Vinsamlegast athugið að þetta efni er eldra en 2 ára.
Eitt af kúabúum EkoNiva-APK í Rússlandi.
Eitt af kúabúum EkoNiva-APK í Rússlandi.
Fréttir 27. september 2021

Rússar hafa verið með stórátak í mjólkurframleiðslu á undanförnum árum

Höfundur: Hörður Kristjánsson

Landbúnaðarráðuneyti Rúss­lands hefur lagt áherslu á aukna þróun í mjólkurframleiðslu í landinu undanfarinn áratug sem farin er að skila umtalsverðum árangri.

Tæknileg og tæknileg nútíma­­væðing stuðlar að aukinni búfjárframleiðslu segir á vefsíðu landbúnaðarráðuneytisins. Samkvæmt tölum Statista framleiddu Rússar 32,2 milljónir tonna af mjólk á árinu 2020. Það var aukning upp á 1,8 milljónir tonna á milli ára. Framleiðslan var 29,9 milljónir tonna árið 2013 og fór í fyrsta sinn yfir 30 milljónir tonna á árinu 2017 og hefur síðan vaxið jafnt og þétt. Samkvæmt tölum Dairy Global töldust mjólkurkýr í Rússlandi vera samtals rúmar 8 milljónir þann 1. júlí 2020. Var þá búist við að kúm fækkaði talsvert vegna hagræðingar fram á yfirstandandi ár og jafnvel niður í 6,5 milljónir gripa.

Meðalnyt var 4,6 tonn árið 2019

Meðalnyt mjólkurkúa á öllum búum í Rússlandi með sín 24 kúakyn var 4,6 tonn á árinu 2019 og hafði þá aukist milli ára um 3,4%. Miðað við kúafjölda og framleiðslu í fyrra minnkaði meðalnytin aftur og þá niður í rúm 4 tonn. Miðað við áætlanir um hagræðingu fækkun kúa samfara bættri ræktun og aukinni framleiðslu er samt gert ráð fyrir að meðalnytin hækki umtalsvert á árinu 2021. Til samanburðar má nefna að hæsta meðalnyt á Íslandi á árinu 2020 var á bænum Búrfelli í Svarfaðardal, eða tæp 8,6 tonn.

Framleiðni hefur aukist um 25,6%

Meira en tvö þúsund ný ræktunarbú mjólkurkúa hafa ýmist verið endurnýjuð eða byggð ný á síðustu tíu árum að sögn landbúnaðarráðuneytisins. Lögð hefur verið áhersla á nútímavæðingu með bættri tækni í mjólkurframleiðslunni um allt land. Þá hafa meira en 792 þúsund nýjar nautgriparæktunarstöðvar verið settar á fót. Þetta hefur leitt til þess að framleiðni kúa í Rússlandi hefur aukist um 25,6% að sögn ráðuneytisins.

Með kýr af 24 ólíkum stofnum

Til að bæta enn frekar eiginleika mjólkurkúa er frekari þróun innlendra ræktunarstöðva nauðsynleg að mati ráðuneytisins. Í dag er staðan þannig að kúabú reiða sig á 24 ólíka stofna mjólkurkúa, bæði af innlendum og erlendum uppruna. Til að flýta þróun í greininni hefur ríkið verið með margvíslegar stuðningsaðgerðir vegna ræktunarstarfsemi.

Hafa keypt þúsundir kvíga frá ESB löndum

Hafa Rússar á undanförnum árum m.a. lagt áherslu á kaup á mjólkurkúm frá ríkjum Evrópusambandsins í þúsundatali samkvæmt fréttum Bloomberg. Sem dæmi keyptu Rússar um 45 þúsund kvígur frá ESB löndum á árinu 2019 fyrir um 100 milljónir evra.

Þýska fyrirtækið Ekosem-Agar með sterk ítök í rússneskum landbúnaði

Reyndar eiga erlendir fjárfestar mikil ítök í rússneskum landbúnaðarfyrirtækjum. Þar má nefna Ekosem-Agar sem er með höfuðstöðvar í Walldorf í Þýskalandi og er með eignarhald í rússneska mjólkurframleiðslufyrirtækinu EkoNiva Group. Var Ekosem-Agar/EkoNiva-APK t.d. stærsti einstaki mjólkurframleiðandinn í Rússalandi á árinu 2019 með 659.000 tonn af mjólk. Réðu fyrirtækin þá yfir 599.000 hektara ræktarlandi. Framleiðslan var komin í 925.000 tonn á árinu 2020 samkvæmt heimasíðu EkoNiva-APK. Nautgripir á vegum fyrirtækisins voru þann 17. júlí 2021 samtals 212.800 skepnur og þar af 110.000 mjólkurkýr. UM 99% af mjólkurframleiðslu EkoNiva er seld á markaði sem hágæðavara í Rússlandi. Fjölmörg framleiðslufyrirtæki eru í samstarfi við EkoNiva, eins og Danone Group, Tulskiy Molochny Kombinat OJSC og Liskinskiy Gormolzavod LLC. Þá fer hluti af mjólkinni frá EkoNiva líka til ostaframleiðslu Hochland.

Bæta upplýsinga- og gagnavinnslu

Að auki vinnur rússneska landbúnaðarráðuneytið að uppsetningu á upplýsingakerfi ríkisins fyrir búfjárrækt. Þar verður áhersla lögð á bætta gagnavinnslu um ræktunargripi og þar stuðst við evrópskt regluverk og gæðamat. Gert er ráð fyrir að kerfið verði komið í gagnið árið 2025.

Nýir liðsmenn Bændablaðsins
Fréttir 21. júní 2024

Nýir liðsmenn Bændablaðsins

Lesendur hafa kannski tekið eftir nýjum efnisþáttum í blaðinu í vor. Hugarleikfi...

Opnað fyrir milljarða króna fjármögnun
Fréttir 21. júní 2024

Opnað fyrir milljarða króna fjármögnun

Lítil og meðalstór fyrirtæki á Íslandi fá aðgengi að 3,2 milljarða króna fjármög...

Stækka ræktarland og fjölga vörutegundum
Fréttir 20. júní 2024

Stækka ræktarland og fjölga vörutegundum

Hvítlauksbændurnir í Neðri-Brekku í Dölum fengu nýlega tvo styrki úr Matvælasjóð...

Verðlaunuðu góðan árangur
Fréttir 20. júní 2024

Verðlaunuðu góðan árangur

Tabea Elisabeth Schneider hlaut verðlaun fyrir besta árangur á B.S. prófi þegar ...

Fuglum fækkar vegna óveðurs
Fréttir 20. júní 2024

Fuglum fækkar vegna óveðurs

Samkvæmt fuglatalningu varð algjört hrun í fjölda fugla á Norðausturlandi þegar ...

Óhrædd að takast á við áskoranir
Fréttir 19. júní 2024

Óhrædd að takast á við áskoranir

Tilkynnt var um ráðningu Margrétar Ágústu Sigurðardóttur í starf framkvæmdastjór...

Halla færir út kvíarnar
Fréttir 19. júní 2024

Halla færir út kvíarnar

Halla Sif Svansdóttir Hölludóttir, garðyrkjuframleiðandi og eigandi garðyrkjustö...

Sala Búvís stöðvuð
Fréttir 19. júní 2024

Sala Búvís stöðvuð

Samkeppniseftirlitið hefur komið í veg fyrir að Skeljungur kaupi Búvís ehf. þar ...