Vinsamlegast athugið að þetta efni er eldra en 5 ára.
Fyllt súkkulaðiegg og svínakjöt í páskaöli
Mynd / BGK
Matarkrókurinn 23. mars 2016

Fyllt súkkulaðiegg og svínakjöt í páskaöli

Höfundur: Bjarni Gunnar Kristinsson
Nú fer páskahátíðin í hönd með tilheyrandi veisluhöldum og páskaeggjaáti. Fyrir þá sem vilja prófa eitthvað nýtt er skemmtileg nýbreytni að búa til fyllt páskaegg. Hér er aðferð við að búa til þunn páskaegg með því að nota litlar vatnsblöðrur. Það má líka kaupa lítil tilbúin egg og setja fyllingu í þau. Fullkominn páskaeftirréttur. 
Páskabjórinn er nú fáanlegur í Vínbúðunum og tilvalið að nota hann við matargerðina. Hér er stungið upp á ljúffengum svínakjötsrétti þar sem bjórinn kemur við sögu. 
 
Purusnakkið sést víða á veitingastöðum þessi dægrin. Það er fátt betra en að gæða sér á stökku purusnakki með restinni af páskabjórnum.
 
Svínakjöt með páskaöli, steiktri steinseljurót og grænum jurtum
6 feitar svínakjötssneiðar
1 ½ tsk. fínt salt
1 tsk. kóríander-fræ
1 tsk. fennel-fræ
2 laukar
1–2 páskabjórar
4 dl dökkt soð (vatn og kraftur eða fernur sem er farið að selja í mat- vörubúðum). Í soðið er ágætt að fá meiri ferskleika með salvíu, kapers og sítrónu. 
2 lárviðarlauf
smjör og hlutlaus olía
sjávarsalt
ferskur malaður pipar
smá hunang
 
Steikt steinseljurót
400 g steinseljurót eða nípa
1 skalottlaukur
50 g af smjöri
safi af einni sítrónu
 
Grænt skraut
1 sítróna
1 skalottlaukur
1 msk. kapers
¼ búnt steinselja
8–10 stilkar af salvíu
 
Aðferð:
 
Daginn áður er gott að krydda kjötið og salta. Hyljið með plastfilmu og setjið í ísskáp yfir nótt.
Ristið kóríanderfræ og fennelfræ á þurri pönnu þar til þau fara aðeins að brúnast. Afhýðið lauk og saxið gróflega. Léttsteikið kjötið í smjöri og olíu í ofnföstum potti. Færið til hliðar meðan laukur er steiktur í sama pottinum í sömu fitu. Bætið kjötinu aftur á pönnu með lárviðarlaufi og brúnuðum fræjum. Bætið við bjór og kjötsoði og hyljið kjötið. Látið malla í ½–1 klst. þar til kjötið eru að fullu eldað – annaðhvort á eldavélinni eða í ofni við 140–150 gráður. Takið kjötið úr pottinum og sigtið soðið í hreinan pott. Sjóðið það niður í 4 dl sterka sósu. Kryddið með salti, pipar og sítrónusafa og smá hunangi.
 
Steikt steinseljurót
Hitið ofninn í 200°C. Afhýðið steinseljuræturnar og skerið í um 1 cm breiðar lengjur eftir endilöngu. Bræðið smjörið í litlum potti og léttsteikið. Bætið við safa úr sítrónu og fínt hökkuðum lauk. Kryddið með salti og pipar. Setjið í eldfast form með smjörpappír og bakið í heitum ofni í um 20–25 mínútur eða þar til ræturnar eru gullinbrúnar og fallegar.
 
Grænt skraut
Saxið fínt saman sítrónubörk, kapers, salvíu og steinselju. Blandið öllu saman.
Setjið upp á fat með kartöflum, sósu og stráið vel yfir af græna skrautinu. 
 
Purusnakk úr svínakjöti
Ekki henda purunni af svínakjötinu – það er hægt að gera úrvalssnakk á auðveldan hátt.
Byrjið á að taka stykki af ferskri svínpuru. Gangið úr skugga um að lag af fitu sé 1–1½ cm á þykkt.
Skerið í strimla, setjið í pott og sjóðið þá í um 20 mínútur. 
 
Eftir suðu eru strimlarnir settir á smjörpappír og þeir þurrkaðir með pappír. Kryddið með grófu salti.
Bakið í ofni við 220° C í 20–25 mínútur. Snúið purustrimlunum nokkrum sinnum og hellið af umframfitu.
Þegar purusnakkið er stökkt, fjarlægið úr ofninum og setjið á  pappír. Kryddið eftir smekk – prufið ykkur áfram.
 
Fyllt súkkulaðiegg
  • 6–8 stk. lítil súkkulaðiegg 
  • 150 g (um 5 ml) rjómaostur, 
  • t.d. mascarpone eða rjómaostur
  • 30 g (um 1/4 bolli) flórsykur
  • ½ tsk. sítrónusafi
  • ½ tsk. vanilludropar
  • 125 ml (um 1/2 bolli) þeyttur rjómi
 
„Eggjarauðu“ skrautfylling
  • 1 stk. ástríðuávöxtur eða frosið mangó
  • 1 msk. apríkósusulta
  • 1 msk. (um 15 grömm) ósaltað smjör 
  • 1 matarlímsblað (sett í kalt vatn og leyst upp)
 
Blásið lofti í blöðrurnar og dýfið þeim í brætt súkkulaði sem búið er að kæla í 30°C. Hentugast er að bræða 2/3 yfir vatnsbaði og svo hræra 1/3 af óbræddu súkkulaði á eftir til að kæla súkkulaðið niður. Látið kólna og sprengið síðan blöðruna (neðan frá með nál). Þá er eftir egglaga súkkulaðikarfa sem auðvelt er að fylla með ostakökublöndu. 
 
Notið heitan hníf og vandlega fjarlægið efsta hlutann af súkkulaðiegginu. Setjið eggin í ísskápinn til að halda þeim köldum á meðan ostakökufyllingin er undirbúin. 
 
Setjið rjómaost, flórsykur, sítrónusafa og vanillu í stóra skál og þeytið í um 3–4 mínútur þar til blandan er slétt og mjúk. Sameinið þeyttan rjóma og rjómaost í ostakökublönduna þar til hún er slétt. Fyllið eggin með skeið eða sprautupoka. Kælið eggin í að minnsta kosti 30 mínútur til að leyfa þeim að stífna.
 
Setjið síðan gult ávaxtasultuhlaup í miðjuna svo eggjaáferðin sé fullkomin (búið að leysa upp í potti með matarlími og smjöri og kæla að stofuhita).

9 myndir:

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...

Lindarbrekka í Berufirði komin með sláturleyfi  en ætlar ekki að nýta það í ár
Fréttir 24. nóvember 2021

Lindarbrekka í Berufirði komin með sláturleyfi en ætlar ekki að nýta það í ár

Á tveimur sauðfjárbúum hefur nú í haust verið slátrað samkvæmt nýlegri reglugerð...