Vinsamlegast athugið að þetta efni er eldra en 3 ára.
Höskuldur Pálsson segir að Ísfugl leggi ríka áherslu á að neytendur geti séð á umbúðum vörunnar frá hvaða búi hún kemur.
Höskuldur Pálsson segir að Ísfugl leggi ríka áherslu á að neytendur geti séð á umbúðum vörunnar frá hvaða búi hún kemur.
Mynd / HKr.
Fólk 22. nóvember 2018

Eini kalkúnaframleiðandi landsins

Höfundur: Hörður Kristjánsson
Höskuldur Pálsson, rekstrarstjóri Ísfugls í Mosfellsbæ, kynnti starfsemi fyrirtækisins fyrir gestum á Landbúnaðarsýningunni í Laugardalshöll. Þar gaf hann fólki jafnframt að smakka á framleiðslunni. 
Uppsetning á bás Ísfugls var einföld en afar smekkleg. Þar komu gestir að kjötborði þar sem sjá mátti afurðirnar á bak við gler, en Ísfugl hefur mikla sérstöðu á íslenskum alifuglakjötsmarkaði.
 
Eini kalkúnaframleiðandi landsins
 
„Um 50 manns starfa hjá Ísfugli. Sérstaðan hjá Ísfugli er að við erum eina fyrirtækið sem bjóðum upp á íslenskar kalkúnaafurðir en kalkúnninn kemur frá Reykjabúinu. Auk þess eru allar okkar afurðir rekjanlegar til framleiðanda,“ segir Höskuldur. 
 
Íslenskir kjúklingar og kalkúnar
 
Ísfugl vinnur og selur eingöngu íslenska kjúklinga og kalkúna frá Ísfuglsbændum. Fyrirtækið notar engin fúkkalyf við eldi fuglanna. Bændurnir leggja inn kjúklinga og kalkúna til Ísfugls. Þar er fuglunum slátrað og kjötið unnið og selt ýmist ferskt eða frosið, soðið eða steikt og unnið undir vörumerki Ísfugls. Vörurnar eru seldar til verslana, veitingastaða og mötuneyta.
 
Þú sérð frá hvaða Ísfuglsbónda kjötið þitt kemur!
 
Ísfugl leggur ríka áherslu á að neytendur geti séð á umbúðum vörunnar frá hvaða búi hún kemur. Allt ferskt og óunnið kjöt frá Ísfugli er rekjanlegt til bónda. Um leið og unginn kemur úr egginu fær hann rekjanleikanúmer sem fylgir honum allt til enda. Nafn búsins kemur fram á umbúðum og á www.isfugl.is  getur neytandinn aflað sér frekari upplýsinga um bóndann sem ræktað hefur fuglinn sem keyptur er hverju sinni. Þá eru þær afar smekklega hannaðar og fanga strax augu viðskiptavina. 
 
Landbúnaðarsýningar mættu vera oftar
 
Höskuldur sagði viðtökurnar hafa verið afar góðar á sýningunni og fólk hafi sýnt þeirra framleiðslu mikinn áhuga. 
 
„Ég held að svona sýning mætti veru reglulega, kannski á þriggja ára fresti. Ég held að það væri ekkert of í lagt, allavega miðað við þann gestafjölda sem hingað hefur komið. Það eina sem vantar á þessa sýningu eru fleiri matvælaframleiðendur.“ 
 
Kjötvinnsla reist í Mosfellsbæ 1979
 
Ísfugl sláturhús og kjötvinnsla var reist árið 1979 á Reykjavegi í Mosfellsbæ og var þá í eigu hlutafélags nokkurra alifuglabænda. Þá hófst úrbeining og vinnsla kjúklingakjöts hérlendis, en fram að þeim tíma höfðu kjúklingar aðeins verið seldir frosnir í heilu lagi. Ísfugl er elsta starfandi fyrirtækið í greininni en forveri Ísfugls var lítið fuglasláturhús sem Jón M. Guðmundsson reisti á Reykjum árið 1962. Þar slátraði Jón fyrir sjálfan sig og nokkra aðra bændur. Eigendur Ísfugls frá árinu 2012 eru Jón Magnús Jónsson og Kristín Sverrisdóttir, bændur á Reykjum, en bændur Reykjabúsins hafa verið hluthafar frá upphafi.
 
Með fyrsta A-vottaða alifuglasláturhús landsins
 
Á Íslandi eru þrjú alifuglasláturhús. Ísfugl framleiðir nú um 20% af innlendu alifuglakjöti og er jafnframt minnsta fyrirtækið á því sviði á íslenska markaðnum. Ísfugl er nú með A-vottun frá MAST, fyrst alifuglasláturhúsa á landinu.  Helsta áskorun innlendrar framleiðslu er að mæta auknum innflutningi næstu árin.
 
Strangt  eftirlit með framleiðslunni
 
Ísfugl starfar undir ströngu eftirliti Matvælastofnunar og það gera bændur Ísfugls líka. Bændur þurfa að taka campylobaktersýni og salmonellusýni úr öllum eldishópum áður en þeir koma til slátrunar í Ísfugli. Annað sýni er síðan tekið í sláturhúsi til staðfestingar. Eftirlitsdýralæknir Matvælastofnunar hefur daglegt eftirlit með góðum starfsháttum og velferð fuglanna í Ísfugli. 

Skylt efni: Ísfugl | kalkúni

Heitt poppkorn er hollt sælgæti!
Fólk 10. maí 2022

Heitt poppkorn er hollt sælgæti!

Svo hljóðaði auglýsing er birtist á síðu Morgunblaðsins í júlílok árið 1968 - en...

Lesning fyrir heilabilaða
Fólk 4. maí 2022

Lesning fyrir heilabilaða

Þegar ég setti saman bókina Í húsi afa míns sem kom út fyrir tólf árum, hvarflað...

Fimm hurða farsi leikfélags Hólmavíkur!
Fólk 19. apríl 2022

Fimm hurða farsi leikfélags Hólmavíkur!

Nú hefur leikfélag Hólmavíkur sett upp farsann Bót og betrun eftir Michael Coone...

Ef væri ég gullfiskur!
Fólk 28. mars 2022

Ef væri ég gullfiskur!

Spéfarsinn „Ef væri ég gullfiskur“ eftir Árna Ibsen, í flutningi leikfélags Umf....

Ekki um ykkur! Verk Leikfélags Menntaskólans á Ísafirði
Fólk 16. mars 2022

Ekki um ykkur! Verk Leikfélags Menntaskólans á Ísafirði

Leikfélag Menntaskólans á Ísafirði frumsýndi leikritið „Ekki um ykkur” eftir Gun...

Verndarar láðs & lagar
Fólk 14. mars 2022

Verndarar láðs & lagar

Þegar verndarar láðs og lagar ber á góma er gaman að rekast á þá þar sem maður á...

Flestir gullsmiðir voru bændur
Fólk 28. febrúar 2022

Flestir gullsmiðir voru bændur

Árið 2011 hlaut Dóra Guðbjört Jónsdóttir gullsmiður þakkarviðurkenningu FKA – Fé...

Hann á það skilið? Á hann það skilið?
Fólk 2. febrúar 2022

Hann á það skilið? Á hann það skilið?

Í kaflanum „Misseristalið og tildrög þess“ eftir Þorkel Þorkelsson, í 1. tbl. Sk...