Vinsamlegast athugið að þetta efni er eldra en 5 ára.
Klaustursel
Bærinn okkar 15. desember 2016

Klaustursel

Fyrri hluta árs 2014 tók Marteinn við búinu af foreldrum sínum, Aðalsteini Jónssyni og Ólavíu Sigmarsdóttur. Þau fluttu sig neðar í dalinn og reka þar ferðaþjónustuna Á hreindýraslóðum. En faðir Marteins hefur alltaf verið með annan fótinn á Klausturseli. Í janúar 2016 flutti Jenný í Klaustursel.
 
Um haustið 2014 voru byggð ný fjárhús sem rúma tæp 400 fjár við hliðina á þeim gömlu, gaflagrindahús á taði. Það tókst að loka þeim fyrir veturinn en síðan var innréttað inn í þau um veturinn. 
 
Gömlu fjárhúsin voru byggð í kringum 1960 en voru síðan endurbætt smám saman fyrir okkar tíð og rúma tæpar 320 kindur.
 
Býli: Klaustursel.
 
Staðsett í sveit: Jökuldal, Fljótsdalshéraði. 
 
Ábúendur: Marteinn Óli Aðalsteinsson og Jenný Hekla Örvar.
 
Fjölskyldustærð (og gæludýra): Við eigum eina dóttur, Sesselju Margréti. Við eigum einn hvolp og Jenný á sauðinn Blóma. 
 
Stærð jarðar?  Jörðin er tæpir 11 þúsund hektarar.
 
Gerð bús? Við erum eingöngu með sauðfé.
 
Fjöldi búfjár og tegundir? Við erum með 509 ær, 111 gemlinga og nokkra hrúta.
 
Hvernig gengur hefðbundinn vinnudagur fyrir sig á bænum? 
Þessa dagana er fénu gefið morgna og kvölds, sæðingar búnar og hrútar komnir í, þá er fylgst með hvort ekki sé allt í lagi.
 
Skemmtilegustu/leiðinlegustu bústörfin? Marteini finnst jarðvinnsla skemmtilegust, en þegar það fer að vetra og snjóa þá er tilgangslausasta vinnan að moka snjó. Jenný elskar sauðburðinn mest, eins og er þá er hún ekki búin að finna neitt leiðinlegt við bústörfin. Dóttir okkar elskar að vera í návist við dýrin.
 
Hvernig sjáið þið búskapinn fyrir ykkur á jörðinni eftir fimm ár? Síðastliðin ár hefur verið sóttur heyskapur annað. Við sjáum fyrir okkur með aukinni ræktun og fjölgun túna að það verði heyjað eingöngu á heimalandi eftir 5 ár. 
 
Hvaða skoðun hafið þið á félagsmálum bænda? Félagsmál skipta miklu máli.
 
Hvernig mun íslenskum landbúnaði vegna í framtíðinni? Íslenskum landbúnaði á eftir að vegna vel í framtíðinni, því það sem við framleiðum hér er einstakt og gott.
 
Hvar teljið þið að helstu tækifærin séu í útflutningi íslenskra búvara? 
Við sjáum svo sem ekki af hverju við eigum að vera að flytja út íslenskar búvörur. Frekar  ætti að markaðssetja þetta betur hér. Varðandi lambakjötið þá þarf að koma því meira inn á íslenska veitingastaði og gera það vel til að geta selt þessum milljón ferðamönnum sem koma hingað til landsins.
 
Hvað er alltaf til í ísskápnum? Mjólk og ostur.
 
Hver er vinsælasti maturinn á heimilinu? Rollukjöt og kjúklingur.
 
Eftirminnilegasta atvikið við bústörfin? Þegar nýju fjárhúsin voru byggð vorum við með hreindýrskálf sem elti okkur um allt og át naglapakkana.

3 myndir:

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...

Byggðasaga Skagafjarðar tók 26 ár í vinnslu og í verkið fóru um 50 starfsár
Fréttir 19. janúar 2022

Byggðasaga Skagafjarðar tók 26 ár í vinnslu og í verkið fóru um 50 starfsár

Hjalti Pálsson frá Hofi, ritstjóri og aðalhöfundur Byggðasögu Skagafjarðar, skil...

Vinna hefst við gerð reglna um raforkuöryggi
Fréttir 19. janúar 2022

Vinna hefst við gerð reglna um raforkuöryggi

Umhverfis-, orku- og loftslagsráðherra, hefur skipað starfshóp um raforkuöryggi....

Ný reglugerð um velferð alifugla
Fréttir 19. janúar 2022

Ný reglugerð um velferð alifugla

Sjávarútvegs- og landbúnaðarráðherra hefur undirritað reglugerð um velferð alifu...