Vinsamlegast athugið að þetta efni er eldra en 6 ára.
Frábær árangur í forvörnum á Írlandi á síðasta ári
Fréttir 11. febrúar 2019

Frábær árangur í forvörnum á Írlandi á síðasta ári

Höfundur: Hjörtur L. Jónsson
Þann 22. febrúar á síðasta ári vitnaði ég í þessum pistli til nýjungar sem Írar eru að gera í forvörnum til að fækka slysum almennt í landinu og lögð var sérsök áhersla á forvarnir til að fækka slysum tengdum landbúnaðarstörfum. Þann 8. janúar komu bráðabirgðatölur um árangurinn sem er ótrúlega góður og leyfi ég mér að vitna hér að neðan til viðtals við forstjóra HSA (Helth and Safety Authoryty) og fréttatilkynningu frá HSA. 
 
Að meðaltali frá 2005 hafa orðið að jafnaði 45–50 banaslys árlega á Írlandi og þar af nálægt 20–25 sem höfðu látist í vinnu tengdum landbúnaðarstörfum.
 
23% fækkun slysa frá meðaltalsárunum
 
Þann 8. janúar var búið að fara lauslega yfir tölur ársins 2018 og tölurnar hreint frábærar þó svo að aldrei sé ásættanlegt að einhver látist í slysum, sagði  dr. Sharon McGuinness, forstjóri heilbrigðis- og öryggismálaráðuneytisins. 
 
„Ég er mjög ánægður með fækkun á vinnutengdum dauðsföllum  2018. Dánartíðnin 1,6 á hverja 100.000 starfsmenn er sérstaklega góður árangur þar sem það var 6,4 á 100.000 starfsmenn snemma á tíunda áratugnum. Alls létust 37 manns á Írlandi í vinnuslysum 2018 sem er lækkun um 23%.Landbúnaðarstörfin hafa verið hættulegasta starfsgrein Írlands í mörg ár, en í fyrra létust 15 við landbúnaðarstörf, en 25 árið 2017. Þetta er lækkun upp á 40% og aldrei frá stofnun HSA verið svona fá slys við landbúnaðarstörf,“ sagði  Sharon McGuinness forstjóri.
 
Árangurinn má þakka miklu átaki í forvörnum
 
„Á síðasta ári var gert mikið átak í  forvörnum, aðgengi var gert betra að fræðsluefni, settir voru upp skyndihjálparskólar og námskeið og ný úttekt gerð á áhættuþáttum við landbúnaðarstörf. 
 
Allt þetta og almennur samhugur og vitund stuðlaði að svona góðu ári hjá Írum. Margir einstaklingar og stofnanir unnu sameiginlega að þessu mikla átaki og má þakka samstilltum hóp og jákvæðni í garð átaksins árangurinn,“ sagði Sharon McGuinness.
 
Hefur Brexit áhrif á framhaldið?
 
„Þó að búskapur hafi náð miklum árangri  2018, eru 15 banaslys,  jafngild 41% af heildar dauðsföllum, það er of mikið fyrir atvinnugrein eins og landbúnað sem er aðeins um 6% af heildarvinnuafli Írlands.
 
Næsthæsti geirinn er byggingar­vinna með 5 dauðsföll árið 2018 (14% af heildarhlutanum) þannig að báðar atvinnugreinarnar verða lykilatriði fyrir okkur árið 2019 í forvörnum. Ég hvet alla hagsmunaaðila, einkum bændur og þá sem starfa við byggingar, að einbeita sér að því að tryggja  áframhald af þessari mjög jákvæðu þróun árið 2019.“ – Dr. McGuinness bætti við:
 
„Hagkerfið er blómlegt með þúsundum nýrra starfsmanna sem taka þátt í vinnuafli í hverjum mánuði. Það eru áskoranir fram undan, svo sem Brexit og einnig sú staðreynd að margir atvinnurekendur standa frammi fyrir færni og skorti á ákveðnum sviðum. Í þessu sambandi er mikilvægt að heilsa og öryggi starfsmanna sé áfram í forgangsröðinni. Öruggir og heilbrigðir starfsmenn eru burðarás allra árangursríkra fyrirtækja.“
 
Verður fróðlegt að fylgjast með 
 
Svo virðist sem Írar hafi náð árangri sem vert væri að skoða betur til að læra af þeim. Hins vegar er alveg möguleiki á að Írar hafi dottið á „heppnisár“ í slysatíðni. 
 
Allavega vildi ég benda á þennan frábæra árangur Íra á síðasta ári í von um að ná svipuðum árangri hér á landi í forvarnarvinnu.
Hækkun á afurðaverði til kúabænda og heildsöluverði mjólkur
Fréttir 15. maí 2025

Hækkun á afurðaverði til kúabænda og heildsöluverði mjólkur

Hækkun varð nýlega á afurðaverði til kúabænda og heildsöluverði mjólkur og mjólk...

Betri heimur með bættum landbúnaði
Fréttir 15. maí 2025

Betri heimur með bættum landbúnaði

Mannfjöldi í heiminum fer ört vaxandi með tilheyrandi aðsteðjandi vandamálum um ...

Nytjaskógarjarðir betur verðmetnar
Fréttir 15. maí 2025

Nytjaskógarjarðir betur verðmetnar

Borgþór Jónsson, skógarbóndi á Hvammi í Fljótsdal, fékk nýlega mun hærra verð fy...

Stærsta sólarorkuver landsins á kúabúinu Garði
Fréttir 15. maí 2025

Stærsta sólarorkuver landsins á kúabúinu Garði

Þrjú íslensk landeldisfyrirtæki hafa hafið framleiðslu, Samherji fiskeldi, First...

Einstakt ræktunarkerfi fyrir sælkerasveppi
Fréttir 15. maí 2025

Einstakt ræktunarkerfi fyrir sælkerasveppi

Nýsköpunarfyrirtækið Svepparíkið hefur þróað einstakt ræktunarkerfi á heimsvísu ...

Efling byggða á Ströndum
Fréttir 13. maí 2025

Efling byggða á Ströndum

Tillögur til eflingar byggða á Ströndum hafa nýlega verið birtar. Þær byggja á s...

Nýr íshellir til athugunar
Fréttir 12. maí 2025

Nýr íshellir til athugunar

Sveitarstjórn Bláskógabyggðar hefur lagt fram tillögu nýs deiliskipulags sem tek...

Ný lög um Jöfnunarsjóð sveitarfélaga
Fréttir 9. maí 2025

Ný lög um Jöfnunarsjóð sveitarfélaga

Frumvarp hefur verið lagt fram á Alþingi um ný heildarlög um Jöfnunarsjóð sveita...