Vinsamlegast athugið að þetta efni er eldra en 3 ára.
„Græn þök eru framtíðin“
Mynd / Brooklyn Grange
Fréttir 28. júní 2018

„Græn þök eru framtíðin“

Höfundur: Erla Hjördís Gunnarsdóttir
Frumkvöðlarnir Ben Flanner og Anastasia Cole Plakias hófu vinnu við stærsta jarðvegsbændabýlið á þaki árið 2010 í New York sem kallast Brooklyn Grange. Síðan hefur reksturinn einungis farið upp á við og virðist sem íbúar stórborgarinnar séu hæstánægðir með að geta keypt sér ferskt grænmeti og kryddjurtir sem ræktað er á þökum háhýsa í borginni. 
 
Það var sex daga vinna að hífa upp moldina á fyrsta þakið og eftir að hafa komið niður nokkrum tómatplöntum og mismunandi grasyrkjum var fyrsti vísir að þakgarðyrkjubýlinu í stórborginni orðinn að veruleika. 
 
„Þegar við byrjuðum með þessa hugmynd að framleiða mat á ónýttum svæðum uppi á þökum í New York var markmið okkar að skapa sjálfbært líkan fyrir landbúnað í þéttbýli og að framleiða hollt og girnilegt grænmeti fyrir svæðið hér í kringum okkur ásamt því að gera vistkerfinu nokkra greiða í leiðinni. Það sem hefur einnig alltaf verið mikilvægt í mínum huga er að afhenda ferska vöru,“ segir Ben Flanner, hugmyndasmiður og annar stofnenda Brooklyn Grange. 
 
Miklu meira en „þakgróðurhús“
 
Fyrir Ben virkaði það sem sjálfsagður hlutur að nýta sólarorkuna sem til fellur á þökum háhýsa í New York.
 
„Núna framleiðum við á tveimur hekturum í Brooklyn- og Queens-hverfunum og höfum selt um 250 tonn af grænmeti frá byrjun til veitingastaða og beint til neytenda í gegnum bændabása sem settir eru upp hér í nágrenninu í hverri viku,“ segir Ben og bætir við:
 
„Ásamt þessu höfum við útvíkkað upprunalegu hugmyndina og erum nú einnig með varphænsni og höldum hunangsflugur. Einnig tökum við á móti skólahópum í samvinnu við City Growers og höfum jafnframt haldið fræðslu fyrir fullorðna. Það er mikið líf allan daginn á þökunum okkar því á meðan við erum að uppskera yfir daginn getur á sama tíma verið vinnustaður í heimsókn að fræðast um reksturinn og á kvöldin breytumst við í rómantískan viðburðastað fyrir jógatíma, matarpartí og brúðkaup sem dæmi.“
Von, jákvæðni og áskoranir
 
Það er þó ekki einungis dans á rósum að framleiða grænmeti á þökum og hefur starfsfólk Brooklyn Grange mætt ýmsum áskorunum.
 
„Vindurinn er mikil áskorun fyrir okkur. Við notum mikið af skýlum til að hindra rof, sérstaklega á veturna, og reynum að rækta hærri plöntur eins og sólblóm til að stöðva vindinn. Þetta einstaka umhverfi sem við ræktum við hefur einnig sína kosti því við hjálpum borginni við að stjórna stormvatnsrennsli og drögum úr áhrifum af þéttbýlishitun. Á sama tíma erum við einnig kennslurannsóknarstofa, ekki eingöngu fyrir nemendur sem hingað koma heldur einnig fyrir alla gesti sem kíkja í heimsókn, jafnt ungir sem aldnir,“ útskýrir Anastasia.
 
„Brooklyn Grange er ekki eingöngu arðbær framleiðsla á þökum heldur eru þetta staðir fyrir samfélagið þar sem fólk getur komið saman og tekið þátt í matvælaframleiðslu og landbúnaði á jákvæðan og þroskandi hátt. Það verður sífellt algengara að fólk í þéttbýli verður afhuga matvælaframleiðslukerfum og þá fyllumst við máttleysi yfir að breyta þeim. Þannig finnum við að þessi hugmynd skapar von og  jákvæðni hjá okkar gestum. Íbúar í New York eru smátt og smátt að uppgötva það að þeir þurfa ekki að segja skilið við tengsl sín við náttúruna þó að þeir búi í einni stærstu borg í heiminum. Ég hef trú á því að „græn“ þök séu framtíðin.“ 

4 myndir:

Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...