Vinsamlegast athugið að þetta efni er eldra en 6 ára.
Mælistöð á Kolbeinsdal í Skagafirði í lok ágúst 2015. Ástand beitilands í dalnum var þá metið gott. Það er Bjarni Maronsson, héraðsfulltrúi Landgræðslu ríkisins sem hér er við úttekt.
Mælistöð á Kolbeinsdal í Skagafirði í lok ágúst 2015. Ástand beitilands í dalnum var þá metið gott. Það er Bjarni Maronsson, héraðsfulltrúi Landgræðslu ríkisins sem hér er við úttekt.
Mynd / Borgþór Magnússon
Fræðsluhornið 6. maí 2016

Gróska lands hefur aukist og ástand batnað undanfarna tvo áratugi

Höfundur: Bjarni Maronsson
Haustið 2015 fór fram þriðja úttekt á mælistöðvum sem settar voru niður í hrossa- og sauðfjárhögum á láglendi og afréttum/almenningum á Norðurlandi og láglendi á Suðurlandi 1997–1998, en þær voru teknar út í annað sinn árið 2005. 
 
Verkefnið er, svo vitað sé, hið eina þar sem kerfisbundið er fylgst með gróðri og ástandi beitilands hér á landi til langs tíma með föstum mælistöðvum.
 
Gróska hefur aukist
 
Niðurstöður úttektar 2015 sýna að yfir það heila tekið er ástand lands mun betra en það var þegar stöðvarnar voru settar niður fyrir tæpum 20 árum. Gróska lands hefur aukist, dregið úr rofi og beitarálagi bæði á láglendi og til heiða. Þessar breytingar komu þegar í ljós árið 2005, og úttekin 2015 staðfestir það einnig. Hins vegar sýnir hún að breytingar á gróðri og ástandi lands eru minni nú en á fyrra tímabili.
Líkleg skýring á þessu er veruleg loftslagshlýnun á landinu frá því um 1995 til 2005, en hægt hefur á henni síðustu ár. Fremur litlar breytingar hafa hins vegar orðið á fjölda hrossa og sauðfjár í landinu undanfarin 20 ár. 
 
Við úttektina 2015 kom í ljós að á um helmingi stöðva var ástand lands óbreytt frá árinu 2005, á þriðjungi þeirra var það betra og á tæpum fimmtungi hafði ástand versnað. Af 97 stöðvum sem teknar voru út 2015 var ástand lands metið viðunandi (ágætt, gott, sæmilegt) á 81 stöð, en óviðunandi (slæmt, mjög slæmt, óbeitarhæft) á 16 stöðvum, samkvæmt beitarskala fyrir hrossahaga. 
 
Þegar litið er til landshluta kom fram að í Eyjafirði og Skagafirði höfðu að meðaltali orðið minnstar breytingar á ástandi og grósku lands frá 2005 til 2015 og þar voru flest dæmi um að ástand hefði versnað milli úttekta. Í Húnavatnssýslum og á Suðurlandi komu hins vegar í ljós meiri breytingar milli úttekta og flestar í jákvæða átt. Vísbendingar um þetta má sjá í meðfylgjandi töflu er sýnir niðurstöður mælinga á grashæð (blaðhæð grasa og stara) eftir árum og landshlutum.
 
Skýrslur um einstakar stöðvar voru sendar landeigendum nú um miðjan apríl frá Landgræðslu ríkisins. Þessi þriðji áfangi verkefnisins var unninn í samstarfi Landgræðslunnar, Landbúnaðarháskóla Íslands og Náttúrufræðistofnunar Íslands af þeim Borgþór Magnússyni, Járngerði Grétarsdóttur, Sigþrúði Jónsdóttur og Bjarna Maronssyni. 
 
Nánar má fræðast um niðurstöður úttektarinnar 2015 í erindi þeirra Borgþórs og Járngerðar á Hrafnaþingi frá 30. mars, sem er aðgengilegt á vef Náttúrufræðistofnunar Íslands:
https://www.youtube.com/user/natturufraedistofnun. 

5 myndir:

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...