Vinsamlegast athugið að þetta efni er eldra en 5 ára.
Lóan er í uppáhaldi hjá mörgum.
Lóan er í uppáhaldi hjá mörgum.
Mynd / Ragnar Þorsteinsson
Líf og starf 11. september 2019

Forréttindi að fylgjast með fjölbreytileika náttúrunnar

Höfundur: Margrét Þóra Þórsdóttir
„Hér er maður á kafi í náttúrunni alla daga, býr í henni og hún er mitt líf og yndi. Það eru mikil forréttindi að hafa náttúruna í öllum sínum fjölbreytileika fyrir augunum á hverjum degi,“ segir Ragnar Þorsteinsson, bóndi í Sýrnesi í Aðaldal. 
 
Hann hefur myndavél sína ávallt innan seilingar, hvaða verk sem hann svo sem er að starfa að hverju sinni.
 
Ragnar segir að hann taki mikið af myndum af því sem fyrir augu ber, fylgist grannt með því sem er í gangi í umhverfinu og taki myndir. Hann er þekktur fyrir dagatöl sín með lambamyndum sem mörgum þykir ómissandi að útvega sér um hver áramót, en einnig er hann vel liðtækur í að mynda annað ungviði, eins og fugla.
 
Fuglavarp gekk vel á liðnu sumri og ungar komust vel á legg, athygli vakti að ófleygir hrossagauksungar voru á ferðinni allt fram í byrjun ágúst.
 
Fuglavarp gekk vel í sumar
 
Ragnar segir fuglavarp hafa gengið vel í sumar og mikið verið af ungum. Það hafi verið áberandi hversu mikið var af hrossagauk á liðnu sumri og ófleygir ungar sáust á ferli allt fram í byrjun ágúst. 
 
Spói nokkur gerði sér hreiður í flagi á jörðinni hjá Ragnari og vildi svo vel til að það fannst rétt áður en plógurinn lenti á því. Í hreiðrinu voru tvö egg, ungi komst lífs af úr öðru þeirra en vargur skemmdi annað. 
 
Alltaf eitthvað nýtt að sjá
 
„Það þarf oft ekki langt að fara til að sjá undur náttúrunnar, hún er svo að segja við hvert fótmál,“ segir Ragnar, sem er iðinn við myndatökur. „Ég held eins konar dagbók með myndunum mínum, það getur verið gott að fletta þeim upp síðar og þá sér maður t.d. hvernig veðurfar hefur verið á ákveðnum tímum og annað slíkt. Fjölbreytileikinn er mikill og það er alltaf eitthvað nýtt sem fyrir augu ber og kemur á óvart,“ segir Ragnar. 
 
Mikið er af bæði kræki- og bláberjum í Aðaldal, svo mikið raunar að Ragnar segir elstu konur vart muna eftir öðru eins. Berin er að sögn stór og falleg, en verða enn betri fái þau tvo til þrjá sólardaga til viðbótar.
Hátt hlutfall óholls matar
Fréttir 20. maí 2025

Hátt hlutfall óholls matar

Næstum helmingur orkunnar í fæðu fullorðinna Íslendinga á aldrinum 18–80 ára kem...

Nýr forstöðumaður byggingarsviðs
Fréttir 19. maí 2025

Nýr forstöðumaður byggingarsviðs

Límtré-Vírnet ehf. hefur ráðið Gísla Símonarson sem forstöðumann byggingarsviðs....

Eftirlitsnefnd vegna Hvammsvirkjunar
Fréttir 19. maí 2025

Eftirlitsnefnd vegna Hvammsvirkjunar

Sveitarstjórnir Skeiða- og Gnúpverjahrepps og Rangárþings ytra hafa ákveðið að s...

Sólarselluvaraafl á Grund í Eyjafirði
Fréttir 19. maí 2025

Sólarselluvaraafl á Grund í Eyjafirði

Nýlega var sett upp sólarorkukerfi á kúabúinu Grund I og II í Eyjafirði, sem mun...

Hávaði á hestasýningum á við loftpressuhljóð
Fréttir 19. maí 2025

Hávaði á hestasýningum á við loftpressuhljóð

Vaxandi hávaða gætir á reiðhallasýningum og hestamótum og hafa dýraverndunarsamt...

Upplýsingaóreiða í matvælaheiminum
Fréttir 16. maí 2025

Upplýsingaóreiða í matvælaheiminum

Algjör ringulreið ríkir í umhverfismerkingum matvæla og upplýsingaóreiða tengd m...

Sólarorka knýr hreinorkuvöxt heimsins
Fréttir 16. maí 2025

Sólarorka knýr hreinorkuvöxt heimsins

Framleiðsla hreinnar endurnýjanlegrar orku hefur aukist verulega samkvæmt nýrri ...

Hækkun á afurðaverði til kúabænda og heildsöluverði mjólkur
Fréttir 15. maí 2025

Hækkun á afurðaverði til kúabænda og heildsöluverði mjólkur

Hækkun varð nýlega á afurðaverði til kúabænda og heildsöluverði mjólkur og mjólk...