Vinsamlegast athugið að þetta efni er eldra en 5 ára.
Norðurhjáleiga
Bærinn okkar 11. febrúar 2016

Norðurhjáleiga

Sæunn er fædd og hálfuppalin í Norðurhjáleigu en Þormar er frá Breiðabólsstað á Síðu. Vorum hvort á sínum staðnum með búskap ásamt námi á Hvanneyri 2010–12. Sæunn tekur við búinu af afabróður sínum, Böðvari Jónssyni, sem lést 2013. 
 
Haustið 2013 kom Þormar með sinn bústofn í Norðurhjáleigu, byrjuðum þá að nota nýja gjafaaðstöðu í hlöðu við fjósið sem nú er notað sem fjárhús.
 
Býli:  Norðurhjáleiga.
 
Staðsett í sveit:  Álftaveri í Skaftárhreppi, Vestur-Skaftafellssýslu.
 
Ábúendur: Sæunn Káradóttir og Þormar Ellert Jóhannsson.
 
Fjölskyldustærð (og gæludýra): 
Þormar, f. 1987, Sæunn, f. 1990 og Signý Heiða, f. 2014. Tilvonandi smalahundurinn Myrra frá Gröf og veiðikötturinn Pési. Svo er stórfjölskyldan einstaklega dugleg að koma og aðstoða okkur.
 
Stærð jarðar?  Stutta svarið er 6.000 ha óskipt land með 2 öðrum jörðum, suður að sjó og út á Mýrdalssand.
.
Gerð bús? Sauðfjárbú.
 
Fjöldi búfjár og tegundir? 215 kindur og 15 hross.
 
Hvernig gengur hefðbundinn vinnudagur fyrir sig á bænum?
Varla til hefðbundinn dagur hjá okkur, erum bæði í hlutastarfi á Klaustri og dóttirin í leikskóla á meðan. Annað okkar vanalega heima að gegna og sinna því sem þarf þann daginn. „Sumarfríið“ fer í sauðburð, jarðvinnslu, heyskap og smalamennskur. 
 
Skemmtilegustu/leiðinlegustu bústörfin? Flest skemmtilegt þegar vel gengur, sérstaklega heyskapur og smalamennskur. Leiðinlegt þegar gengur illa á sauðburði, ef illa viðrar í heyskap eða fuglinn gatar rúllurnar.
 
Hvernig sjáið þið búskapinn fyrir ykkur á jörðinni eftir fimm ár? Annað, og helst bæði, alveg heima að sinna búinu, búin að finna leið til að auka tekjurnar heima við. Að bústofninn skili afurðum sem við teljum ásættanlegt miðað við aðstæður, tún komin í góða rækt, hús í betra stand og betri tækjakostur. Sum sé allt á uppleið.
 
 
Hvaða skoðun hafið þið á félagsmálum bænda? Höldum að allir reyni að gera sitt besta í þeim málum.
 
Hvernig mun íslenskum landbúnaði vegna í framtíðinni? Hann hefur alla burði til að vera í fremstu röð hvað varðar hreinleika og gæði afurða, við megum vera stolt af okkar frábæru afurðum. Landbúnaður skiptir líka miklu máli hvað varðar búsetu og atvinnu alls staðar á landinu.
 
Hvar teljið þið að helstu tækifærin séu í útflutningi íslenskra búvara? Betri markaðssetning sem sú lúxusvara sem þær svo sannarlega eru og sérstaklega þá lambakjötið.
 
Hvað er alltaf til í ísskápnum? Mjólkurvara af ýmsu tagi, íslenskt grænmeti og lýsi.
 
Hver er vinsælasti maturinn á heimilinu? Slátur, einfalt og þægilegt að elda, en samt afbragðsmatur. Grillað lambakjöt klikkar ekki heldur.
 
Eftirminnilegasta atvikið við bústörfin? Þegar Þormar kom með sinn bústofn frá Breiðabólsstað haustið 2013  og allt sem við erum búin að laga á jörðinni síðan; gjafaaðstaða, gólf í fjárhúsum, endurræktun, brúargerð og kaup á tækjum.

6 myndir:

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...

Nýtt 450 íbúða hverfi byggt í Þorlákshöfn
Fréttir 6. desember 2021

Nýtt 450 íbúða hverfi byggt í Þorlákshöfn

Framkvæmdir eru hafnar við uppbyggingu fyrsta áfanga Móabyggðar, nýs 450 íbúða h...

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...