Vinsamlegast athugið að þetta efni er eldra en 7 ára.
Færeysk stjörnupeysa
Hannyrðahornið 11. nóvember 2015

Færeysk stjörnupeysa

Höfundur: Guðrún María
Þetta peysumunstur hefur verið mjög vinsælt í Færeyjum undanfarin ár. Ég prjónaði þessa opnu peysu á Maíu, ömmugullið mitt, rétt eftir að hún fæddist. Létt og hlý peysa úr Navia Duo sem nú fæst hjá okkur í Handverkskúnst. 
 
 
 
 
Stærð:  6 (12) 18 mánaða
Garn: Navia Duo
- Litur 1: 2 (2) 3 dokkur
- Litur 2: 1 dokka í allar stærðir
 
Prjónar:
- Hringprjónn 60 sm, nr 3 og 4
- Sokkaprjónar nr 3
 
Prjónfesta: 23 lykkjur slétt prjón á prjóna nr 4 = 10 sm
7 tölur
 
Aðferð:
Peysan er prjónuð fram og til baka á hringprjón. Bolur, síðan ermar sem sameinaðar eru bol og berustykki prjónað með laskaúrtöku. Boðungar á peysu eru prjónaðir síðan og saumaðir við framstykkin. 
 
Bolur:
Fitjið upp 127 (135) 145 lykkjur á hringprjón nr 3 með lit 1. Prjónið stroff; 1 slétt, 1 brugðin, 8 umferðir. Setjið nú fyrstu 8 lykkjurnar og síðustu 8 á þráð/nælu = 111 (119) 129 lykkjur. Skiptið yfir á prjón nr 4 og prjónið slétt prjón og munstur þannig:
 
6 mánaða: prjónið: 8 umferðir með lit 1, munstur, 10 umferðir með lit 1, 9 umferðir munstur. Prjónið nú 21 lykkju í munstri, setjið 11 lykkjur á þráð/nælu, 47 lykkjur munstur, setjið 11 lykkjur á þráð/nælu, prjónið 21 lykkju í munstri. Geymið stykkið og prjónið ermar.
12 mánaða: prjónið: 8 umferðir með lit 1 (fækkið um 1 lykkju í fyrstu umferð = 118 lykkjur), munstur, 10 umferðir með lit 1, munstur, 3 umferðir með lit 1. Prjónið nú 23 lykkjur slétt, setjið 12 lykkjur á þráð/nælu, 48 lykkjur slétt, setjið 12 lykkjur á þráð/nælu, prjónið 23 lykkjur slétt. Geymið stykkið og prjónið ermar. 
 
18 mánaða: prjónið: 8 umferðir með lit 1, munstur, 10 umferðir með lit 1, munstur, 9 umferðir með lit 1. Prjónið nú 25 lykkjur slétt, setjið 11 lykkjur á þráð/nælu, 57 lykkjur slétt, setjið 11 lykkjur á þráð/nælu, prjónið 25 lykkjur slétt. Geymið stykkið og prjónið ermar. 
 
Ermar:
Fitjið upp 28 (30) 32 lykkjur á sokkaprjóna nr 3 með lit 1. Tengið í hring og prjónið stroff; 1 slétt, 1 brugðin, 8 umferðir. Skiptið yfir á prjóna nr 4 og aukið út í fyrstu umferð um 8 (12) 10 lykkjur jafnt yfir umferðina = 36 (42) 42 lykkjur. Prjónið munstur eins og á bol. ATH: fyrsta lykkja í umferð er ekki prjónuð með í munstri. Aukið er út sitt hvoru megin við hana og nýju lykkjurnar ganga inn í munstrið. Aukið út um 2 lykkjur í 5. hverri umferð 7 (7) 9 sinnum = 50 (56) 60 lykkjur. Prjónið áfram eins og á bol og endið á sama stað, setjið 11 (12) 11 lykkjur á þráð/nælu undir miðri ermi.
 
Berustykki:
Sameinið bol og ermar á hringprjón = 167 (182) 205 lykkjur, setjið prjónamerki við samskeyti bols og erma = 4 prjónamerki.  Prjónið áfram þar sem frá var horfið þ.e. munstur eða einlitt eftir því hvar var hætt í hverri stærð. Prjónið 4 umferðir og byrjið nú á laskaúrtöku sitt hvoru megin við hvert prjónamerki þannig: *prjónið þar til 2 lykkjur eru að prjónamerki, prjónið 2 lykkjur snúið slétt saman. Færið prjónamerki, prjónið 2 lykkjur slétt saman* Endurtakið frá *-* við öll samskeyti. Takið þannig úr í annarri hverri umferð 12 (14) 16 sinnum = 66 (70) 77 lykkjur.
 
Hálsmál:
Skiptið yfir á prjóna nr 3 og prjónið stroff; 1 slétt, 1 brugðin, 8 umferðir. Fellið laust af.
 
Listar að framan:
Setjið 7 hnappagöt á hægri lista fyrir stelpur en á vinstri lista fyrir stráka.
Hnappagat: Prjónið frá réttu 4 lykkjur stroff, 2 lykkjur slétt saman, sláið bandið um prjóinn, 3 lykkjur stroff.
 
Prjónið listann með lit 1 en bætið við einni lykkju í lok fyrstu umferðar = 9 lykkjur; 1 slétt, 1 brugðin, fram og til baka þar til hann er um það bil 1,5 sm styttri en framstykkið (hafið hann aðeins strekktann). Munið eftir að gera hnappagöt.
 
Fellið af allar lykkjur.Saumið listann við framstykkið. Festið tölur í peysuna. Þvoið peysuna í höndunum eða á ullarprógrammi í þvottavél með Navia ullarsápu. Leggið til þerris.
 
Prjónakveðja, 
Guðrún María
www.garn.is
Lífræni dagurinn haldinn hátíðlegur í Kaffi Flóru
Fréttir 25. september 2023

Lífræni dagurinn haldinn hátíðlegur í Kaffi Flóru

Lífræni dagurinn var haldinn hátíðlegur víðs vegar um landið laugardaginn 16. se...

Ágúst verður forstöðumaður
Fréttir 25. september 2023

Ágúst verður forstöðumaður

Ágúst Sigurðsson hefur verið skipaður forstöðumaður Lands og skógar, nýrrar stof...

Skeljungur kaupir Búvís
Fréttir 25. september 2023

Skeljungur kaupir Búvís

Samningar hafa tekist um kaup Skeljungs á öllu hlutafé í Búvís. Bæði fyrirtækin ...

Ævintýralegt ferðalag fjallkóngsins
Fréttir 22. september 2023

Ævintýralegt ferðalag fjallkóngsins

Heimildamyndin Konungur fjallanna var frumsýnd 12. september í Bíóhúsinu á Selfo...

Sauðfjárafurðir af sjálfbæru beitilandi
Fréttir 22. september 2023

Sauðfjárafurðir af sjálfbæru beitilandi

Nú í haust verða íslenskar sauðfjárafurðir af vel grónu og sjálfbæru beitilandi ...

Fé fækkað um 3.500 á undanförnum árum
Fréttir 21. september 2023

Fé fækkað um 3.500 á undanförnum árum

Laugardaginn 2. september var réttað í Ljárskógarétt í Dölum, rétt norðan Búðard...

Landbúnaður í fjárlögum  ársins 2024
Fréttir 21. september 2023

Landbúnaður í fjárlögum ársins 2024

Í síðustu viku kynnti Bjarni Benediktsson fjármálaráðherra fjárlagafrumvarp sitt...

Garðyrkjubændur í áfalli
Fréttir 21. september 2023

Garðyrkjubændur í áfalli

Einu landbúnaðartengdu verk­efnin í fjárlögum ríkisins fyrir árið 2024 sem fá au...