Vinsamlegast athugið að þetta efni er eldra en 3 ára.
Hörður Guðmunds­son, eig­andi flug­fé­lags­ins Ern­is og Guðni Ágústs­son stilla sér upp til mynda­töku með gimbrinni Flug­freyju, dótt­ur­dæt­ur Guðna, Eik og Eva Arn­ars­dæt­ur. Aftari röð: Ágúst Ingi Ket­ils­son, Al­dís Þór­unn Bjarn­ar­dótt­ir, Geir G
Hörður Guðmunds­son, eig­andi flug­fé­lags­ins Ern­is og Guðni Ágústs­son stilla sér upp til mynda­töku með gimbrinni Flug­freyju, dótt­ur­dæt­ur Guðna, Eik og Eva Arn­ars­dæt­ur. Aftari röð: Ágúst Ingi Ket­ils­son, Al­dís Þór­unn Bjarn­ar­dótt­ir, Geir G
Mynd / HKr.
Líf og starf 26. nóvember 2018

Var henni gefið nafnið Flugfreyja

Höfundur: Hörður Kristjánsson
Sá óvenjulegi heimsatburður átti sér stað í flugskýli flugfélagsins Ernis  sunnudaginn 11. nóv­ember, að þar var tekið á móti norðlenskri forystukind sem kom fljúgandi frá Húsavík og henni gefið nafn með viðhöfn. 
 
Eigandi kindarinnar, Guðni Ágústs­son, fyrrverandi landbúnaðar­ráðherra, var þar mættur ásamt fríðu föruneyti til að taka á móti kindinni. 
 
„Þetta er gert for­ystukind­inni til heiðurs. Hún er með mannsvit í veðrum, leiðir hjörðina og bónd­ann heim,“ seg­ir Guðni.
 
Hóp­ur manna kem­ur ár­lega sam­an á kótilettu­kvöldi í Þing­borg í Flóa til að safna fé til styrkt­ar út­gáfu Flóa­manna­bók­ar. Þar eru kálf­ar og ýms­ir aðrir vinn­ing­ar í verðlaun í happ­drætti og síðustu þrjú árin hef­ur einnig verið meðal vinn­inga for­yst­ugimb­ur frá Skúla Ragn­ars­syni, bónda á Ytra-Álandi í Þistil­f­irði. Sá sem hreppti gimbrina í haust gat ekki tekið við henni og gerðu þeir Guðni þá kaup með sér og Guðni eignaðist kind­ina. Gimbrin er þrílembingur undan Slyddu á Ytra-Álandi og Strump frá Gunnarsstöðum, svört með hvítar hosur.
 
Guðni hringdi í Aðalstein Baldursson, verkalýðsforingja á Húsavík, og bað hann um að sækja fyrir sig svörtu gimbrina og koma henni suður. Gimbrina geymdi Aðalsteinn í bílskúrnum heima hjá sér og sendi síðan með áætlunarvél Ernis til Reykjavíkur á sunnudag.
 
Tekið var við henni með viðhöfn á Reykjavíkurflugvelli. Hörður Guðmundsson, eigandi flugfélagsins, hellti yfir hana sunnlensku rigningarvatni úr glasi og gaf henni nafnið Flugfreyja. 
 
Jónína Guðmundsdóttir, eiginkona Harðar og meðeigandi í flugfélaginu Erni, gaf Guðna Ágústsyni fyrsta bitann af tertunni góðu. Næstur í röðinni var Jóhannes Kristjánsson eftirherma og Guðni hinn mesti.  
 
Guðni segir að Geir Gíslason, bóndi á Stóru-Reykjum í Flóa, muni fóstra gimbrina fyrir sig. Vænti Guðni þess að Flugfreyja muni fara fyrir kindahjörð hans, en hún verður þó ekki eina forystukindin í þeirri hjörð. „Forystukindin er sérstakt fjárkyn, einstakt á heimsvísu. Þyrfti að rannsaka það frekar, meðal annars hvaðan kynið er komið,“ segir Guðni. 
 
Við athöfnina var boðið upp á veglega tertu með nafni Flugfreyju  undir mynd af henni sjálfri. Þá lýsti Ólafur R. Dýrmundsson stuttlega þessu einstaka fjárkyni. 
 
Árið 2015 var forystufé tekið um borð í Bragðörkina (Ark of Taste) hjá Stofnun Slow Food um líffræðilegan fjölbreytileika. Komst forystukindin þar inn ásamt sauðkindinni og landnáms­hænunni. 
 
Í Bragðörkinni er safnað saman gæðamatvælum sem eru talin búa yfir menningarlegu verðmæti og í útrýmingarhættu; til að mynda búfjár­kynjum, ávaxta- og græn­metis­tegundum, ostum, verkuðu kjöt- og fiskmeti og korn­afurðum. Um 2.700 skráningar eru nú yfir matvæli í Bragðörkinni og eiga Íslendingar 13 þeirra.

4 myndir:

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...

Byggðasaga Skagafjarðar tók 26 ár í vinnslu og í verkið fóru um 50 starfsár
Fréttir 19. janúar 2022

Byggðasaga Skagafjarðar tók 26 ár í vinnslu og í verkið fóru um 50 starfsár

Hjalti Pálsson frá Hofi, ritstjóri og aðalhöfundur Byggðasögu Skagafjarðar, skil...

Vinna hefst við gerð reglna um raforkuöryggi
Fréttir 19. janúar 2022

Vinna hefst við gerð reglna um raforkuöryggi

Umhverfis-, orku- og loftslagsráðherra, hefur skipað starfshóp um raforkuöryggi....

Ný reglugerð um velferð alifugla
Fréttir 19. janúar 2022

Ný reglugerð um velferð alifugla

Sjávarútvegs- og landbúnaðarráðherra hefur undirritað reglugerð um velferð alifu...