Vinsamlegast athugið að þetta efni er eldra en 7 ára.
Fjölskyldan mín er sköpuð til að brjóta upp hversdagsleikann á heimilinu. Þemað er hin íslenska fjölskylda. Þjóðbúningurinn, torfbærinn, húsdýrin og sveitin fagra tengja okkur fortíðinni og rótum okkar.
Fjölskyldan mín er sköpuð til að brjóta upp hversdagsleikann á heimilinu. Þemað er hin íslenska fjölskylda. Þjóðbúningurinn, torfbærinn, húsdýrin og sveitin fagra tengja okkur fortíðinni og rótum okkar.
Líf og starf 7. janúar 2015

Sveitarómantíkin einkennir Glösin „Fjölskyldan mín“

Höfundur: Margrét Þóra Þórsdóttir
Glös sem bera heitið Fjölskyldan mín eru nú aftur fáanleg í verslunum eftir nokkurra ára hlé. Þau  samanstanda af ömmu, afa, móður, föður, strák og stelpu og eiga sér dyggan hóp aðdáenda að sögn hönnuða þeirra, Ingibjargar Hönnu Bjarnadóttur og Dagnýjar Kristjánsdóttur.
 
Þær stöllur hafa fengið fyrirspurnir um hvort glösin komi ekki á nýjan leik í sölu, enda stækka fjölskyldur og margir vilja þá stækka glasasafn sitt í leiðinni.
 
Glösin komu fyrst á markað árið 2005 og nutu fádæma vinsælda. Þær Ingibjörg og Dagný eru gamlar vinkonur úr Versló. Dagný er margmiðlunarhönnuður frá Teknisk Akademia SydKolding og viðskiptafræðingur frá Háskóla Íslands. Hún starfar nú sem vörumerkjastjóri hjá Ölgerð Egils Skallagrímssonar. Ingibjörg er grafískur hönnuður útskrifuð frá Listaháskóla Íslands. Hún hefur haldið sig á hönnunarbrautinni og er ein af okkar þekktustu hönnuðum og rekur fyrirtækið IHANNA HOME. Af hennar þekktustu verkum má nefna krummaherðatré og Ekki rúdolf snaga.
 
Þar sem þær stöllur sneru sér að öðrum hugðarefnum ákváðu nákomnir ættingar að taka að sér að sjá um framleiðslu og dreifingu glasanna í samstarfi við þær. Fyrirtækið sem sér um dreifinguna er fjölskyldufyrirtæki sem heitir Living Iceland. Jafnframt hafa nýjar vörur bæst við, servéttur og gjafakort. Karafla er einnig á teikniborðinu.
 
Þrá eftir gömlum góðum gildum
 
Um glösin segir í tilkynningu:  „Fjölskyldan mín er sköpuð til að brjóta upp hversdagsleikann á heimilinu. Þemað er hin íslenska fjölskylda. Þjóðbúningurinn, torfbærinn, húsdýrin og sveitin fagra tengja okkur fortíðinni og rótum okkar. Það má finna ákveðna fortíðarþrá í glösunum. Þrá eftir gömlum góðum gildum þegar allt var í föstum skorðum. Kvöldmatur var alltaf klukkan sjö á kvöldin og allir borðuðu og spjölluðu saman. Glösin er upplagt að nota í slíkar samverustundir, þar sem allir eiga sitt ákveðna glas.“
 
Markmiði að höfða til allra
 
Glösin eru hönnuð með það að markmiði að höfða til allra, bæði ungra sem aldinna. Þess vegna eru þau litrík og glaðleg. Sveitarómantíkin sem einkennir þau, íslensku húsdýrin og íslenski fáninn gera þau þjóðleg og því eru þau tilvalin gjafavara eða minjagripir fyrir erlenda vini eða ferðalanga.
Glösin eru framleidd í Þýskalandi. Það er prentað á glösin um leið og þau eru búin til og þannig nást mikil gæði. 

6 myndir:

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...