Vinsamlegast athugið að þetta efni er eldra en 5 ára.
Breyttar áherslur í námi, rannsóknum og ráðgjöf
Fræðsluhornið 23. maí 2016

Breyttar áherslur í námi, rannsóknum og ráðgjöf

Höfundur: Borgar Páll Bragason Fagstjóri nytjaplöntusviðs hjá RML
Það er gömul saga og ný að gerðar eru ríkar kröfur til bænda um að þeir hagræði í sínum búrekstri. Krafan er t.d. mjög skýr í nýlegum samningum á milli bænda og ríkis og ljóst að bændur standa nú frammi fyrir miklum áskorunum en einnig tækifærum.
 
Hagræðingarkrafan og sóknarfærin ná eðlilega einnig til Ráðgjafarmiðstöðvar landbúnaðarins. Fyrirtækið þarf að þróast áfram með þeim áherslum sem bændur, eigendur fyrirtækisins, vilja og þannig verður Rml áfram þeirra besti kostur þegar leita skal ráða. Mikilvægi óháðrar ráðgjafar hefur og mun áfram sanna gildi sitt fyrir bændur.
 
Þegar hagræða þarf í búrekstri er nærtækast að skoða fyrst þá þætti sem þar eru fyrirferðarmestir. Það þarf ekki að skoða lengi tölur úr búreikningum til að sjá að tækifærin liggja að miklu leyti í því að hagræða í rekstri búvéla, áburði og sáðvöru. Það er í þeim liðum sem mynda gróffóðurkostnaðinn. Þá eru kjarnfóðurkaup yfirleitt stærsti einstaki gjaldaliður kúabúa sem í eðli sínu tengist mjög því hvernig til tekst að afla gróffóðurs. 
 
Áherslur í rannsóknum og ráðgjöf í framtíðinni munu þurfa að mæta þessari hagræðingarkröfu bænda. Í dag eru starfsmenn nytjaplöntusviðs Rml níu talsins í um það bil sex stöðugildum tengdum fóðrun, jarðrækt og garðyrkju. Fleiri starfsmenn Rml koma að ráðgjöf á þessu sviði en það er ljóst að heldur þarf að bæta í varðandi ráðgjöf er snerta þessa stóru kostnaðarliði. Því miður hefur áhersla á tilraunir og áhugi á framhaldsnámi í jarðrækt verið af skornum skammti síðustu ár og trúlega er nú svo komið að það þarf sérstakt átak til að snúa þróuninni við enda mikið af okkar færasta jarðræktarfólki hjá LbhÍ og Rml nú komið á eftirlaunaaldurinn eða á stutt eftir í hann.
 
Á allra síðustu árum hefur ýmislegt verið gert til að byggja undir möguleika okkar til að takast betur á við ráðgjöf í jarðrækt, fóðrun og garðyrkju. Verið er að byggja upp skýrsluhaldsgrunn í jarðrækt (Jörð.is), við erum aðilar að samnorrænu fóðurmatskerfi fyrir mjólkurkýr (Norfor) og í garðyrkju hefur komist á skilvirkt erlent samstarf. Þá bjóðum við upp á vinsælar ráðgjafalausnir; „Sprota“ í jarðrækt, „Stabba“ og „Stæðu“ í fóðrun mjólkurkúa og „Á grænni grein“ fyrir garðyrkjubændur. Í þessum pakkalausnum nýtum við okkur áðurnefnd kerfi til að ná sem best utan um þá þætti sem skapa þessa stóru kostnaðarliði. En betur má ef duga skal til framtíðar. 
 
Vonandi munu fleiri sækja sér framhaldsmenntun á sviði jarðræktar, fóðrunar og garðyrkju á næstu árum. Þannig munu einnig áherslur í rannsóknum og ráðgjöf eflast í takti við þær kröfur sem gerðar eru til íslenskra bænda.

Skylt efni: Ráðgjafarþjónusta

Óeining innan ESB um að framfylgja algjöru viðskiptabanni á Rússa með olíu og gas
Fréttir 20. maí 2022

Óeining innan ESB um að framfylgja algjöru viðskiptabanni á Rússa með olíu og gas

Klofningur er innan Evrópu­sam­bandsins varðandi kaup á gasi og olíu frá Rússlan...

Bankar og stórfyrirtæki óttast samdrátt efnahagslífsins
Fréttir 20. maí 2022

Bankar og stórfyrirtæki óttast samdrátt efnahagslífsins

Þýski stórbankinn Bundesbank varar Evrópusambandið við að allsherjar viðskiptaba...

Umsóknarfrestur um styrki til aðlögunar að lífrænum framleiðsluháttum framlengdur
Fréttir 20. maí 2022

Umsóknarfrestur um styrki til aðlögunar að lífrænum framleiðsluháttum framlengdur

Matvælaráðuneytið vekur athygli á að umsóknarfrestur vegna styrkja til aðlögunar...

Tæplega 80 þúsund gistinætur og  Íslendingar í miklum meirihluta
Fréttir 19. maí 2022

Tæplega 80 þúsund gistinætur og Íslendingar í miklum meirihluta

„Við trúum því að veðrið verði áfram með okkur í liði og að við eigum gott og fe...

Tillögur matvælaráðherra til fæðuöryggis Íslands
Fréttir 18. maí 2022

Tillögur matvælaráðherra til fæðuöryggis Íslands

Í gær lagði Svandís Svavarsdóttir matvælaráðherra fram tillögur fyrir ríkisstjór...

Auglýsing um tollkvóta vegna innflutnings á blómum
Fréttir 18. maí 2022

Auglýsing um tollkvóta vegna innflutnings á blómum

Umsóknar- og tilboðsferli vegna úthlutunar tollkvótans fer fram með rafrænum hæt...

Eftirspurnin eftir liþíum talin vaxa um 4.000% til 2040
Fréttir 18. maí 2022

Eftirspurnin eftir liþíum talin vaxa um 4.000% til 2040

Ört vaxandi verð á liþíum, sem notað er m.a. í bíla- og tölvu­rafhlöður, er fari...

Miðaldaminjar fundnar í Grímsey
Fréttir 17. maí 2022

Miðaldaminjar fundnar í Grímsey

Nú er unnið að undirbúningi kirkjubyggingar í Grímsey en smíði hennar mun hefjas...