Syðra Langholt
Fjölskyldan að Syðra Langholti telur tækifæri fyrir allar landbúnaðarafurðir til staðar. Þetta snúist bara um markaðssetningu.
Býli: Syðra Langholt
Staðsett í sveit: Hrunamannahreppi.
Ábúendur: Sigmundur Jóhannesson, Arna Þöll Sigmundsdóttir, Þorsteinn Gunnar Þorsteinsson og Svava Marý Þorsteinsdóttir.
Stærð jarðar? 118 hektarar.
Gerð bús? Hrossabú og ferðaþjónusta.
Fjöldi búfjár og tegundir? 100 hross.
Hvernig gengur hefðbundinn vinnudagur fyrir sig á bænum?
Byrjað á morgnana að reka heim leiguhestana og þar á eftir tamningahrossin. Svo er tamið og þjálfað fram á kvöld.
Skemmtilegustu/leiðinlegustu bústörfin?
Skemmtilegast er að þjálfa góðan hest en leiðinlegast að skítherfa túnin.
Hvernig sjáið þið búskapinn fyrir ykkur á jörðinni eftir fimm ár?
Með svipuðu sniði, bara stærra hlutfall af betri hestum í hjörðinni.
Hvaða skoðun hafið þið á félagsmálum bænda?
Okkur finnst vanta meiri samstöðu í bændastéttina.
Hvernig mun íslenskum landbúnaði vegna í framtíðinni?
Honum mun vegna vel því hreinleiki landbúnaðarvara hér er hvað bestur í heiminum og fólk er að verða meira og meira meðvitaðra um mikilvægi þess.
Hvar teljið þið að helstu tækifærin séu í útflutningi íslenskra búvara?
Það eru tækifæri fyrir allar landbúnaðarafurðir. Þetta snýst bara um góða markaðssetningu.
Hvað er alltaf til í ísskápnum?
Mjólk, smjör og ostur.
Hver er vinsælasti maturinn á heimilinu?
Grillað lambakjöt.
Eftirminnilegasta atvikið við bústörfin?
Þegar hryssan okkar hún Gleði fór í 8,45 í aðaleinkunn í kynbótadómi.
