Vinsamlegast athugið að þetta efni er eldra en 5 ára.
Ekki öll sagan sögð í verðkönnun ASÍ
Mynd / BBL
Fréttir 7. febrúar 2019

Ekki öll sagan sögð í verðkönnun ASÍ

Höfundur: Ritstjórn

Alþýðusamband Íslands hefur birt könnun þar sem verð á 18 tilgreindum matvörum er borið saman í höfuðborgum Norðurlandanna í desember síðastliðnum.  Um er að ræða algengar matar og drykkjarvörur og kemur þar fram að vörukarfan sé hvergi dýrari en hér á Íslandi.  Samanburðurinn umreiknar verðið í íslenskar krónur á þeim tíma sem könnunin var gerð. 

Talsvert hefur verið fjallað um könnunina í fréttum í dag og einkum er þá ráðist að tollvernd landbúnaðarvara.

Taka verður tillit til fleiri þátta

Sindri Sigurgeirsson formaður BÍ segir að könnun ASÍ segi vissulega ákveðna sögu en taka verði tillit til fleiri þátta. „Ég hefði viljað sjá svona kannanir gerðar oftar en á 12 ára fresti, 2006 og 2018.  Í bæði skiptin er gengi krónunnar sterkt, en staðan gjörbreyttist í millitíðinni.  Það er ekki deilt um að verðlag á Íslandi er hátt á flestum vörum samanborið við önnur Evrópulönd, en það er kaupmátturinn sem skiptir mestu.  Hvað færðu fyrir þínar ráðstöfunartekjur og hvað þarftu að nota stóran hluta af ráðstöfunartekjum til að kaupa í matinn.  Þar stöndum við vel á Íslandi.  Við þurfum aðeins að nota 10,6% ráðstöfunartekna til matarkaupa og erum þar í 6. sæti af 32 löndum í Evrópu skv. nýjustu tölum Hagstofu Evrópusambandsins, Eurostat. 

Það er þetta sem segir til um raunveruleg lífskjör.  Vissulega nýtur landbúnaður ákveðinnar tollverndar og verð á framleiðslu hans er ekki yfir gagnrýni hafið, en það er þá eðlilegt að bera saman líka verð á vörum sem bera enga tolla, eins og fötum, skóm, raftækjum og fleiru.  Það má allt skoða í gögnum Eurostat og þar eru verðin oftar en ekki hæst á Íslandi.  Spaghetti er heldur ekki tollað svo ekki verður þeim kennt um mikinn verðmun þar.  Skoðum þetta bara allt.  Það er hið sanngjarna í málinu. Matvælaverð er meira en tvöfalt lægra í Rúmeníu en á Íslandi skv. samanburði Eurostat, en þrátt fyrir það þurfa heimili þar í landi að verja meira en tvöfalt hærri hluta af ráðstöfunartekjum sínum til matarkaupa en þau íslensku,“ segir Sindri.

Hlutfall útgjalda neytenda til kaupa á matvörum. Hagstofa ESB, Eurostat, metur hlutfall útgjalda neytenda til kaupa á matvörum.  Meðfylgjandi tafla sýnir hlutfall útgjalda til kaupa á matvörum á Evrópska Efnahagssvæðinu auk Sviss árið 2018.

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.

Ekki farið að lögum um útivist nautgripa
Fréttir 12. apríl 2024

Ekki farið að lögum um útivist nautgripa

Matvælastofnun lagði stjórnvaldssektir á þrjú kúabú á Vesturlandi á dögunum vegn...

Dregur úr kaupvilja
Fréttir 12. apríl 2024

Dregur úr kaupvilja

Niðurstöður tilboðsmarkaðar fyrir greiðslumark mjólkur í byrjun apríl sýna að ja...

Staða framkvæmdastjóra BÍ auglýst innan tíðar
Fréttir 11. apríl 2024

Staða framkvæmdastjóra BÍ auglýst innan tíðar

Vigdís Häsler hefur látið af störfum sem framkvæmdastjóri Bændasamtaka Íslands. ...

Erfiðara verður að fá sphagnum og innfluttur jarðvegur CE-vottaður
Fréttir 11. apríl 2024

Erfiðara verður að fá sphagnum og innfluttur jarðvegur CE-vottaður

Búast má við að innflutningur á mómosamold (sphagnumríkri mold) fari minnkandi á...

Bjarkey ætlar að skerpa línurnar
Fréttir 11. apríl 2024

Bjarkey ætlar að skerpa línurnar

Bjarkey Olsen Gunnarsdóttir er nýr ráðherra matvælaráðuneytis en Svandís Svavars...

Greiðslumark færist til Norðvesturlands
Fréttir 11. apríl 2024

Greiðslumark færist til Norðvesturlands

Um sjötíu prósent mjólkurkvóta sem skipti um eigendur á síðasta tilboðsmarkaði f...

Nemendur vilja betri hádegismat
Fréttir 10. apríl 2024

Nemendur vilja betri hádegismat

Fulltrúar ungmennaráðs Mýrdalshrepps vöktu máls á skólamáltíðum á sveitarstjórna...