Vinsamlegast athugið að þetta efni er eldra en 9 ára.
SseanYong Korando DLX.
SseanYong Korando DLX.
Mynd / HLJ
Á faglegum nótum 27. apríl 2016

SsangYong Korando er álitlegur jepplingur

Höfundur: Hjörtur L. Jónsson
Fyrir um ári síðan prófaði ég SsangYong Rexton jeppann frá Bílabúð Benna og lét vel af honum. Þegar ég prófaði Rexton jeppann var mér sagt að von væri á mikið breyttum og alveg nýjum Korando, nýtt útlit og með mun stærri vél.
 
SsangYong Korando jepplingurinn er kominn og fór ég fyrir skemmstu góðan hring á honum.
 
Nýja 2,2 lítra 178 hestafla dísilvélin virkar vel
 
Eftir að hafa prófað bílinn í innanbæjarakstri fannst mér hann reynast vel fyrir utan að vera með stífara móti þegar farið var yfir hraðahindranir. 
 
Næst var tekinn um 100 km hringur upp í Kjós og þaðan upp Kjósaskarð á Mosfellsheiðina. Að loknum þessum hring hafði ég keyrt bílinn tæpa 140 km og samkvæmt aksturstölvunni var ég að eyða 7,9 lítrum af dísil á hundraðið (uppgefin eyðsla í bæklingi er 6,8 í blönduðum akstri). Ég var bara nokkuð sáttur við þá eyðslu þar sem ég var dálítið oft að „kitla pinnann“ fullmikið, en mér er það tamt þegar ég kemst á skemmtilega kraftmikla bíla að ofprófa kraftinn með hægra fæti.
 
Þægilegur ferðabíll þegar kemur að sætum
 
Að ferðast í bílnum er mjög þægilegt, fótapláss gott og framsæti þægileg. Útsýni er gott til allra átta og manni finnst maður sitja mun hærra í þessum jepplingi en mörgum sambærilegum jepplingum.
 
Aftursætin eru ekki síðri, en þeim er hægt að halla vel aftur vilji maður hvíla sig á lengri ferðum (eða bara að fá sér „kríu“). Á milli aftursætanna er púði sem hægt er að setja niður og nota sem armpúða ef aðeins tveir eru í aftursætunum. Farangursrýmið er þokkalega stórt, en varadekkið er því miður það sem ég kalla „aumingi“. 
 
Lítið veghljóð á malarvegi
 
Utanaðkomandi hljóð frá umhverfi heyrðust lítið inn í bílinn þegar ég keyrði steyptan veginn í Kollafirði, sem bendir til þess að bíllinn sé vel hljóðeinangraður, en það kom svo berlega í ljós þegar ég kom á malarveginn í Kjósarskarðinu að malarvegahljóð var sáralítið inni í bílnum. 
 
Eftir því sem ofar dró í Kjósarskarðið varð vegurinn verri og verri þar sem að þar standa yfir vegabætur og endaði vegurinn í holóttu drullusvaði. Á þessum kafla reyndi vel á fjöðrun sem er mjög góð (þrátt fyrir að hafa ekki verið hrifinn af fjöðruninni á hraðahindrunum Reykjavíkur). Þegar ég náði inn á bundna slitlagið efst á Mosfellsheiðinni steig ég út úr bílnum til að skoða hversu mikið bíllinn væri skítugur og kom það mér á óvart hversu hreinn bíllinn var miðað við hvernig vegurinn var.
 
Korando er hlaðinn aukabúnaði
 
Korando er til í þremur útgáfum (LX, DLX og HLX), en bíllinn sem ég prófaði var DLX, sem er meðal annars með hita í stýri, sólarvörn í framrúðu, en allir Korando eru með 5 ára ábyrgð, EBD hemlajöfnunarkerfi, ESP stöðugleikastýringu, ARP veltivörn, BAS bráðahemlaaðstoð (sjálfvirkar neyðarbremsur), hita í hliðarspeglum og margt fleira.
 
Það eina sem ég gat fundið að bílnum er að maður þarf að kveikja ljósin til að vera löglegur í umferðinni, en sjálfvirki ljósabúnaðurinn kveikir ekki afturljósin svo að það þarf að kveikja ljósin. Svo finnst mér að varadekkið mætti vera í fullri stærð, en annars var ég mjög hrifinn af þessum bíl (konuna langar í svona bíl). Ódýrasti Korando er LX á 4.490.000 en bíllinn sem ég prófaði var DLX og kostar 4.990.000, en dýrastur er HLX sem kostar 5.690.000.

5 myndir:

Hátt hlutfall óholls matar
Fréttir 20. maí 2025

Hátt hlutfall óholls matar

Næstum helmingur orkunnar í fæðu fullorðinna Íslendinga á aldrinum 18–80 ára kem...

Nýr forstöðumaður byggingarsviðs
Fréttir 19. maí 2025

Nýr forstöðumaður byggingarsviðs

Límtré-Vírnet ehf. hefur ráðið Gísla Símonarson sem forstöðumann byggingarsviðs....

Eftirlitsnefnd vegna Hvammsvirkjunar
Fréttir 19. maí 2025

Eftirlitsnefnd vegna Hvammsvirkjunar

Sveitarstjórnir Skeiða- og Gnúpverjahrepps og Rangárþings ytra hafa ákveðið að s...

Sólarselluvaraafl á Grund í Eyjafirði
Fréttir 19. maí 2025

Sólarselluvaraafl á Grund í Eyjafirði

Nýlega var sett upp sólarorkukerfi á kúabúinu Grund I og II í Eyjafirði, sem mun...

Hávaði á hestasýningum á við loftpressuhljóð
Fréttir 19. maí 2025

Hávaði á hestasýningum á við loftpressuhljóð

Vaxandi hávaða gætir á reiðhallasýningum og hestamótum og hafa dýraverndunarsamt...

Upplýsingaóreiða í matvælaheiminum
Fréttir 16. maí 2025

Upplýsingaóreiða í matvælaheiminum

Algjör ringulreið ríkir í umhverfismerkingum matvæla og upplýsingaóreiða tengd m...

Sólarorka knýr hreinorkuvöxt heimsins
Fréttir 16. maí 2025

Sólarorka knýr hreinorkuvöxt heimsins

Framleiðsla hreinnar endurnýjanlegrar orku hefur aukist verulega samkvæmt nýrri ...

Hækkun á afurðaverði til kúabænda og heildsöluverði mjólkur
Fréttir 15. maí 2025

Hækkun á afurðaverði til kúabænda og heildsöluverði mjólkur

Hækkun varð nýlega á afurðaverði til kúabænda og heildsöluverði mjólkur og mjólk...