Vinsamlegast athugið að þetta efni er eldra en 7 ára.
Elli prestsins
Stekkur 27. febrúar 2015

Elli prestsins

Höfundur: Vilmundur Hansen

Ævi Elvisar Presley er saga um fátækan dreng sem braust til frægðar af eigin rammleik. Hann eignast allt en fær leiða á öllu saman, tapar sér í frægðinni og glatar hamingjunni.

Skömmu eftir að frægðarsól Presley tók að rísa fóru af stað sögur.

Ein er á þá leið að eftir að eigandi Sun-útgáfufyrirtækisins heyrði fyrstu upptöku hans á hann að hafa sagt að það væri mun betra fyrir Elvis að halda áfram að keyra vörubíl í stað þess að reyna fyrir sér í tónlist.

Eftir dauða Elvisar hafa gengið sögur um að hann væri langt frá því að vera dauður og við góða heilsu. Á hverju ári berast fréttir víðs vegar að úr heiminum um að til hann hafi sést allt frá Kópaskeri til Kalkútta. Eitt blað greindi frá því að Elvis búi á Havaí undir öðru nafni. Elvis mun hafa sagt í viðtali að hann hafi verið að bugast undan frægðinni og álaginu sem henni fylgdi. Dauði sinn hafi verið sviðsettur svo hann gæti lifað eðlilegu lífi. Elvis, sem er áttræður í dag, hefur breyst talsvert með aldrinum og er hann kominn með bjórvömb, skegg og skalla.
Í annarri frétt segir að búin hafi verið til nákvæm vaxmynd af kónginum og hún höfð til sýnis meðan líkið stóð uppi og að það hafi verið lík óþekkts Englendings sem fór í gröfina. Í öðru blaði er því haldið fram að Elvis sé geimvera og sést hafi til hans á tunglinu.

Stofnuð hafa verið trúfélög sem tekið hafa hann í guðatölu. Sumir halda fram að hann sé frelsarinn endurfæddur og þess hefur verið farið á leit að kaþólska kirkjan taki hann í tölu dýrðlinga. Í The Church of Elvis í Portland Oregon er hægt að ganga í hjónaband og Elvislíki syngur við brúðkaupið. Önnur birtingarmynd Elvisdýrkunarinnar er að á hverju ári er keppt víða um heim þar sem menn leitast við að líkjast goðinu í útliti og háttum. Það eru því til taílenskir, japanskir, norskir og íslenskir Elvisar.

Fyrir nokkrum árum heiðraði bandaríska póstþjónustan rokkgoðið með því að setja mynd af honum á frímerki. Stuttu seinna lýsti bandarísk kona því yfir að hún hefði læknast af krabbameini í hálsi eftir að hafa sleikt Elvisfrímerki. Frá Hollandi hafa borist fréttir um að stytta af Elvis gráti blóði.

Margir líta á Graceland sem helgidóm og telja sér skylt að fara í pílagrímsferð þangað að minnsta kosti einu sinni á ævinni, líkt og múslímar sem fara til Mekka.

Skylt efni: Stekkur

Meiri uppskera af gulrótum og kartöflum en minna af rauðkáli
Fréttir 2. desember 2022

Meiri uppskera af gulrótum og kartöflum en minna af rauðkáli

Samkvæmt nýjum uppskerutölum frá garðyrkjubændum í útiræktun grænmetis, varð tal...

Örvar nýr fjármálastjóri Bændasamtaka Íslands
Fréttir 2. desember 2022

Örvar nýr fjármálastjóri Bændasamtaka Íslands

Stefnir í takmarkanir á veiðum grágæsa
Fréttir 2. desember 2022

Stefnir í takmarkanir á veiðum grágæsa

Þar sem fjöldi skráðra grágæsa á talningastöðum á Bretlandseyjum er 30% færri en...

Minkur til Danmerkur
Fréttir 1. desember 2022

Minkur til Danmerkur

Hópur danskra minkabænda, sem kallast Dansk mink, vinnur nú að því að endurvekja...

Frummenn vildu vel steiktan fisk
Fréttir 30. nóvember 2022

Frummenn vildu vel steiktan fisk

Rannsóknir á beinaleifum vatnakarfa sem fundust þar sem í dag er Ísrael benda ti...

Fyrsti rafmagnssteypubíllinn á leiðinni til landsins
Fréttir 30. nóvember 2022

Fyrsti rafmagnssteypubíllinn á leiðinni til landsins

Steypustöðin gekk nýlega frá samningi við steypudælu og -bílaframleiðandann Putz...

Ný sálmabók tekin í notkun
Fréttir 29. nóvember 2022

Ný sálmabók tekin í notkun

Þann 13. nóvember sl. var ný útgáfa sálmabókarinnar tekin í notkun í kirkjum lan...

Fljúgandi bolabítur
Fréttir 28. nóvember 2022

Fljúgandi bolabítur

Skömmu eftir miðja nítjándu öld lýsti Alfred Russel Wallace, sem var samtímamaðu...