Vinsamlegast athugið að þetta efni er eldra en 8 ára.
Hannaður með þægindi fyrir fullvaxið fólk
Mynd / HLJ
Á faglegum nótum 6. janúar 2015

Hannaður með þægindi fyrir fullvaxið fólk

Höfundur: Hjörtur L. Jónsson

Fyrir stuttu tók Bílabúð Benna við Opel umboðinu á Íslandi og í tilefni af því var haldin vegleg opnunarhátíð í Bílabúð Benna.

Ég fór á frumsýninguna og skoðaði úrvalið. Einn af bílunum var að mínu mati ljótari en aðrir við fyrstu sýn. Í næsta skipti var bíllinn ekki eins ljótur, en í þriðja sinn sem ég skoðaði hann breyttist sýn mín á þessum bíl eftir að Benni (Benedikt Eyjólfsson) í Bílabúð Benna fór yfir kosti bílsins og bauð mér að prófa gripinn.

Prófaði bílinn við verstu akstursskilyrði

Það var rok og rigning alla helgina sem ég var með bílinn og á mánudagsmorgni þegar ég skilaði bílnum var fljúgandi hálka. Við svona aðstæður er lítið skemmtilegt að prófa bíla og hvað þá að ná sæmilegum myndum. Þrátt fyrir slæmt veður ók ég Opel Meriva bílnum tæpa 100 km. Það sem kom mér mest á óvart var hvað það var þægilegt að keyra bílinn og þrátt fyrir ausandi rigningu fann maður lítið fyrir vondu veðrinu inni í bílnum. Stór framrúðan og löng þurrkublöð sem unnu hvort í sína áttina sáu í sameiningu til þess að útsýni var gott út úr bílnum.

Hentar einstaklega vel fyrir fjóra stóra

Framsætin eru mjög þægileg, en fótapláss til hliða er frekar lítið. Stór stokkur er á milli framsætanna sem er færanlegur fram og aftur og undir honum er stórt geymslupláss. Bíllinn er skráður fimm manna bíll, en ef armpúðinn er tekinn niður er hægt að færa sætin beggja vegna við hann aftur og innar í bílinn sem veitir farþegum í aftursætum mun meira olnbogarými. Þessi valkostur hentar mjög vel fyrir stóra og breiða einstaklinga.

Afturhurðirnar opnast öfugt

Það að afturhurðirnar opnist öfugt hefur ýmsa kosti. Mun þægilegra er fyrir fullorðna að komast inn í bílinn og einnig að ef maður er með lítil börn opnar maður bæði framhurð og afturhurðina og hefur börnin fyrir framan sig og þá komast þau ekkert í burtu. Persónulega fannst mér þetta ljótt í fyrstu, en þegar ég áttaði mig á öryggisþættinum breyttist hugur minn til þessarar hönnunar. Einnig var ég ekki hrifinn af staðsetningu hliðarspeglanna og hélt að þeir væru allt of aftarlega, en þegar ég bakkaði eftir þeim sá ég kostina við staðsetninguna.

Spólvörnin virkaði fínt í hálkunni, en sumardekk bremsa ekkert

Þegar ég skilaði bílnum í hálkunni á mánudagsmorgninum fann ég vel virkni spólvarnarinnar, en þrátt fyrir að bíllinn væri á nýjum sumardekkjum rauk hann af stað. Þegar kom að því að bremsa gerðist ekki neitt (hef lent í þessu áður á bíl sem ég var að prófa og vil benda á að fyrst og fremst þarf að vera hægt að stoppa þegar þess er þörf, en að komast áfram ætti að vera númer tvö), sumardekkin gripu ekki neitt þrátt fyrir ABS bremsukerfið þegar ég bremsaði í hálkunni, en daginn áður í rigningunni voru bremsurnar frábærar. Greinilegt að það er ekki nóg að komast áfram í hálku það verður að vera hægt að stoppa og því er algjör nauðsyn að vera á góðum vetrardekkjum.

Helstu mál og upplýsingar:

Verð: 3.990.000
Vél: 1,4 l bensín - 140 hestöfl
Hæð: 1.615 mm
Breidd: 1.912 mm
Lengd: 4.300 mm

5 myndir:

Heitt vatn finnst á Ströndum
Fréttir 1. desember 2023

Heitt vatn finnst á Ströndum

Heitt vatn fannst nýlega við borun á Drangsnesi á Ströndum.

Tímamót í baráttunni gegn riðuveiki
Fréttir 1. desember 2023

Tímamót í baráttunni gegn riðuveiki

Tímamót eru í baráttunni gegn riðuveiki í sauðfé með nýrri nálgun stjórnvalda þa...

Birgðir kindakjöts aldrei minni
Fréttir 1. desember 2023

Birgðir kindakjöts aldrei minni

Birgðir kindakjöts í lok ágústmánaðar hafa aldrei verið minni en á þessu ári.

Samningaviðræðum við Miðfjarðarbændur ekki lokið
Fréttir 30. nóvember 2023

Samningaviðræðum við Miðfjarðarbændur ekki lokið

Í umræðum á Alþingi á mánudaginn um riðuveiki í sauðfé og bætur vegna niðurskurð...

Sala sýklalyfja dregst saman
Fréttir 30. nóvember 2023

Sala sýklalyfja dregst saman

Sala sýklalyfja fyrir búfé og eldisfiska í Evrópu dróst saman um 12,7% milli ára...

Stefnir í að tap verði 525 krónur á kílóið
Fréttir 30. nóvember 2023

Stefnir í að tap verði 525 krónur á kílóið

Í nýlegri skýrslu Ráðgjafar­miðstöðvar land­búnaðarins um rekstrarafkomu nautakj...

Kortlagning ræktunarlands
Fréttir 30. nóvember 2023

Kortlagning ræktunarlands

Gert er ráð fyrir að þings­ályktunar­tillaga um nýja lands­skipulagsstefnu til 1...

Fagstaðlaráð í umhverfis- og loftslagsmálum
Fréttir 27. nóvember 2023

Fagstaðlaráð í umhverfis- og loftslagsmálum

Nýtt fagstaðlaráð hefur verið stofnað undir hatti Staðlaráðs Íslands. Það verður...