Pasta með reyktum laxi
Mikael Bergmann er tíu ára Kópavogsbúi sem hefur gaman af náttúrufræði. Draumur hans er meðal annars að verða fornleifafræðingur og finna risaeðlubein.
Nafn: Mikael Bergmann Hjörvarsson.
Aldur: 10 ára.
Stjörnumerki: Vog.
Búseta: Lindahverfi, Kópavogur.
Skóli: Lindaskóli.
Hvað finnst þér skemmtilegast í skólanum? Náttúrufræði.
Hvert er uppáhaldsdýrið þitt? Hundur.
Uppáhaldsmatur: Pasta Andrea, sem er pasta með reyktum laxi, basilíku og parmesanosti.
Uppáhaldshljómsveit: Rammstein og DVBBS & Borgeous (lagið Tsunami).
Uppáhaldskvikmynd: Jurassic park.
Fyrsta minning þín? Þegar ég var þriggja ára í Legolandi, pabbi og Siggi afi voru í sjóræningjabát að skjóta á mig með vatnsbyssum.
Æfir þú íþróttir eða spilarðu á hljóðfæri? Ég æfi samkvæmisdansa.
Hvað ætlar þú að verða þegar þú verður stór? Draumurinn minn er að verða fornleifafræðingur og finna risaeðlubein og týndu borgina Atlantis.
Hvað er það klikkaðasta sem þú hefur gert? Þegar ég var með Konráði vini mínum og pabba hans að skjóta upp flugeldum. Ein rakettan festist í flöskunni og þurftum við að flýja. Ég stökk í burtu. Rakettan sprakk.
Ætlarðu að gera eitthvað skemmtilegt í sumar? Fara í Vatnaskóg og vonandi á sumarnámskeið í náttúrufræði.
Næst » Mikael Bergmann skorar á Fúsa vin sinn að svara næst.