Vinsamlegast athugið að þetta efni er eldra en 7 ára.
Rákir
Hannyrðahornið 1. september 2015

Rákir

Höfundur: Guðrún María Guðmundsdóttir
Herrapeysan Rákir er í boði Handverkskúnstar. Garnið í peysuna færðu hjá okkur í verslun okkar sem er staðsett á Nýbýlavegi 32, Dalbrekkumegin, Kópavogi eða á www.garn.is. 
 
Stærð: 
Maxi heklgarn frá garn.is
 
Nál: 2 mm
 
Stærð: S/M
 
Yfirvídd (í munsturpjóni): 88 sm
 
Garn:
Kartopu Ketenli 7 dokkur
 
Prjónar:
Hringprjónn 40 og 60-80 sm nr 4,5
Sokkaprjónar nr 4,5
 
Prjónfesta: 20 lykkjur og 24 umferðir = 10x10 sm
 
Útskýringar:
S: slétt lykkja
B: brugðin lykkja sm: sentimetrar
 
Munstur:
*Prjónið *1S,1B* endurtakið út umferðina frá *-* 4 sm. Prjónið 2 umferðir slétt.* Endurtakið frá *-*
 
Laskaúrtaka:
Fellt er af um 1 lykkju sitt hvoru megin við prjónamerkin þannig: Prjónið þar til 3 lykkjur eru að prjónamerki, takið 1 lykkju óprjónaða eins og prjóna eigi hana brugðið, prjónið 1 lykkju slétt, steypið óprjónuðu lykkjunni yfir. Prjónið 2 lykkjur slétt og síðan 2 lykkjur slétt saman.
 
Bolur: Fitjið upp 225 lykkjur, tengið í hring og prjónið stroff *2S, 3B* 7 sm. Aukið út í síðustu umferð um 1 lykkju = 226 lykkjur á prjóninum. Setjið tvö prjónamerki í stykkið, það fyrra í byrjun umferðar og það seinna eftir 113 lykkjur (fram- og bakstykki). Prjónið munstur þar til bolurinn mælist 51 sm (mælt með stroffi). Setjið 10 lykkjur á þráð/nælu undir handvegi, 5 lykkjur sitt hvoru megin við prjónamerkin. Geymið bolinn og prjónið ermar.
 
Ermar: Fitjið upp 55 lykkjur, tengið í hring og prjónið stroff *2S, 3B* 8 sm. Aukið út í síðustu umferð um 5 lykkjur jafnt yfir umferðina. Setjið prjónamerki og prjónið munstur eins og á bol en aukið út sitt hvoru megin við prjónamerkið um 1 lykkju, fyrst eftir 3 sm og síðan með 6 sm millibili alls 9 sinnum = 78 lykkjur á erminni. Prjónið þar til ermin mælist 61 sm (mælt með stroffi). Setjið 10 lykkjur á þráð/nælu, 5 lykkjur sitthvorum megin við prjónamerkið. Geymið ermina og prjónið aðra eins.
 
Berustykki: Sameinið bol og ermar á einn hringprjón = 342 lykkjur á prjóninum. Setjið prjónamerki í öll samskeyti erma og bols = 4 prjónamerki. ATH: Lykkjurnar tvær sitthvorum megin við prjónamerkin eru alltaf prjónaðar slétt. Prjónið 4 umferðir áður en úrtaka hefst. Takið úr þannig: 2x í 4. hverri umferð og síðan í 2. hverri umferð þar til bolurinn mælist um það bil 66 sm. Setjið þá 15 lykkjur fyrir miðju á framstykki á þráð/nælu og prjónið nú fram og til baka. Haldið áfram að taka úr eins og áður í laskalínunni en takið jafnframt úr við hálsmál: 2 lykkjur x2, 1 lykkju x2. Prónið þar til bolurinn mælist um 70 sm.
 
Hálsmál: Takið upp lykkjur í hálsmáli, einnig þær sem geymdar voru á framstykki, prjónið eina umferð slétt og jafnið lykkjufjöldann í 105 lykkjur. Prjónið stroff *2S+3B* 10 sm. Fellið af í sléttum og brugðnum lykkjum.
 
Frágangur: Gangið frá endum, lykkið saman undir höndum. Þvoið flíkina og leggið til þerris.
 
Prjónakveðja,
Guðrún María Guðmundsdóttir 
www.garn.is
Innheimta svæðisgjalda
Fréttir 31. mars 2023

Innheimta svæðisgjalda

Í lok árs 2022 samþykkti stjórn Vatnajökulsþjóðgarðs tillögur um gjaldtöku. Umhv...

Áframhaldandi samstarf
Fréttir 31. mars 2023

Áframhaldandi samstarf

Samtök iðnaðarins (SI) og Samtök smáframleiðenda matvæla (SSFM) /Beint frá býli ...

Fengu ný verkfæri
Fréttir 30. mars 2023

Fengu ný verkfæri

Nemendum og kennurum í pípulögnum í Verkmenntaskólanum á Akureyri voru á dögunum...

Vafi á réttmæti líftölumælinga
Fréttir 30. mars 2023

Vafi á réttmæti líftölumælinga

Auðhumla hefur tekið þá ákvörðun að nýta ekki niðurstöður úr líftölumælingum til...

Frumvarp um friðlýsingu lifandi minja lagt fram
Fréttir 29. mars 2023

Frumvarp um friðlýsingu lifandi minja lagt fram

Fimm þingmenn úr fjórum þingflokkum lögðu á dögunum fram frumvarp til laga um br...

Landbúnaðarráðherra Íraks gæddi sér á lambakjöti
Fréttir 29. mars 2023

Landbúnaðarráðherra Íraks gæddi sér á lambakjöti

Í heimsókn sinni til Íraks á dögunum færði Birgir Þórarinsson alþingismaður land...

Endurheimt vistkerfa
Fréttir 29. mars 2023

Endurheimt vistkerfa

Mossy earth er alþjóðleg hreyfing um endurreisn vistkerfa sem er fjármögnuð með ...

Tillaga um dýravelferðarstofu
Fréttir 29. mars 2023

Tillaga um dýravelferðarstofu

Þann 14. mars stóð Dýraverndarsamband Íslands (DÍS) fyrir málþingi um stöðu dýra...