Vinsamlegast athugið að þetta efni er eldra en 6 ára.
Anke Domaske er líffræðingur, frumkvöðull og stofnandi þýska fyrirtækisins Qmilk, sem framleiðir fatnað, snyrtivörur og tannverndarbein fyrir hunda úr mjólk.
Anke Domaske er líffræðingur, frumkvöðull og stofnandi þýska fyrirtækisins Qmilk, sem framleiðir fatnað, snyrtivörur og tannverndarbein fyrir hunda úr mjólk.
Fréttir 29. september 2017

Framleiðir fatnað, snyrti­vörur og hundabein úr mjólk

Höfundur: Erla Hjördís Gunnarsdóttir
Hin þýska Anke Domaske, líffræðingur, frumkvöðull og eigandi Qmilk, byrjaði tilraunir sínar með blandara í eldhúsinu heima hjá sér við að búa til mjólkurprótein sem nýta má til ýmiss konar framleiðslu.
 
Próteinin eru 100 prósent náttúruleg og framleidd á sjálfbæran hátt en eftir ýmsar tilraunir og þróun á um þrjú þúsund uppskriftum fékk Anke rétta hráefnið til að vinna með. 
 
Anke hefur fengið einkaleyfi á spunaaðferðinni sem hún notar til að gera þráð úr mjólkurpróteinum. Þráðinn notar hún síðan til að vinna fyrir sig textílefni sem saumaður er úr ýmiss konar fatnaður, með öðrum orðum, framleiðir fyrirtækið fatnað úr mjólk. Við framleiðsluna er sjálfbærni höfð að leiðarljósi með lítilli vatns- og orkunotkun og þar sem ekkert af hráefninu fer til spillis. Hægt er að nota mengaða mjólk eða útrunna við framleiðsluna. Qmilk-trefjarnar sem fyrirtækið framleiðir einnig eru 100 prósent endurvinnanlegir og leysast upp á nokkrum vikum í matarsöfnunarkassa. Mjólkin og trefjarnar sem unnar eru úr henni er ekki hægt að drekka og er venjulega hent. 
 
„Þetta byggist upp á fjölliðamjólkurpróteininu kasín. Um tveimur milljónum tonna af þessari mjólk er hent árlega í Þýskalandi og því finnst mér það mikilvægt og hef að leiðarljósi við framleiðsluna hjá okkur að nýta það sem annars væri hent. Þess vegna hef ég frá upphafi hugsað út í það hvað við gætum framleitt úr mjólkinni,“ segir Anke sem hefur nú 20 starfsmenn við framleiðslu á fatnaði, snyrtivörum og tannverndar-hundabeinum sem framleidd eru úr mjólk. 
 
Það er greinilega hægt að framleiða hágæða-tískufatnað úr mjólk enda mjólkin til ýmissa hluta nytsamleg. 
 
Mikilvægt að hafa kunnáttuna
 
Fyrirtæki Anke var stofnað árið 2011 og hefur nú framleiðslugetu upp á um þúsund tonn á ári. Qmilk-trefjarnar hafa silkiáferð og auðvelt er að lita þær. Það er hægt að nýta þær í margt, þær eru bakteríudrepandi og eldvarnandi.
 
„Við byrjuðum á að fara inn í tæknigeirann með vöruna þar sem hún er nýtt en síðan fórum við út í framleiðslu á fatnaði og heimilisvörum úr textíl. Qmilk-trefjarnar eru mjög þægilegar í framleiðslu og meðhöndlun vegna hins náttúrulega próteins í þeim. Kasín svipar til ullar í uppbyggingu en þó eru engin súlföt eins og í ullarkeratíni. Ef maður blandar trefjunum saman við ull þá er maður kominn með hið fullkomna einangrunarkerfi vegna sellulósa trefjanna,“ segir Anke og bætir við:
„Það er mikilvægt að hafa kunnáttu á hefðbundnum efnafræðilegum eiginleikum og möguleikum á að vinna með þá til að skilja viðbrögð og hegðun trefjanna. Þannig er byrjað á að breyta próteinunum í trefjar eftir að þau eru leyst upp með því að eyðileggja náttúrulega uppbyggingu þeirra.“
 
Vöruþróun með mjólkurprótein
 
Stöðug vöruþróun er hjá fyrirtækinu sem selur nú ýmsan fatnað úr mjólk, snyrtivörur og tannverndarbein fyrir hunda. Nýjustu vörur frá fyrirtækinu eru blautþurrkur og tannverndarbein fyrir hunda en beinið er nú selt í 37 löndum. 
 
„Ég var búin að hugsa þetta lengi því það er í raun ekki til almennileg og skilvirk leið til að hreinsa tennur á hundum. Um 80 prósent af hundum sem eru eldri en 3 ára eiga við tannvandamál að stríða og þetta hefur áhrif á líkama þeirra vegna þess að bakterían fer í blóðrásina og veldur bólgum. Í öllu rannsóknarferlinu mínu komst ég að því að ostur dregur úr karíusbakteríunni um 80 prósent. Þess vegna varð til varan „tyggjandi osturinn“, (Chewing cheese) með Qmilk-trefjum í þar sem hundurinn verður að tyggja beinið í svolitla stund og munnvatnið sér til þess að efni úr beininu fari á tennurnar. Beinið hefur öll helstu vítamín sem hundurinn þarf, það er lyktarlaust og ekki er hægt að brjóta það,“ útskýrir Anke, sem lýsir ánægju sinni með að geta starfað að markmiði sínu með nýsköpun, gæðum og að bæta við auka virði fyrir viðskiptavininn með því að framleiða vörurnar á sjálfbæran hátt. 
Nokkrir bændur meðal styrkhafa
Fréttir 14. júní 2024

Nokkrir bændur meðal styrkhafa

Matvælaráðherra úthlutaði tæpum 500 milljónum króna úr Matvælasjóði þann 5. júní...

Ekkert hægt að gera
Fréttir 14. júní 2024

Ekkert hægt að gera

Æðarbændur fóru ekki varhluta af kulda og úrkomu á Norður- og Austurlandi í byrj...

Hretið seinkar vorverkum
Fréttir 13. júní 2024

Hretið seinkar vorverkum

Óveðrið sem gekk yfir Norður- og Norðausturland á dögunum hafði aðallega þau áhr...

ESA spyr um óvissuatriði breytinga á búvörulögum
Fréttir 13. júní 2024

ESA spyr um óvissuatriði breytinga á búvörulögum

Í byrjun maí sendi ESA, Eftirlitsstofnun EFTA, erindi til matvælaráðuneytisins þ...

Viðbragðshópur vegna kuldatíðar
Fréttir 13. júní 2024

Viðbragðshópur vegna kuldatíðar

Matvælaráðherra hefur sett á laggirnar viðbragðshóp vegna þeirra erfiðleika sem ...

Bein og langvinn áhrif á búgreinar
Fréttir 13. júní 2024

Bein og langvinn áhrif á búgreinar

Matvælaráðherra stofnaði þann 7. júní sérstakan viðbragðshóp vegna ótíðarinnar á...

Sjálfbærninám á háskólastigi
Fréttir 12. júní 2024

Sjálfbærninám á háskólastigi

Fulltrúar Háskóla Íslands (HÍ) og Hallormsstaðaskóla hafa staðfest samstarfssamn...

Ætla að virkja sólargeisla og senda til jarðarinnar
Fréttir 11. júní 2024

Ætla að virkja sólargeisla og senda til jarðarinnar

Íslenska loftslagsfyrirtækið Transition Labs er komið í samstarf við breska fyri...