Vinsamlegast athugið að þetta efni er eldra en 9 ára.
Já, þannig er það
Skoðun 5. desember 2014

Já, þannig er það

Höfundur: Hörður Kristjánsson

Það var athyglisverð finnsk heimildarmynd um markað með lifandi grísi og svínakjöt í Sjónvarpinu á þriðjudagskvöldið. Þar kom fjölmargt fram sem vekur upp efasemdir um ágæti óhefts innflutnings á slíku kjöti til Íslands. 

Í þættinum kom berlega fram á hvers konar villigötum umræðan um óheftan innflutning á kjöti til Íslands hefur verið. Hér hafa hagsmunaöfl í verslun verið í fararbroddi í umræðunni um óheftan innflutning, m.a. á hráu kjöti. Í þeirri umræðu hefur margoft komið fram að ekkert þurfi að óttast því regluverkið í ríkjum ESB sé svo frábært. Þar fari ekkert fram hjá eftirlitsstofnunum. Því sé kjötmeti allt upprunamerkt og allt sem þar er boðið til sölu sé fullkomlega öruggt.

Ef marka má heimildarmyndina er þessu alls ekki svo farið. Þar kom greinilega fram í viðtölum við svínabændur og aðra er stunda viðskipti með grísi og svínakjöt að upprunamerkingar eru í algjörum ólestri. Reyndar var gengið svo langt að fullyrða að vonlaust væri að segja til um hvaðan kjöt sem t.d. kemur frá kjötafurðastöðvum í Póllandi sé upprunnið, þrátt fyrir alla opinbera stimpla. Þangað eru nefnilega fluttir grísir til áframeldis frá fjölmörgum löndum, eins og Danmörku, Finnlandi, Hollandi og Austur-Evrópulöndum. Nær ógjörningur virðist vera að halda utan um ferlið.  

Þá kom fram í máli finnskra bænda að notkun fúkkalyfja í þessari framleiðslu fer stöðugt vaxandi í Evrópu. Kom fram að Finnar hafi verið betri en margar aðrar þjóðir í þessum efnum, en þar aukist lyfjanotkunin hröðum skrefum. Sama á við varðandi Danmörku og fleiri lönd. Þetta gerist þrátt fyrir að heilbrigðisyfirvöld um allan heim tali um sýklalyfjanotkunina í dýraeldi og neyslu á afurðum þessara dýra, sem eina mestu heilbrigðisógn samtímans. Ástæðan er stóraukning á sýklalyfjaónæmi. 

Þá var líka varpað fram spurningu um af hverju Finnar hættu ekki svínaframleiðslu þar sem hægt væri að fá kjötið miklu ódýrara frá öðrum suðlægari löndum: Svarið var skýrt. Það kæmi ekki til greina að fórna fæðuöryggi Finna með slíkri aðgerð. Bent var á alvarlegar afleiðingar af slíku og að ef þetta yrði gert myndi innflutt svínakjöt snarhækka í verði. 

Þá kom líka fram í myndinni að Danir eru langt komnir með að eyðileggja sín sláturhús og kjötiðnað með skefjalausum útflutningi á lifandi grísum. Hafa þarlend stjórnvöld orðið miklar áhyggjur af málinu.  

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...