Vinsamlegast athugið að þetta efni er eldra en 7 ára.
Draugar í Hollywood
Skoðun 19. júní 2015

Draugar í Hollywood

Höfundur: Vilmundur Hansen

Draugar og draugagangur hafa verið viðfangsefni bíómynda frá upphafi kvikmyndagerðar. Myndirnar fjalla hver á sinn hátt um reimleika, sumar eru byggðar á frægum draugasögum, aðrar á sönnum atburðum.

Í Hollywood er einnig að finna alvöru drauga, frægar kvikmyndastjörnur sem ganga aftur á heimilum sínum, hótelum og í kvikmyndaverum.

Á Roosevelt-hótelinu ganga til dæmis Montgomery Clift og Marilyn Monroe aftur. Gestir og starfsmenn hótelsins segjast verða varir við stjörnurnar og þeir sem vinna á skiptiborði hótelsins fá innanhússhringingar og pantanir á kampavíni og kavíar frá látnum stórstjörnum og gestir kvarta vegna partíóláta í mannlausum herbergjum.

Sagt er að Monty ráfi um í herbergi sem hann bjó í í þrjá mánuði á meðan hann lék í myndinni From Here to Eternity. Þeir sem hafa séð til hans segja að hann gangi um spilandi á trompet eða þylji upp rullur úr gömlum myndum.

Starfsfólk og gestir hafa oft haldið því fram að það hafi fundið fyrir óþægilegum kulda og séð spegilmynd Marilyn í svítu númer 1200. Svo rammt kvað að þessu að mannhæðarhár spegillinn var fluttur út á gang og virðist þokkagyðjan hafa fylgt honum því hún hefur nokkrum sinum sést þar.

Fleiri afturgengnar kvik­mynda­­stjörnur hafa sést ráfa um ganga hótelsins, Errol Flynn, Betty Grable, Gybsy Lee Rose og Humphrey Bogart. Þar mun einnig vera lítil afturgengin stúlka sem annaðhvort sést grátandi eða að leika sér.

George Reeves, sem lék Superman í samnefndum sjónvarpsþáttum, fannst látinn á heimili, hann hafði verið skotinn. Andi Reeves er ósáttur við dauðann og honum bregður stundum fyrir í gervi Supermans  í húsinu og nágrenni þess.

Leikkonan Thelma Todd, sem varð fræg fyrir leik sinn með Marx-bræðrum, fannst látin í bíl og sagt er að hún gangi aftur á kaffihúsi sem hún rak. Þeir sem verða hennar varir segjast finna lykt af ilmvatninu sem hún notaði.

Handan við Walk of Fame, þar sem stjörnurnar hafa lafa lagt hönd sína í blautt sement og merkt sinn stað í sögu kvikmyndanna, eigrar sál Viktors Kilian í endalausri leit að morðingja sínum.

Á svipuðum slóðum sést til Lon Chaney þar sem hann endurtekur í sífellu atriði úr kvikmynd þar sem hann bíður eftir strætisvagni. Því er reyndar haldið fram að Chaney gangi aftur í ljósum logum í kvikmyndaveri Universal-samsteypunnar þar sem hann lék aðalhlutverkið í Phantom of the Opera á þriðja áratug tuttugustu aldarinnar.

Kvikmyndastjörnur ganga  aftur eins og fólk. Hér skal ósagt látið hvort draugar eru algengari í þeirra hópi en almennt gerist, frægð þeirra gerir það aftur á móti að verkum að margir þekkja til þeirra og geta því nafngreint afturgönguna sem þeir sjá.

Í íslenskri þjóðtrú er sagt að afturgöngur séu menn sem hafi notið mikilsheimsláns í jarðlífinu og eigi erfitt með að segja skilið við lífið vegna þess. Hugsanlegt er að stjörnurnar séu í svipaðri stöðu og vilji njóta athygli eins lengi og hægt er.

Skylt efni: Draugar | Hollywood | Stekkur

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...

Innflutningur erfðaefnis skilar góðum árangri
Fréttir 27. janúar 2023

Innflutningur erfðaefnis skilar góðum árangri

Samkvæmt niðurstöðum Ráðgjafarmiðstöðvar landbúnaðarins (RML) úr skýrsluhaldi na...

Verðskrá Skeljungs og Fóðurblöndunnar
Fréttir 27. janúar 2023

Verðskrá Skeljungs og Fóðurblöndunnar

Skeljungur og Fóðurblandan hafa birt verðskrá fyrir þær tegundir af áburði sem f...

Ekkert veiðibann á döfinni
Fréttir 26. janúar 2023

Ekkert veiðibann á döfinni

Veiðibann á grágæs hefur ekki tekið gildi á Íslandi og ekki stendur til að banna...