Vinsamlegast athugið að þetta efni er eldra en 6 ára.
Hér er Kristjana K. Jónsdóttir við verðlaunapeysuna sína, glæsileg peysa sem sómi er af.
Hér er Kristjana K. Jónsdóttir við verðlaunapeysuna sína, glæsileg peysa sem sómi er af.
Mynd / MHH
Líf og starf 22. júní 2018

Kristjana Jónsdóttir á Hvolsvelli prjónaði Lýðveldispeysuna 2018

Höfundur: MHH / HKr.
Yfir 20 peysur bárust prjónahönnunar­samkeppni í tilefni af 100 ára fullveldis Íslands. Voru þær allar til sýnis á Prjónagleðinni í samkomuhúsinu á Blönduósi sem fór fram dagana 8. til 10. júní.  
 
Kristjana K. Jónsdóttir hlaut fyrstu verðlaun í hönnunarsamkeppninni á Fullveldispeysunni. „Markmiðið með Prjónagleðinni var að stefna saman reyndum og lítið reyndum prjónurum og ekki síst að draga allt þetta góða prjónafólk út úr hornum stofunnar til að sýna sig og sjá aðra. Einnig að deila reynslu og læra eitthvað nýtt,“ segir Jóhanna Erla Pálmadóttir, framkvæmdastjóri Textílsetursins. 
 
Glöð og stolt segir sigurvegarinn
 
„Ég hef gaman af að prjóna og þá ekki alltaf eftir uppskriftum. Nú fór ég eftir þema keppninnar sem var að draga fram samlíkingu á milli fortíðar og nútíðar í menningu og sögu lands og þjóðar með tilvísun til fullveldis Íslands. Ég hugsaði þá um þjóðarblómið og landvættina og gróðurinn og spann þetta smá saman, útkoman var fyrsta sæti, sem ég er mjög glöð og stolt með,“ segir Kristjana Jónsdóttir, alltaf kölluð Sjana, en lopapeysan hennar vann í samkeppninni. 
 
Ásta G. Kristjánsdóttir hlaut önnur verðlaun en í umsögn dómnefndar um hennar peysu segir: 
„Peysan er með fallegu og kvenlegu sniði. Tæknilega vel útfærð og á baki peysunnar er rósaleppuprjón notað á áhugaverðan hátt.“
 
Svanhildur Bjarnadóttir hlaut þriðju verðlaun og segir þetta í umsögn dómnefndar: 
„Áhugavert snið, kvenleg flík sem vísar í íslenska kvenbúninginn. Flíkin er tæknilega vel og fallega útfærð á einfaldan hátt.“
 
Tilkynnt var um vinningshafana í hönnunarsamkeppninni á hátíðarkvöldverði Prjónagleðinnar á Hótel Blöndu. Eliza Reid forsetafrú upplýsti um verðlaunin og afhenti þau.
 
Textílsetur Íslands á Blönduósi hafði veg og vanda af Prjónagleðinni, ásamt nokkrum samstarfsaðilum.

11 myndir:

Kjötafurðastöðvar aftur undir samkeppnislög
Fréttir 12. febrúar 2025

Kjötafurðastöðvar aftur undir samkeppnislög

Þingmálaskrá ríkisstjórnarinnar hefur verið kynnt fyrir vorþingið. Landbúnaðarmá...

Sýktur refur í Skagafirði
Fréttir 12. febrúar 2025

Sýktur refur í Skagafirði

Íbúi í Skagafirði varð var við veikan ref og reyndist dýrið með fuglaflensu.

Deilt um gjaldtöku vegna meðhöndlunar á dýrahræjum
Fréttir 11. febrúar 2025

Deilt um gjaldtöku vegna meðhöndlunar á dýrahræjum

Fyrir áramót bárust tvö mál inn á borð lögfræðinga Bændasamtaka Íslands þar sem ...

Tvöfaldur hagnaður kjötvinnslu í eigu KS
Fréttir 11. febrúar 2025

Tvöfaldur hagnaður kjötvinnslu í eigu KS

Kjötvinnslan Esja gæðafæði nær tvöfaldaði hagnað sinn milli áranna 2022 og 2023.

Framleiðsla og sala á hrossakjöti jókst mest
Fréttir 10. febrúar 2025

Framleiðsla og sala á hrossakjöti jókst mest

Mikil aukning var í framleiðslu og sölu á hrossakjöti og svínakjöti á síðasta ár...

Betri afkoma sauðfjárbúa
Fréttir 10. febrúar 2025

Betri afkoma sauðfjárbúa

Hagstofan greindi frá því á vef sínum fyrir skemmstu að afkoman í sauðfjárræktin...

Hver á Ísland?
Fréttir 7. febrúar 2025

Hver á Ísland?

Húsnæðis- og mannvirkjastofnun stendur að átaksverkefni við að áætla eignarmörk ...

Niðurstöður viðhorfskönnunar áhyggjuefni
Fréttir 7. febrúar 2025

Niðurstöður viðhorfskönnunar áhyggjuefni

Meirihluti bænda telur stuðningskerfi landbúnaðar flókið en aðeins tæp 14% telja...