Vinsamlegast athugið að þetta efni er eldra en 4 ára.
Forsvarsmenn Hins íslenska bókmenntafélags handsala leigusamning við bændur. Frá vinstri: Eiríkur Blöndal, Sindri Sigurgeirsson, Jón Sigurðsson og Sverrir Kristinsson.
Forsvarsmenn Hins íslenska bókmenntafélags handsala leigusamning við bændur. Frá vinstri: Eiríkur Blöndal, Sindri Sigurgeirsson, Jón Sigurðsson og Sverrir Kristinsson.
Mynd / TB
Fréttir 17. janúar 2017

Bókmenntafélag flytur í Bændahöllina

Höfundur: Tjörvi Bjarnason

Hið íslenska bókmenntafélag mun flytja starfsemi sína í Bændahöllina í maímánuði 2017. Í dag skrifuðu Bændahöllin ehf. og Hið íslenska bókmenntafélag undir húsaleigusamning til 15 ára. Bókmenntafélagið verður á jarðhæð í austurhluta sem snýr að Landsbókasafninu og lóð Húss íslenskra fræða. Húsnæðið er hannað af Hornsteinum arkitektum og framkvæmdir hefjast í þessari viku. Þetta kemur fram í sameiginlegri fréttatilkynningu frá Bændahöllinni ehf. og Hinu íslenska bókmenntafélagi. 

Sindri Sigurgeirsson, formaður Bændasamtakanna, sagði í stuttri tölu þegar skrifað var undir leigusamning að það væri ánægjulegt að fá Bókmenntafélagið í Bændahöllina og í nábýli við Bændasamtökin. Þau væru byggð á gömlum grunni, samtök bænda yrðu 180 ára í ár og væru því ekki á ósvipuðum aldri og Hið íslenska bókmenntafélag.

Félagið stofnað til að vernda og efla íslenska tungu

Hið íslenska bókmenntafélag var stofnað árið 1816 og hefur starfað óslitið síðan. Stofnun þess olli á sínum tíma þáttaskilum í viðhorfi manna til íslenskrar tungu og bókmennta síðari alda. Bókmenntafélagið hófst þegar á fyrsta starfsári handa um útgáfu bóka og tímarita og hefur sú starfsemi verið meginviðfangsefni þess síðan.

Jón Sigurðsson, forseti Hins íslenska bókmenntafélags, segir að þessi nýja staðsetning á starfstöð Bókmenntafélagsins sé einkar heppileg vegna nábýlis við Háskólann og ýmsar menningarstofnanir sem honum tengjast. „Þegar Bókmenntafélagið var stofnað fyrir 200 árum var íslenskan í hættu. Félagið var stofnað til þess að vernda og efla íslenska tungu.  Íslendingum hefur tekist vel að verja og efla tungu sína til þessa. Starf Bókmenntafélagsins hefur án efa skipt hér máli. Því starfi þarf að halda áfram,“ segir Jón.

Góð viðbót við aðra starfsemi í húsinu

Að sögn Elíasar Blöndal, framkvæmdastjóra Bændahallarinnar, er starfsemi Hins íslenska bókmenntafélags góð viðbót við aðra starfsemi í húsinu og styður við rekstur Hótel Sögu. „Fyrir er bankaútibú, rakari, hárgreiðslustofa, ferðaskipuleggjandi, veitingastaðir og ráðstefnudeild, skrifstofur Bændasamtaka Íslands, skrifstofur á vegum hins opinbera og annarra og 236 hótelherbergi.“

Um 1000 manns heimsækja Bændahöllina á hverjum degi

Bændahöllin ehf. er félag í eigu Bændasamtaka Íslands. Bændahöllin var byggð af bændum árið 1962 og hefur alla tíð verið í eigu þeirra. Bændahöllin er um 18.500 fermetrar að stærð og um 1.000 manns heimsækja húsið á degi hverjum í margvíslegum tilgangi. Þáttur Bændahallarinnar og Hótel Sögu í menningarlífi bæjarins og ferðamennsku er mjög stór og Bændahöllin hefur verið eitt af helstu kennileitum Reykjavíkurborgar síðastliðin 55 ár.

Ýmsar menningarstofnanir eru í næsta nágrenni. Stofnun Vigdísar Finnbogadóttur í erlendum tungumálum flyst brátt í nýja byggingu á horni Suðurgötu og Brynjólfsgötu og Hús íslenskra fræða mun rísa þar sem Melavöllurinn var forðum. Þjóðarbókhlaðan, Þjóðminjasafnið og  Háskóli Íslands eru allt rótgrónar stofnanir steinsnar frá Bændahöllinni.

 

Stjórnlaus skógareyðing
Fréttir 17. janúar 2022

Stjórnlaus skógareyðing

Þrátt fyrir allt tal stjórnvalda í Brasilíu um verndun skóga sýna loftmyndir að ...

Viðurkennd verndandi arfgerð gegn riðu finnst í sex einstaklingum
Fréttir 17. janúar 2022

Viðurkennd verndandi arfgerð gegn riðu finnst í sex einstaklingum

Sex einstaklingar fundust fyrir skemmstu með tiltekna verndandi arfgerð (ARR) ge...

Vegagerðin greiðir 70% kostnaðar
Fréttir 17. janúar 2022

Vegagerðin greiðir 70% kostnaðar

Skrifað hefur verið undir samkomulag milli Svalbarðsstrandarhrepps og Vegagerðar...

Frægasta jólafuran kom úr Laugalandsskógi
Fréttir 17. janúar 2022

Frægasta jólafuran kom úr Laugalandsskógi

Feðgarnir Bradley og Barney Walsh voru meðal þeirra fjöl­mörgu sem heimsóttu Lau...

Gæti orðið mikilvægt framlag í orkuskiptum samgangna á Íslandi
Fréttir 14. janúar 2022

Gæti orðið mikilvægt framlag í orkuskiptum samgangna á Íslandi

Greint var frá því í Bændablaðinu fyrir jól að áform væru um að reisa áburðarver...

Verkmenntun í garðyrkju á tímamótum
Fréttir 14. janúar 2022

Verkmenntun í garðyrkju á tímamótum

Framtíðarstaða garðyrkjunáms á Reykjum er enn óljós og hægt gengur með yfirfærsl...

Fimm íslensk náttúruverndarsvæði tilnefnd til evrópskra verndarsvæða
Fréttir 14. janúar 2022

Fimm íslensk náttúruverndarsvæði tilnefnd til evrópskra verndarsvæða

Ísland hefur tilnefnt fimm íslensk náttúruverndarsvæði sem hluta af neti verndar...

Fyrsti vetnisknúni trukkurinn til að keppa í Dakar-rallinu verður Gaussin
Fréttir 13. janúar 2022

Fyrsti vetnisknúni trukkurinn til að keppa í Dakar-rallinu verður Gaussin

Franski vinnuvéla­fram­leið­andinn Gaussin afhjúpaði í nóvember síðastliðnum H2 ...