Vinsamlegast athugið að þetta efni er eldra en 6 ára.
Ransomes-smátraktor fyrir garðyrkjumenn
Fræðsluhornið 27. júlí 2015

Ransomes-smátraktor fyrir garðyrkjumenn

Höfundur: Vilmundur Hansen

Árið 1884 stofnuðu félagarnir Sims og Jefferies félag í þeim tilgangi að yfirtaka breskt fyrirtæki sem hét Ransomes, Head og Jefferies og fram­leiddi landbúnaðartæki. Með í kaupunum fylgdi framkvæmdastjóri þess, Robert Ransomes að nafni.

Fjórum árum síðar framleiddi fyrirtækið meðal annars handsmíðaða plóga, gufuknúnar dráttarvélar, vindur, þreskivélar og vélar sem notaðar voru við vinnslu á te, pumpur og gírbúnað fyrir járnbrautalestir. Framleiðslan gekk vel og árið 1905 voru starfsmenn fyrirtækisins orðnir tvö þúsund. Í fyrri heimsstyrjöldinni framleiddi Ransomes, Sims og Jefferies Ltd. meðal annars flugvélar fyrir breska herinn.

Traktor fyrir garðyrkjumenn

Hönnun á fyrsta smátraktor fyrirtækisins hófs 1902 en það var ekki fyrr en tæpum þrjátíu árum síðar sem fyrirtækið sendi frá sér fyrstu smádráttarvélina sem kallaðist MG2. Litla 20 hestafla beltadráttarvél sem var ætluð til að uppfylla þarfir garðyrkjumanna. Græjan þótti góð til síns brúks og framleiðsla hennar var stöðug fram að seinni heimsstyrjöldinni. Eftir stríðið var eftirspurn eftir vélinni það mikil að framleiðsla hennar hófst aftur í óbreyttri mynd.

Ný týpa MG traktoranna kom ekki á markað fyrr en 1949. Sú vél kallaðist MG5 og í kjölfarið fylgd MG6 og að lokum MG40. Um 15 þúsund MG smátraktorar voru settir á markað, sem er met fyrir breskan beltatraktor, áður en framleiðslu þeirra var hætt árið 1966. Þrátt fyrir að markaðurinn fyrir MG-vélarnar væri mestur á Bretlandseyjum var talsvert af þeim flutt úr landi til Evrópu og Bandaríkjanna og þær nutu mikilla vinsælda í Ástralíu.

Af fylgihlutum sem mátti fá með MG-týpunum má nefna ýtublað að framan, plóg og valtara til að hengja aftan á traktoranna.

Markaðssetning MG5-vélanna var á þann hátt að einfalt og öruggt væri að vinna með þær og á færi hvaða drengs sem var. Reyndin varð önnur og mörg slæm slys urðu við notkun þeirra, ekki síst úlnliðsbrot. Sérstaklega á ungum drengjum sem einfaldlega réðu ekki við stjórntæki vélarinnar sem áttu það til að hrökkva til baka án skiljanlegra orsaka.

Sláttutraktorar

Áhersla í framleiðslu fyrirtækisins breyttist um 1960 og meiri kraftur var lagður í framleiðslu á vélum til uppskeru, lyfturum og garðsláttuvélum. Þegar hér var komið sögu voru starfsmenn fyrirtækisins orðnir 3.200. Eftir það fór að halla undan fæti hjá fyrirtækinu og reksturinn varð þyngri með hverju árinu sem leið.

Árið 1989 seldi Ransome, eins og fyrirtækið var almennt kallað, framleiðslu sína á landbúnaðartækjum til Electrolux. Í framhaldinu sameinaðist Ransome fyrirtæki sem kallast Overrum og framleiðir plóga og önnur jarðvinnslutæki. Hlutverk Ransome í samstarfinu var framleiðsla á garðsláttuvélum.

Sögu Ransome lauk árið 1998 þegar fyrirtækið var yfirtekið af bandaríska fyrirtækinu Jacobsen og er í dag hluti af Textron, sem framleiðir meðal annars skriðdreka, þyrlur, smátraktora og garðsláttuvélar. Garðsláttuvélarnar og smátraktorarnir frá Textron eru framleidd undir heitinu Ransome og fáanlegar í ýmsum útgáfum, 18 til 45 hestöfl að afli.

Skylt efni: Gamli traktorinn | Ransomes

Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...