Vinsamlegast athugið að þetta efni er eldra en 6 ára.
KIA Niro hybrid.
KIA Niro hybrid.
Mynd / HLJ
Á faglegum nótum 20. október 2016

Nýr vistvænn KIA Niro hybrid með 7 ára ábyrgð

Höfundur: Hjörtur L. Jónsson
Eins og margir aðrir bílafram­leiðendur hefur KIA bæst í hóp bílaframleiðenda með „hybrid“ bíl (tvinnbíl). Eins og aðrir bílar frá KIA er hann með 7 ára ábyrgð.
 
Uppbyggingin á vélunum tveimur er svipuð hjá öllum bílaframleiðendum, en KIA hefur aðeins bætt rafmagnstæknina til að auka rafmagnsflæði og framleiðslu fyrir rafmagnsvélina og minnka þannig eldsneytiseyðslu bensínvélarinnar. Ég tók góðan hring á blautum vindasömum degi og prófaði KIA Niro.
 
Uppgefin eyðsla hentar ekki mínu aksturslagi eða íslensku roki
 
Niro tekur að öllu jöfnu af stað á rafmagnsvélinni og því nánast alveg hljóðlaus akstur. Fyrir utan veghljóð og umhverfishljóð að utan, mældist hávaði hjá mér við 90 km hraða undir 58 desíbelum (db) að meðaltali þrátt fyrir rok og rigningu. Á flestum hybrid-bílum er mótorinn að fara í gang í kringum 50 kílómetra hraða, en Niro er á töluvert meiri ferð þegar bensínvélin fer í gang og hjálpar til. Með því að fylgjast með aksturstölvu bílsins sem sýnir orkunotkun (bæði af bensíni og rafmagni) komst ég fljótlega í bíl­túrnum að því að mitt aksturslag var ekki að henta til sparaksturs á þessum bíl (og ekki var rokið og rigningin að hjálpa til). 
 
Uppgefin meðaleyðsla er 3,8 lítrar á hundraðið við bestu aðstæður og í byrjun var ég að eyða upp undir 7 lítrum miðað við 100 km akstur. Með því að mýkja aksturslagið á mínum akstursstíl náði ég að minnka eyðsluna í rokinu og rigningunni niður í 5,2 lítra, en neðar komst ég ekki.
 
Nýjung í rafmagnsframleiðslu
 
Flestir hybrid-bílar framleiða rafmagn inn á rafhlöðuna þegar bremsað er, eða hægt mikið á og niður brekkur. 
 
Rafmagnsvélin knýr bílinn áfram í byrjun ökuferðar og hjálpar bensínvélinni á meðan eitthvað rafmagn er á rafhlöðunni. Niro er að framleiða rafmagn í mjúkum akstri á jafnsléttu og þegar slegið er af og bremsað er rafmagnsframleiðslan í hámarki. 
 
Rafmagnsframleiðslan á jafnsléttu (og undan vindi) kemur aðallega frá rafal sem tengist hraða bílsins, en miðað við aðra hybrid-bíla sem ég hef ekið er Niro að framleiða meira rafmagn. Nýja liþíum-rafhlaðan heldur rafmagni lengur og tekur meiri hleðslu. 
 
Rúmgóður og þægilegur í akstri
 
KIA Niro er þægilegur að keyra bæði á bundnu slitlagi og á malarvegum. Það eina sem ég fann að bílnum eftir malarvegaaksturinn var að drullan safnaðist á eina staðinn sem ekki er æskilegt að safna óhreinindum á. Þetta var holan sem maður setur höndina inn í til að opna skottlokið og fyrir vikið urðu hnúarnir á hendinni drulluskítugir.
Fótapláss er gott í framsætum og mjög gott pláss fyrir farþega í aftursætum. Farangursrými er gott, en varadekkið er það sem ég kalla aumingja.
 
Eins og margir nýir bílar er bíllinn ekki með löglegan dagljósabúnað (engin ljós að aftan), en með því að snúa takkanum og hafa alltaf ljósin kveikt og hunsa „dinghljóðið“, viðvörunina, um að ljósin séu kveikt þegar farið er út úr bílnum því ljósin slökkva á sér sjálfkrafa eftir fjórar sekúndur.
Gott verð á bíl sem ætti að
henta mörgum
 
Sem alhliða bíll með góða fjöðrun og á dekkjum með háan „prófíl“ ætti þessi bíll að henta vel jafnt á malarvegum sem bundnu slitlagi.
 
Bensínvélin er 1,6 lítra og skilar 105 hestöflum, en rafmagnsmótorinn skilar að hámarki 43,5 hestöflum. Sé bílnum botngefið úr kyrrstöðu er snerpan hættulega góð í báðum vélunum þegar þær vinna saman.
Sex þrepa skiptingin er mjúk og aldrei fann ég fyrir því þegar bíllinn skipti um þrep fyrir utan þetta eina skipti þegar ég botngaf bílnum úr kyrrstöðu. Verðið á Niro er frá 4.290.777.
 
Helstu mál og upplýsingar:
 
Þyngd 1.458 kg
Hæð 1.545 mm
Breidd 1.805 mm
Lengd 4.335mm

 

7 myndir:

Illgresinu sagt stríð á hendur með umhverfisvænum leiðum
Fréttir 3. október 2023

Illgresinu sagt stríð á hendur með umhverfisvænum leiðum

Öflun nýrrar þekkingar á baráttunni við illgresi í ræktun er meginmarkmið nýs sa...

Framleiðsla á náttúrulegum plöntuvarnarefnum
Fréttir 28. september 2023

Framleiðsla á náttúrulegum plöntuvarnarefnum

Algalíf, íslenska líftæknifyrirtækið, stefnir á að hasla sér völl í framleiðslu ...

Innviðauppbygging til 2025
Fréttir 28. september 2023

Innviðauppbygging til 2025

Fara á í 127 verkefni fram til ársins 2025 við uppbyggingu innviða til að mæta á...

Samfélagsleg ábyrgð í forgrunni
Fréttir 28. september 2023

Samfélagsleg ábyrgð í forgrunni

Sjávarútvegsráðstefnan 2023 verður haldin 2.–3. nóvember í Hörpu. Áhersluatriði ...

Heilt sumar eyðilagt hjá geitabóndanum Höllu
Fréttir 27. september 2023

Heilt sumar eyðilagt hjá geitabóndanum Höllu

Í síðasta tölublaði Bændablaðsins greindum við frá því að Halla Sigríður Steinól...

Vex fiskur um hrygg í rannsóknum, tilraunum og erlendu samstarfi
Fréttir 26. september 2023

Vex fiskur um hrygg í rannsóknum, tilraunum og erlendu samstarfi

Nemendur Landbúnaðarháskóla Íslands vinna fjölbreyttar rannsóknir og tilraunaver...

2.500 tonna kornþurrkstöð borgi sig frekar
Fréttir 26. september 2023

2.500 tonna kornþurrkstöð borgi sig frekar

25 af 33 eyfirskum bændum sem spurðir voru, sögðu að þeir myndu myndu nýta sér k...

Lífræni dagurinn haldinn hátíðlegur í Kaffi Flóru
Fréttir 25. september 2023

Lífræni dagurinn haldinn hátíðlegur í Kaffi Flóru

Lífræni dagurinn var haldinn hátíðlegur víðs vegar um landið laugardaginn 16. se...