Tollkvótar lausir til umsóknar fyrir landbúnaðarvörur frá ESB
Atvinnuvega- og nýsköpunarráðuneytið auglýsti í gær eftir umsóknum í tollkvóta vegna innflutnings á landbúnaðarvörum frá ríkjum Evrópusambandsins á tímabilinu frá 16. september til 31. desember 2021.
Eftirtaldir tollkvótar eru í boði, en ef umsóknir berast um meira magn innflutnings verður leitað tilboða í tollkvóta vegna viðkomandi vöruliðar. Berist umsóknir um meira magn innflutnings af osti og ysting, vörulið ex 0406, en sem nemur auglýstum tollkvóta verður tollkvótanum úthlutað með hlutkesti. Heildarmagni tollkvótans fyrir árið 2021 er skipti niður á þrjú úthlutunartímabil, en áður hefur verið úthlutað fyrir tímabilin 1. janúar til 30. apríl og 1. maí til 15. september.
|
Vöruliður: |
Vara |
Vörumagn |
Verð-tollur |
Magntollur |
|
kg |
% |
kr./kg |
||
|
0201/0202 |
Kjöt af dýrum af nautgripakyni, nýtt, kælt eða fryst |
232.000 |
0 |
0 |
|
0203 |
Svínakjöt, nýtt, kælt eða fryst |
234.000 |
0 |
0 |
|
0207 |
Kjöt af alifuglum, nýtt, kælt eða fryst |
286.000 |
0 |
0 |
|
ex0207 |
Kjöt af alifuglum, nýtt, kælt eða fryst, lífrænt ræktað/lausagöngu |
66.000 |
0 |
0 |
|
0210 |
Kjöt og ætir hlutar af dýrum, saltað, í saltlegi, þurrkað eða reykt; ætt mjöl, einnig finmalað, úr kjöti eða hlutum af dýrum |
34.000 |
0 |
0 |
|
ex 0406 |
Ostur og ystingur (**) |
76.000 |
0 |
0 |
|
0406 |
Ostur og ystingur |
126.000 |
0 |
0 |
|
1601 |
Pylsur og þess háttar vörur úr kjöti, hlutum af dýrum eða blóði; matvæli gerð aðallega úr þessum vörum |
84.000 |
0 |
0 |
|
1602 |
Annað kjöt, hlutar af dýrum eða blóð, unnið eða varið skemmdum |
134.000 |
0 |
0 |
(**) skráð í samræmi við reglugerð ráðsins (EB) nr. 1151/2012 um vernd landfræðilegra merkinga og uppruna landbúnaðarafurða og matvæla.
Óframseljanlegar úthlutanir
Tekið er fram í auglýsingu ráðuneytisins að úthlutunin sé ekki framseljanleg.
Umsóknafrestur er til 9. ágúst og er umsóknar- og tilboðsferlið vegna úthlutunarinnar nú allt orðið rafrænt inni á vefkerfinu tolkvoti.is.
