Vinsamlegast athugið að þetta efni er eldra en 7 ára.
Jeep Renegade sterklega byggður jepplingur
Á faglegum nótum 5. desember 2016

Jeep Renegade sterklega byggður jepplingur

Ís-Band er nýtt bílaumboð staðsett í Mosfellsbæ og selur m.a Jeep, Fiat, Dodge og fleiri bílategundir. Fyrir nokkru prófaði ég jepplinginn Jeep.
 
Renegade-jepplingurinn er að mínu mati sá jepplingur sem kemst næst því að kallast jeppi, en hann er með hátt og lágt drif, yfirbyggingin er soðin á grindina undir bílnum. 
 
Örlítil breyting breytir bílnum úr jeppling í jeppa
 
Jeep Renegade er fáanlegur í nokkrum útfærslum, en bíllinn sem ég prófaði var með 2,0 dísilvél sem á að skila 170 hestöflum, sjálfskiptur með 9 þrepa sjálfskiptingu og á tveim númerum stærri hjólbörðum. Með því að stækka dekkin um tvær stærðir fer jepplingurinn úr „slyddujepplinga“flokki í jeppa-flokk. 
 
Við svona mikla stækkun á hjólbörðum eru bæði kostir og ókostir, en helsti kosturinn er betri fjöðrun út úr hjólbörðum, betra grip (hjólbarðar breikka um tvo sentímetra og hækka bílinn um a.m.k. þrjá sentímetra undir lægsta punkt), hærri bíll þegar ekið er í snjó og á vegslóðum. 
 
Ókosturinn er að viðbragð er aðeins minna og eldsneytiseyðsla hækkar, en kemur ekki að sök þar sem kostir eru meiri en ókostir.
 
Þægilegur í akstri og fer vel með ökumann í langkeyrslu og eyðsla lítil miðað við kraft
 
Ég ók bílnum án þess að stoppa í Hrútafjörð (rétt tæpa 200 km) og verð ég að segja að þessi bíll er sá sem mér hefur liðið best í af þeim mörgu bílum sem ég hef prófað í langkeyrslu.
 
Uppgefin meðaleyðsla samkvæmt bæklingi er 5,9 lítrar á hundraðið, en á stærri dekkjum og snjór á veginum var ég að eyða í þessum fyrri helmingi 7,4 lítrum á hundraðið sem er að mínu mati mjög gott miðað við aðstæður. Eftir ýmsar prófanir og torfæruprófanir í djúpum snjó endaði ég eftir 400 km akstur í meðaleyðslu upp á 7,8 lítra, en tel að þessari tölu megi vel koma niður um einn lítra þegar maður er búinn að læra á bílinn. 
 
Fyrsta sinn sem ég sé 220 volta rafmagnstengil í bíl
 
Eins og flestir bílar er Renegade hlaðinn aukabúnaði og öryggisbúnaði og er m.a. með ABS hemla, ESC stöðuleikastýringu, ERM veltivörn, og fjarlægðarskynjara allan hringinn. Þeir skynjuðu vel snjóruðninga við hliðina á bílnum, en í snjókófinu aftan á bílnum urðu þeir óvirkir þar til ég fór út og strauk af þeim. Í bílnum er einnig bakkmyndavél og GPS leiðsögukerfi. 
 
Framsætin eru með stillanlegan mjóbaksstuðning og hitarinn í sætinu hitar upp á mitt bak, hiti í stýri, tveir 12v tenglar, USB tengi, og útvarpið skilar hljóðinu út í sex hátalara og að hlusta á góða tónlist er hreinn unaður í þessum bíl.
 
Aukabúnaðurinn sem ég var hrifnastur af er að í bílnum er 220 volta tengill sem gefur rafmagn fyrir rafmagnstæki sem nota minna rafmagn en 1500 wött.
 
Verðið á Jeep Renegade er frá 4.790.000
 
Það er nánast ekkert hægt að lasta í þessum bíl, en af nógu er að taka í hóli. Hátt og lágt drif með 5 mismunandi stillingar fyrir fjórhjóladrifið sem miðast af við hvaða undirlag er í akstri.
 
Full stærð á varadekki, góð miðstöð sem er fljót að hitna og aksturstölva með mikið af upplýsingum.
Jeep Renegade er fáanlegur í fjórum útfærslum, með tveim mismunandi 2000 dísilvélum, annars vegar 140 hestafla eða 170 hestafla vél, beinskiptan sex gíra kassa eða 9 þrepa sjálfskiptingu.
 
Allir Jeep Renegade eru fimm manna og fimm dyra. Mikið er lagt upp úr frágangi og útliti samanber að beggja vegna við baksýnisspegilinn má sjá skraut sem er gamla grillið af gamla Jeep. 
 
Ef vel er af gáð má sjá þetta merki víðar s.s. í afturljósi. Svo má finna grópað í bílinn ártal af fyrstu árgerð Jeep, landakort af þekktum fjallvegi í USA svo eitthvað sé nefnt. 
 
Alla vega var ég yfir mig hrifinn af bílnum eftir þennan prufuakstur og væri alveg til í að skipta út mínum „jepplingi“ fyrir Jeep Renegade. Nánari upplýsingar er hægt að nálgast um bílinn á vefsíðunni www.isband.is.
 
Helstu mál og upplýsingar:
 
Hæð 1.670 mm
Breidd 1.800 mm
Lengd 4.260 mm
 

 

9 myndir:

Hundrað hesta setningarathöfn
Fréttir 12. júlí 2024

Hundrað hesta setningarathöfn

Setningarathöfn Landsmóts hestasmanna er alla jafna hátíðleg.

Til þess var leikurinn gerður
Fréttir 11. júlí 2024

Til þess var leikurinn gerður

Stjórn Búsældar hefur fyrir sitt leyti samþykkt söluna á Kjarnafæði Norðlenska t...

Skammur aðdragandi að sölunni
Fréttir 11. júlí 2024

Skammur aðdragandi að sölunni

Bræðurnir Eiður og Hreinn Gunnlaugssynir hafa sem áður segir samþykkt kauptilboð...

Kaup Skagfirðinga á Kjarnafæði Norðlenska
Fréttir 11. júlí 2024

Kaup Skagfirðinga á Kjarnafæði Norðlenska

Meginmarkmið kaupa Kaupfélags Skagfirðinga (KS) á Kjarnafæði Norðlenska (KN) er ...

Tilþrif á Landsmóti
Fréttir 11. júlí 2024

Tilþrif á Landsmóti

Enginn skortur var á glæsilegum tilþrifum stólpafáka sem komu fram í gæðingakepp...

Verður langstærsta kjötafurðastöð landsins
Fréttir 11. júlí 2024

Verður langstærsta kjötafurðastöð landsins

Kaupfélag Skagfirðinga (KS) hefur gert kauptilboð í allt hlutafé Kjarnafæðis Nor...

Ullarvika á Suðurlandi
Fréttir 10. júlí 2024

Ullarvika á Suðurlandi

Ullarvika á Suðurlandi verður haldin í þriðja sinn dagana 29. september til 5. o...

Mesta hamingjan í Skagafirði, á Snæfellsnesi og á Héraði
Fréttir 10. júlí 2024

Mesta hamingjan í Skagafirði, á Snæfellsnesi og á Héraði

Hamingja íbúa í Skagafirði, á Snæfellsnesi og á Héraði mælist mest á landinu í n...

Bænder
12. júlí 2024

Bænder

Skammur aðdragandi að sölunni
11. júlí 2024

Skammur aðdragandi að sölunni

Magnað Landsmót 2024
12. júlí 2024

Magnað Landsmót 2024

Oddgeirshólar
29. ágúst 2019

Oddgeirshólar

Svín og korn
12. júlí 2024

Svín og korn