Vinsamlegast athugið að þetta efni er eldra en 10 ára.
Stífla
Bóndinn 4. maí 2015

Stífla

Við byrjuðum að búa 1977 á Selá Árskógströnd, flytjum að Völlum í Svarfaðardal 1987 og þvert yfir landið að Stíflu 2003  með bústofn og vélar, og bættum við okkar kúm við bústofninn sem hér var. 
 
Býli:  Stífla.
 
Staðsett í sveit:  V-Landeyjum, Rangárþingi eystra.
 
Ábúendur: Jóhanna E. Gunnlaugs­dóttir og Sævar Einarsson.
 
Fjölskyldustærð (og gæludýra):
Við eigum fjóra syni, Gunnlaug Einar, Gísla Davíð, Jóhann Rúnar og Jón Stefán sem allir eru fluttir að heiman. Fjósakötturinn Lof ýsa og hundurinn Lubbi.
 
Stærð jarðar?  Jörðin er 160 ha.
 
Gerð bús? Búið er nánast hreint kúabú, frúin á nokkur hross. 
 
Fjöldi búfjár og tegundir? Við erum með um 75 kýr ásamt kvígum í uppeldi, samtals um 190 gripi.
 
Hvernig gengur hefðbundinn vinnudagur fyrir sig á bænum?
Vinnudagurinn byrjar á mjöltum og endar yfirleitt á sama veg, verkefnin þar á milli eru fjölbreytt og endalaus. 
 
Skemmtilegustu/leiðinlegustu bústörfin? Skemmilegast er öll útivinna í góðu veðri leiðinlegast er bras í kringum veika gripi.
 
Hvernig sjáið þið búskapinn fyrir ykkur á jörðinni eftir fimm ár? Næstu 5 ár vonandi verður hægt að hafa kynslóðarskipti á jörðinni, meiri framleiðslu og uppbyggingu á húsum og annarri aðstöðu.
 
Hvaða skoðun hafið þið á félagsmálum bænda? Félagsmálin gætu verið betri, við stöndum okkur ekki nógu vel í kjarabaráttunni, vantar 46 krónur á lítra á verðlagsgrundvellinum og verðlagsgrundvallarbúið rekið með miklum halla.  Í hvaða stéttarfélagi erum við og hvaða réttindi eigum við þar?
 
Hvernig mun íslenskum landbúnaði vegna í framtíðinni? Íslenskum landbúnaði mun vegna vel ef okkur tekst að fá ungt fólk inn í greinina og það sjái framtíð sinni og afkomu borgið. Við eigum gullin tækifæri með allan okkar hreinleika, gnótt af hreinu vatni og hér þarf enga eiturefnaúðun. Lyfjanotkun er hvergi minni en á Íslandi og vonandi verðum við áfram þar í fararbroddi.
 
Hvar teljið þið að helstu tækifærin séu í útflutningi íslenskra búvara? Útflutningurinn á að byggjast á hreinleika varanna og þarf auðvitað að seljast dýrt, því að á alþjóðavísu erum við eins og krækiber í helvíti. Skyrið virðist vera í mikilli sókn á erlendri grund og gefa góðan arð t.d. í Færeyjum og Sviss virðist áhugavert, við teljum Bandaríkin vonlítil vegna mikils flutningskostnaðar.
 
Hvað er alltaf til í ísskápnum? Í ísskápnum er alltaf súrmjólk, smjör, ostur, heimagerðar sultur, mjólk og lýsi.
 
Hver er vinsælasti maturinn á heimilinu? Uppáhaldsmaturinn er ágreiningslaust kótilettur í raspi með grænum ora-baunum, rauðkáli, rabarbarasultu og kartöflum.
 
Eftirminnilegasta atvikið við bústörfin? Eftirminnilegast er flutningurinn milli jarða og landshluta og alltaf með kýrnar með okkur.

6 myndir:

Vænn valkostur fyrir bændur og loftslagsbókhald Íslands
Fréttir 16. júní 2025

Vænn valkostur fyrir bændur og loftslagsbókhald Íslands

Raunhæfir kostir til lífgasframleiðslu gætu skilað á bilinu 3-5% af markmiðum Ís...

Frárennsli á við fjórfalt rennsli Elliðaáa
Fréttir 16. júní 2025

Frárennsli á við fjórfalt rennsli Elliðaáa

Matvælastofnun hefur unnið tillögu að rekstrarleyfi fyrir Samherja fiskeldi ehf....

Úthlutað úr Matvælasjóði
Fréttir 16. júní 2025

Úthlutað úr Matvælasjóði

Fjörutíu verkefni hlutu styrk úr Matvælasjóði á dögunum. Hanna Katrín Friðriksso...

Nautakjöt og egg hækka mikið í verði
Fréttir 13. júní 2025

Nautakjöt og egg hækka mikið í verði

Samkvæmt verðlagseftirliti ASÍ hefur verðlag á matvöru almennt hækkað ört á síðu...

Bændur sem kusu Trump sitja nú í súpunni
Fréttir 13. júní 2025

Bændur sem kusu Trump sitja nú í súpunni

Enginn deilir um það að Donald Trump vann kosningasigur í nóvember 2024 í flestu...

Vorhretið vægara en í fyrra
Fréttir 13. júní 2025

Vorhretið vægara en í fyrra

Tjón varð víða á Norðurlandi í norðanáhlaupi í byrjun júní. Annað árið í röð þur...

Framleiðsluvirði landbúnaðarins jókst um 4% árið 2024
Fréttir 13. júní 2025

Framleiðsluvirði landbúnaðarins jókst um 4% árið 2024

Heildarframleiðsluvirði landbúnaðarins árið 2024 er áætlað 93 milljarðar sem er ...

Heimsmet í skráningum
Fréttir 12. júní 2025

Heimsmet í skráningum

Hið árlega Reykjavíkurmeistaramót Fáks fer fram nú í vikunni í Víðidalnum. Þetta...