Þær stöllur, Auður, Elka, Hulda og Feng.
Þær stöllur, Auður, Elka, Hulda og Feng.
Líf og starf 3. nóvember 2026

Frumsýning á Kvennaráð

Höfundur: Sigrún Pétursdóttir

Leikfélag Eyrarbakka frumsýnir leikritið Kvennaráð eftir leikskáldið og rithöfundinn Sellu Páls. þann 30. október í Rauða húsinu á Eyrarbakka.

Kvennaráð fjallar um Þorgerði, áttræða ekkju sem stóð í skugga manns síns í fimmtíu ár, stoð hans og stytta – en nú vill hún breyta til og gera það sem hana langar! Ekki eru allir sammála um ágæti þeirrar hugmyndar, en þessi nýfengna frelsisþrá og sjálfstæði fer eitthvað fyrir brjóstið á einkadótturinni Birnu. 

Samband þeirra mæðgna var reyndar heldur þvingað fyrir, en Þorgerði grunar tengdason sinn um græsku ... Lítið gengur hjá Birnu að halda móður sinni á mottunni, því heimilishjálpin, hin asíska Mei, reynist Þorgerði óvæntur bandamaður. Birna bregst illa við og ásakanir um samsæri fljúga um loftið auk þess sem beitt og kómískt uppgjör þeirra mæðgna mun án efa kitla hláturtaugar leikhúsgesta.

Verkið var frumkynnt með leiklestri á vegum hópsins Leikhúslistakvenna 50+ í Hannesarholti árið 2018 undir leikstjórn Sveins Einarssonar og hlaut mikið lof gagnrýnenda.

Hulda Ólafsdóttir leikstýrir nú verkinu og leikarar eru Auður Elín Hjálmarsdóttir, Elka Long Rúnarsdóttir og Feng Hannesdóttir, búningahönnuður er Eygerður Þórisdóttir. 

Miðasala er á tix.is, miðaverð 3.500 kr. en sýningar verða alls sex talsins. Frumsýningin verður þann 30. okt. kl. 20 og næstu sýningar 1. nóv. kl. 15, 7. nóv. kl. 15, 8. nóv kl. 15, 13. nóv. kl. 20 og loks 15. nóv. kl. 15. Nánari upplýsingar veitir Sesselja Pálsdóttir, kynningarfulltrúi Leikfélags Eyrarbakka, í s.8673370, eða leikkfelageyrarbakka[hjá]gmail.com.

Gaman er að segja frá því að sýndar verða fjölbreyttar hannyrðir eftir konur á Eyrarbakka – fyrir sýningar og í hléi. 

Er hár yðar óstýrilátt?
Líf og starf 13. nóvember 2026

Er hár yðar óstýrilátt?

Margir þekkja þá raun að eiga við hárið á sér, sumir fremur öðrum auðvitað og ei...

Tilmæli um ábyrga notkun gervigreindar
Líf og starf 12. nóvember 2026

Tilmæli um ábyrga notkun gervigreindar

Bandalag íslenskra listamanna (BÍL) hefur ákveðið að hrinda af stað átaki þar se...

Aldarafmæli Láru Brynhildar
Líf og starf 12. nóvember 2026

Aldarafmæli Láru Brynhildar

Lára Brynhildur Eiríksdóttir, sem býr á hjúkrunarheimilinu Lögmannshlíð á Akurey...

Lausn á vísnagátunni úr 20 tölublaði
Líf og starf 10. nóvember 2026

Lausn á vísnagátunni úr 20 tölublaði

Hér er lausnin á vísnagátunni sem birtist í 20. tölublaði Bændablaðsins. 

Svar við loftmyndagetraun
Líf og starf 9. nóvember 2026

Svar við loftmyndagetraun

Í loftmyndagetrauninni að þessu sinni voru lesendur beðnir um að bera kennsl á l...

Stjörnuspá vikunnar
Líf og starf 5. nóvember 2026

Stjörnuspá vikunnar

Sporðdrekinn hefur beðið spenntur eftir einhverju sem hann taldi dramatískt, en ...

TR trónir á toppnum
Líf og starf 4. nóvember 2026

TR trónir á toppnum

Taflfélagi Reykjavíkur gekk vel í þeim sveitakeppnum sem fram fóru síðustu helga...

Rosaleg blöð að norðan
Líf og starf 4. nóvember 2026

Rosaleg blöð að norðan

„Það væri afrek að komast í þrjú grönd.“ Þetta sagði Ragnar Hermannsson stórspi...