Vinsamlegast athugið að þetta efni er eldra en 5 ára.
Átakinu „Öruggur matur“ hleypt af stokkunum
Fréttir 23. apríl 2019

Átakinu „Öruggur matur“ hleypt af stokkunum

Höfundur: TB
Samtök bænda, afurðastöðvar og aðrir búvöruframleiðendur hafa tekið höndum saman og sett af stað fræðsluátak og kynningarherferð vegna breytinga sem aukinn inn­flutningur á búvörum hefur í för með sér. Frumvarp sjávarútvegs- og landbúnaðarráðherra um afnám frystiskyldu á hráu kjöti var kveikjan að því að hagsmunaaðilar komu saman til þess að bregðast við.
 
Meginskilaboð herferðarinnar eru að Ísland er í einstakri stöðu þegar kemur að matvælaöryggi og gæðum í landbúnaði. „Tíðni dýrasjúkdóma er mun lægri hér en víðast annars staðar, sýklalyfjaónæmi er enn sem komið er ekki útbreitt vandamál hérlendis og gæði fæðunnar okkar er munaður sem við eigum að standa vörð um. Tíðni matarsýkinga á Íslandi er lág í alþjóðlegum samanburði,“ segir á vefsíðunni www.oruggurmatur.is og tekið fram að í reglum um innflutning matvæla eigi alltaf að setja matvælaöryggi í fyrsta sæti. 
 
Markmiðið er að fræða og fjalla um ýmis atriði sem lúta að öryggi matvæla, m.a. dýraheilbrigði, lýðheilsu, sýklalyfjaónæmi og gildi upprunamerkinga. Vefsíðan oruggurmatur.is er komin í loftið en auk hennar verða auglýsingar og myndbönd áberandi. Sérstök áhersla er lögð á að fræða og upplýsa um mikilvægi þess að vita hvaðan maturinn kemur, huga að heilnæmi og þeim framleiðsluaðstæðum sem viðgangast í matvælaframleiðslu víða um heim.
 
Þeir aðilar sem standa að átakinu kalla sig „Hóp um örugg matvæli“ en auglýsingastofan Hvíta húsið hannar markaðsefni. Í hópnum eru: Bændasamtök Íslands, B. Jensen, Félag eggjaframleiðanda, Félag hrossabænda, Félag kjúklingabænda, Félag svínabænda, Fjallalamb, Ísfugl, Kjarnafæði, Kjötafurðastöð KS, Landssamband kúabænda, Landssamtök sauðfjárbænda, Landssamtök sláturleyfishafa, Matfugl, MS Auðhumla, Nesbú, Norðlenska, Reykjagarður, SAM - Samtök afurðastöðva í mjólkuriðnaði, Síld og fiskur, Sláturfélag Suðurlands, Sláturfélag Vopnfirðinga, Sláturhús KVH ehf. - SKVH og SMK - Samtök mjólkur- og kjötframleiðenda.
 

Mögulegur milliliður í kjötinnflutningi
Fréttir 17. júlí 2024

Mögulegur milliliður í kjötinnflutningi

Ýmislegt bendir til þess að fyrirtækið Háihólmi sé milliliður í innflutningi Kau...

Hestamennska gefur lífinu lit
Fréttir 17. júlí 2024

Hestamennska gefur lífinu lit

Það gustaði um hross kennd við Vöðla í Rangárþingi ytra á Landsmóti hestamanna.

Skrifað undir landsáætlun um útrýmingu á sauðfjárriðu
Fréttir 17. júlí 2024

Skrifað undir landsáætlun um útrýmingu á sauðfjárriðu

Skrifað var undir nýja landsáætlun um útrýmingu á sauðfjárriðu í Hörpu á mánudag...

Ársgamall kjúklingur enn í verslunum
Fréttir 16. júlí 2024

Ársgamall kjúklingur enn í verslunum

Þrátt fyrir að meira en ár er liðið frá síðustu sendingu kjúklingakjöts frá Úkra...

Mannelski og sjálfsöruggi gæðingafaðirinn
Fréttir 16. júlí 2024

Mannelski og sjálfsöruggi gæðingafaðirinn

Olil Amble og Bergur Jónsson á Syðri-Gegnishólum hafa náð einstökum árangri í hr...

Ráðuneytið svarar ESA um óvissuatriði
Fréttir 15. júlí 2024

Ráðuneytið svarar ESA um óvissuatriði

Matvælaráðuneytið segir í svari við fyrirspurn ESA, Eftirlitsstofnun EFTA, að sa...

Farsæll áhugaræktandi
Fréttir 15. júlí 2024

Farsæll áhugaræktandi

Þrír synir undan heiðursverðlaunahryssunni Álöfu frá Ketilsstöðum komu fram á La...

Hundrað hesta setningarathöfn
Fréttir 12. júlí 2024

Hundrað hesta setningarathöfn

Setningarathöfn Landsmóts hestasmanna er alla jafna hátíðleg.