunnudag eftir páska. Þrenningarhátíð er sunnudagurinn eftir hvítasunnu. Austurkirkjan heldur sinn uppstigningardag í júní.

Í júní er upplagt að halda upp á lýðveldisdaginn, borgaralegan frídag, sumarsólstöður, Eldríðarmessu og dýradag.

Sumarfríin bjarga júlí og án þeirra væru skammarlega fáir frídagar í mánuðinum og helst að kroppa í daga eins og Margrétar-, Svitúns- og Ólafsmessu.

Íslendingar halda frídag verslunarmanna fyrstu helgina í ágúst. Hindúar fagna Raksha Bandham snemma í mánuðinum, 6. ágúst er helgidagur hjá grísku kirkjunni.

Fáir helgidagar eru í byrjun september og því upplagt að halda töðugjöld snemma.

Japanir gera mikið úr sólstöðum , 21. til 24. september. Egidíus-, Lamberts- og Maritíusmessa og engladagur eru í september.

Díónysíusmessa er snemma í október. 17. til  26. október halda hindúar stórhátíð og sjálfsagt að  fagna með þeim.

Kaþólikkar halda allraheilagra messu snemma í nóvember. Rastafarar minnast krýninga Haile. Leonardus-, Briktíus- og Cecílíumessa eru í nóvember.

Desember er mesti hátíðar­mánuðurinn hér á landi og því ótal afsakanir til að vera í fríi, jólaglögg, jólahlaðborð og verslunarferðir til útlanda.

Sé haldið upp á allar ofangreindar trúarhátíðirnar ætti að vera hægt að vera í fríi stóran hluta ársins. Einnig má halda upp á þjóðhátíðardag fjölmargra landa, afmælisdaga eða bara búa sér til sína eigin frídaga. Möguleikarnir eru óþrjótandi.

Skylt efni: Stekkur

Ísteka riftir samningum við bændur
Fréttir 8. desember 2021

Ísteka riftir samningum við bændur

Líftæknifyrirtækið Ísteka hefur rift samningum við þá bændur sem sjást beita hry...

New Holland T6 Metan, sjálfbærasta dráttarvélin 2022
Fréttir 8. desember 2021

New Holland T6 Metan, sjálfbærasta dráttarvélin 2022

New Holland dráttar­véla­framleiðandinn heldur áfram að sópa að sér verðlaunum o...

Konur borða meira af laufabrauði en karlar
Fréttir 8. desember 2021

Konur borða meira af laufabrauði en karlar

Um 90% þjóðarinnar borða laufabrauð um jólin samkvæmt könnun sem Gallup gerði fy...

Skortur á yfirsýn í úrgangs- og loftslagsmálum
Fréttir 8. desember 2021

Skortur á yfirsýn í úrgangs- og loftslagsmálum

Niðurstöður könnunar benda til skorts á yfirsýn í úrgangs- og loftslagsmálum. Sa...

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...