Vinsamlegast athugið að þetta efni er eldra en 7 ára.
Þetta dekk undan fjölskyldubíl var komið með sprungið á dekkjaverkstæði í vesturbæ Reykjavíkur fyrir nokkru og í fúlustu alvöru beðið um að gert yrði við það.
Þetta dekk undan fjölskyldubíl var komið með sprungið á dekkjaverkstæði í vesturbæ Reykjavíkur fyrir nokkru og í fúlustu alvöru beðið um að gert yrði við það.
Fræðsluhornið 17. október 2014

Vetrardekk

Höfundur: Hjörtur L. Jónsson

Ég hef oftar en einu sinni sagt að sá sem er vanbúinn til aksturs í snjó og hálku og biður um aðstoð eigi bara að fá eina tegund af aðstoð.

Sá sem er vanbúinn til vetraraksturs á að fá hjálp til að komast út fyrir veg svo að viðkomandi sé ekki hættulegur og til trafala fyrir aðra ökumenn.

Ný reglugerð um mynstursdýpt dekkja tekur gildi 1. nóvember

Þeim „skussum“ sem ekki eru rétt búnir til vetraraksturs ætti að fækka næsta vetur. Breytt lágmarks mynstursdýpt hjólbarða samkvæmt nýrri reglugerð er 3,0 mm að lágmarki, (mynstursdýpt yfir vetrartímann 1. nóvember–14. apríl) og 1,6 mm lágmarks mynstursdýpt yfir sumartímann (15. apríl–31. október.). Miðað við lestur minn af vefsíðum tryggingarfélaganna mega menn búast við að tryggingarfélögin taki þessa reglugerð alvarlega og mælist dekkjamynstursdýpt of lítil er hætt við að menn séu í slæmum málum.

Auðvelt að mæla mynstursdýpt

Mjög auðvelt er að fylgjast með munstursdýpt með því að mæla dekkin reglulega og sem dæmi þá er gott að nota einnar krónu pening til mælinga. Á landvættarhliðinni er innri hringur á peningnum þar sem myndin af landvættinum byrjar og út á brún peningsins eru 4 mm. Allir hjólbarðar eiga að vera með merki sem kallast slitmerki og þaðan á að mæla mynstursdýpt hjólbarða. Einstaka dekk eru auðveldari að lesa en önnur og má þar nefna Nokian-dekk, en þau hafa þá sérstöðu að á þeim er dekkjaslitmerking sem sýnir mynstursdýptina hverju sinni. Mikilvægt er að fylgjast vel með mynstursdýpt dekkjanna til að tryggja akstursöryggi við krefjandi aðstæður.

Góð dekkjaslitmerking Nokian-vetrardekkja

Skalinn á dekkjaslitmerkingunni byrjar í 8 sem þýðir að dekkið er með meira en 8 mm mynstursdýpt. Með aukinni notkun eykst slit dekksins og fyrst hverfur talan 8 og hæsta talan er þá 6. Það þýðir að mynstursdýptin er þá meiri en 6 mm en minni en 8 mm. Því næst hverfur talan 6 og eftir stendur talan 4. Það merkir að mynstursdýptin er meiri en 4 mm en minni en 6 mm. Þegar talan 4 og snjókorna-táknið hverfur (það gerist samhliða) mælir Nokian með að endurnýja dekkið til að tryggja viðunandi öryggi. Fróðleikur í þessum pistli var m.a. fenginn á vefsíðunum: www.sjova.is, www.fib.is og www.max1.is.
 

2 myndir:

Ísteka riftir samningum við bændur
Fréttir 8. desember 2021

Ísteka riftir samningum við bændur

Líftæknifyrirtækið Ísteka hefur rift samningum við þá bændur sem sjást beita hry...

New Holland T6 Metan, sjálfbærasta dráttarvélin 2022
Fréttir 8. desember 2021

New Holland T6 Metan, sjálfbærasta dráttarvélin 2022

New Holland dráttar­véla­framleiðandinn heldur áfram að sópa að sér verðlaunum o...

Konur borða meira af laufabrauði en karlar
Fréttir 8. desember 2021

Konur borða meira af laufabrauði en karlar

Um 90% þjóðarinnar borða laufabrauð um jólin samkvæmt könnun sem Gallup gerði fy...

Skortur á yfirsýn í úrgangs- og loftslagsmálum
Fréttir 8. desember 2021

Skortur á yfirsýn í úrgangs- og loftslagsmálum

Niðurstöður könnunar benda til skorts á yfirsýn í úrgangs- og loftslagsmálum. Sa...

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...