Vinsamlegast athugið að þetta efni er eldra en 6 ára.
Volkswagen VW UP.
Volkswagen VW UP.
Mynd / HLJ
Fræðsluhornið 16. júní 2015

VW UP virkar lítill en er samt furðu rúmgóður

Höfundur: Hjörtur L. Jónsson
Fyrir tæpu ári síðan prófaði ég lítinn Suzuki með það í huga að kaupa nýjan smábíl fyrir þann sem er að fá sinn fyrsta bíl og er á fyrsta ári með bílpróf. Með þetta sama hugarfar fór ég í Heklu fyrir stuttu og fékk að prófa VW take UP smábíl þar sem yngri sonur minn er að fá bílpróf og vill nýjan bíl sem sinn fyrsta bíl. 
 
Sonurinn hefur ákveðið að kaupa nýjan traustvekjandi bíl í stað þess að kaupa eitthvað sem gæti hugsanlega verið ávísun á háa verkstæðisreikninga.
 
Góður innanbæjarbíll með gott rými fyrir fjóra
 
Volkswagen-bíllinn sem ég prófaði var 5 gíra VW UP bensínbíll með 60 hestafla vél og ber nafnið VW take UP. Að mínu mati hentar hann afar vel sem innanbæjarbíll, lipur og þægilegur í akstri við þröngar aðstæður og ótrúlega rúmt um ökumann og farþega í framsætum.
 
Þegar ég prófaði smábílinn frá Suzuki á síðasta ári bað ég vini mína, sem eru tæpir tveir metrar og rúmir tveir metrar, að setjast í aftursætin. Í þeim bíl vildu þeir ekki fara neitt með mér. Þessir sömu félagar settust inn í VW UP og voru hissa á rýminu, þó svo að þeir vildu ekki fara í langferð á þessum bíl myndu þeir sætta sig við rýmið í styttri ferðum. Mér var skemmt þegar þessir  fullvöxnu menn settust inn í bílinn og að sama skapi varð ég undrandi þegar ég sá þá máta aftursætin og að þeir höfðu þokkalegt olnbogarými, en hárgreiðslan ruglaðist smávegis hjá þeim hærri.
 
Sparneytinn og ódýr í rekstri
 
VW UP er með varadekk í fullri stærð og eyðir undir 5 lítrum á hundraðið (uppgefin meðaleyðsla er 4,1 l á hundraðið). Það eina sem ég gat sett út á bílinn var að hvergi sá ég neitt hólf sem hægt er að loka þannig að ef maður er með einhver verðmæti í bílnum eru þau alltaf sjáanleg. Einnig fannst mér mælaborðið biðja fullsnemma að skipt væri upp um gír og að sama skapi seint niður. 
 
Í prufuakstrinum prófaði ég bílinn á möl og þrátt fyrir að bíllinn væri á grófum heilsársdekkjum var ekki mikið malarvegahljóð undir bílinn. Á lausum malarvegi gat ég fundið virkni skriðvarnarinnar og ASR-spólvarnarinnar sem virka báðar vel.
Farangursrými er djúpt og glettilega mikið, mun stærra en maður ímyndaði sér áður en hlerinn að aftan var opnaður.
 
Eftir að ég hafði prófað bílinn ákvað ég að bjóða syninum í bíltúr og sjá hvernig honum líkaði. Eftir stuttan bíltúr sagði hann að þennan bíl þyrfti ekki að prófa meira, „förum í umboðið og verslum einn“. 
 
Vænlegri kostur að taka aðeins dýrari UP
 
Eftir að hafa skoðað UP-línuna (ódýrasti VW UP-bíllinn kostar 1.790.000) þá vorum við sammála að hagkvæmari kostur væri að kaupa aðeins dýrari bíl en VW take UP sem kostar 1.890.000 og fara í VW move UP sem kostar 2.190.000. Ástæðan væri að í honum er leiðsögukerfi (GPS), bluetooth, betri hljómtæki og sjálfvirk neyðarbremsa. Til að eignast svona bíl þarf ekki að borga meira en 10% út og hægt er að fá afganginn að láni til 7 ára. Miðað við þennan stutta reynsluakstur er VW UP bíll sem ætti að henta vel fyrir bæði litla og stóra. Ekki skemmir fyrir áliti mínu á bílnum að VW UP fær 5 stjörnur í árekstrarprófunum. Allar nánari upplýsingar um bílinn má finna á vefsíðunni www.hekla.is. 

4 myndir:

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...

Nýtt 450 íbúða hverfi byggt í Þorlákshöfn
Fréttir 6. desember 2021

Nýtt 450 íbúða hverfi byggt í Þorlákshöfn

Framkvæmdir eru hafnar við uppbyggingu fyrsta áfanga Móabyggðar, nýs 450 íbúða h...

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...