Vinsamlegast athugið að þetta efni er eldra en 6 ára.
Benz M-Class 250.
Benz M-Class 250.
Mynd / HLJ
Fræðsluhornið 16. apríl 2015

Alltaf jafn sérstök tilfinning að keyra Benz

Höfundur: Hjörtur Leonard Jónsson
Í gegnum tíðina hefur Benz alltaf verið þekktastur fyrir góða endingu, mikið öryggi og mjög góða aksturseiginleika. 
 
Á dögunum prófaði ég Mercedes Benz M-Class 250 með fjögurra strokka dísilvél sem á að skila 204 hestöflum. Mér leiddist ekkert prufuaksturinn, en eftir um 100 km akstur hugsaði ég eitthvað á þá leið: Það þarf ekkert að skrifa um þennan bíl, hann selur sig sjálfur. 
 
Val um fimm mismunandi vélar í M-Class
 
Bíllinn sem ég prófaði var sá smæsti í „M-fjölskyldunni“ frá Benz og heitir Mercedes Benz M-Class 250. Þótt vélin væri sú smæsta skilar hún samt 204 hestöflum og er snögg upp á snúning þegar gefið er í, en rúmtak dísilvélarinnar er ekki nema 2143cc, en þrátt fyrir að vélin sé frekar lítil er tog hennar á lágum snúningi ágætt, þó er virkni vélarinnar skemmtilegust í efri mörkum snúnings. Sjálfskiptingin er sjö þrepa (G-TRONIC PLUS skipting) og finnur maður nánast aldrei þegar skiptingin fer á milli þrepa. Sama skiptingin er í öllum Bens M-Class bílunum, en vélarnar eru 5 mismunandi, allt frá þessari vél sem ég prófaði og upp í 525 hestafla vél með 5461cc vél, en bíll með þá vél kostar yfir 25 milljónir.
 
Drifbúnaður í M-Class skilar hámarks gripi áfram
 
Benz var einn af fyrstu framleiðendum bíla með spólvörn og hefur sífellt verið að betrumbæta hana. Þegar ég tók á drifbúnaðinum í hálku á stað þar sem mikil hálka var í öðru hjólfarinu færði drifbúnaðurinn allan kraft í hjólin sem höfðu grip. Eins þegar ég stoppaði uppi á klaka með framdekkin og tók svo ákveðið af stað var allt átakið á afturhjólin, það sama gerðist þegar ég bakkaði upp á svellbunkann og fór ákveðið af stað, þá færðist átakið á framhjólin. Þó var eitt sem ég varaði mig ekki á, en það var þungi bílsins og þar af leiðandi skriðþungi. Þar sem afar þægilegt er að keyra bílinn þá skapar það vissa hættu á að aka aðeins of hratt og þá þarf maður að vera meðvitaður um að þungir bílar eins og þessi hafa mikinn skriðþunga þó að bremsurnar séu einstaklega öflugar og góðar. 
 
Var afar hrifinn af hvernig dráttarkróknum er fyrir komið
 
Að keyra bílinn er afar þægilegt og eins og í flestum Benz-bílum er hann hlaðinn af öryggisbúnaði. Sem dæmi fór ég viljandi mjög nálægt bílnum á undan mér og kviknaði þá rautt gaumljós í mælaborðinu til að vara við hættunni. Á flestum bílum eru sæti stillt niðri og undir sætinu, en á M-Class eru takkarnir til að stilla sætið ofarlega á hurðum þar sem gott er að ná til þeirra. Þegar bíllinn er keyrður á grófum malarvegi heyrist ekki mikið hljóð frá mölinni inn í bílinn og í þungri umferð heyrast ekki heldur mikil umhverfishljóð inn í bílinn. Dráttarkrókurinn er alltaf á bílnum og með einum takka setur maður krókinn í læsta notkunarstöðu (mjög svipað og í VW Touareg). Dráttargeta M-Class er frá 2.950 kg séu bremsur á kerru eða vagni. Að loknum akstri var ég mjög hrifinn af bílnum þrátt fyrir að vera bara á ódýrustu gerðinni af M-Class sem kostar ekki nema 9.870.000, en sá dýrasti og kraftmesti kostar yfir 25 milljónir. Nánar er hægt að nálgast upplýsingar um Benz á vefsíðunni www.askja.is.
 
Helstu mál og upplýsingar:
 
Þyngd 2.950 kg
Hæð 1.796 mm
Breidd 2.141 mm
Lengd 4.804 mm
Eldsneytistankur 70 l

 

3 myndir:

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...