Vinsamlegast athugið að þetta efni er eldra en 3 ára.
Árið 2017 voru afurðatekjur á hverja kind að meðaltali 9.606 krónur og opinberar greiðslur 13.504 kr. Laun og launatengd gjöld á hverja kind voru 6.911 krónur árið 2017.
Árið 2017 voru afurðatekjur á hverja kind að meðaltali 9.606 krónur og opinberar greiðslur 13.504 kr. Laun og launatengd gjöld á hverja kind voru 6.911 krónur árið 2017.
Mynd / TB
Fræðsluhornið 30. júlí 2019

Afkomuvöktun sauðfjárbúa gefur góða mynd af rekstrinum

Höfundur: TB
Undanfarin tvö ár hefur Ráðgjaf­ar­miðstöð landbúnaðarins (RML) unnið að verkefni þar sem rekstrar­gögnum sauðfjárbúa er safnað saman til að varpa ljósi á stöðu greinarinnar og þróun hennar síðustu ár. Gögn frá 60 búum fyrir árin 2014-2017 eru nú í fórum RML en að mati ráðunauta þar á bæ hefur úrvinnsla gagn­anna skilað betri yfirsýn yfir rekstur sauðfjárbúa en sú vinnsla sem Hagstofa Íslands hefur með höndum á grunni skattframtala og ársreikninga. 
 
Meðaltals­fram­­leiðslukostnaður á hvert kíló lambakjöts er 1.032 krónur
 
Niðurstöður vöktunarinnar sýna meðal annars að meðaltals­fram­­leiðslukostnaður á hvert kíló lambakjöts er 1.032 krónur hjá þeim búum sem hafa tekið þátt. Árið 2017 voru afurðatekjur á hverja kind að meðaltali 9.606 krónur og opinberar greiðslur 13.504 kr. Laun og launatengd gjöld á hverja kind voru 6.911 krónur árið 2017. EBITDA á hverja kind var að meðaltali 6.739 árið 2017 en þar er átt við afkomu áður en tekið er tillit til vaxtagreiðslna og vaxtatekna, skattgreiðslna og afskrifta. Dæmi um kostnað á hverja kind eru vélakostnaður að upphæð 2.380 krónur, áburðar- og sáðvörukostnaður að upphæð 3.028 krónur og ýmsar rekstrarvörur að upphæð 2.014 krónur.
 
Fjármagnað af fagfé sauðfjárræktarinnar
 
Stefnt er að því að halda áfram með verkefnið en það hefur verið fjármagnað með framlagi af fagfé sauðfjárræktar samhliða því að þátttökubú hafa einnig greitt fyrir hluta af vinnunni. Fulltrúar RML sendu þátttakendum bréf á dögunum þar sem óskað er eftir því að viðkomandi bændur haldi áfram að leggja gögn inn í verkefnið.  Fagráð sauðfjárræktar hefur samþykkt að fjármagna vinnu við áframhaldandi greiningu og úrvinnslu gagna. Óski bændur eftir sérstakri heimsókn til að fara yfir niðurstöður síns bús samanborið við önnur þátttökubú þarf að greiða fyrir þá vinnu samkvæmt gjaldskrá RML. 
 
Óska eftir þátttöku fleiri bænda
 
Að mati Eyjólfs Ingva Bjarnasonar og Maríu Svanþrúðar Jónsdóttur, ráðunauta og verkefnisstjóra hjá RML, er nauðsynlegt að fá fleiri bændur inn í verkefnið. „Það þarf að fá fleiri bú til að styrkja gagnagrunninn enn frekar svo hann gefi sem besta mynd af fjárhagslegri stöðu sauðfjárbúa í landinu,“ segir í bréfi til bænda. Best er að fá gögnin lykluð m.v. grunnlykla í dkBúbót en einnig má senda landbúnaðarframtal RSK 4.08. 
 
Trúnaður ríkir um gögnin
 
Ítrekað er að bókhaldsgögn þátt­takenda eru og verða vistuð í lokuðum gagnagrunni sem verk­efnisstjórar einir hafa aðgang að en Bændasamtök Íslands og Landssamtök sauðfjárbænda munu fá aðgang að úrvinnslu gagnanna. 
 
Þau bú sem óska eftir þátttöku í verkefninu þurfa að tilkynna slíkt til verkefnisstjóra fyrir 10. ágúst 2019. Verkefnisstjórar eru Eyjólfur Ingvi Bjarnason (eyjolfur@rml.is) og María Svanþrúður Jónsdóttir (msj@rml.is) sem veita nánari upplýsingar.
 
 
Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...